Хэундэ (пляж)

Википедия — ирекле энциклопедия мәғлүмәте
Перейти к навигации Перейти к поиску
Хэундэ
Рәсем
Дәүләт Flag of South Korea.svg Көньяҡ Корея
Административ-территориаль берәмек Хэундэгу
Рәсми сайт sunnfun.haeundae.go.kr
english.visitkorea.or.kr/…
Commons-logo.svg Хэундэ Викимилектә

Хуэндэ пляжы (кор. 해운대해수욕장?, 海雲臺海水浴場?해운대해수욕장?, 海雲臺海水浴場?) КӨньяҡ Кореяның Корея боғаҙындағы Пусан ҡалаһы пляжы. Корея ярымутрауына килгән сит ил туристары араһында иң билдәле һәм матур пляж.

Урыны[үҙгәртергә | вики-тексты үҙгәртергә]

Хэундэ пляжы Пусандың көнсығыш өлөшөнөң Хэундэгу районындағы Пусан тимер юл метроһынан 40 минуттағы Хэундэ станцияһы һәм халыҡ-ара Кимхэ аэропортынан бер сәғәтлек юлда урынлашҡан.

Тасуирлама[үҙгәртергә | вики-тексты үҙгәртергә]

Бөтә Хэундэның оҙонлоғо 1,5 км, киңлеге 30-ҙан алып 50 м-ға тиклем киңлегендәге ҡомло пляждарына барыу юлына киң ағас түшәмә һалғандар, шулай уҡ ҙур бер эскәмйә төҙөгәндәр. Пляжда урам барҙары, кафе, ресторандар эшләй, урамдарҙа музыканттар сығыш яһай, пляждан алыҫ түгел бер нисә ҡунаҡхана рәт-рәт булып теҙелгән. Ҡайһы бер урындарҙа ер аҫтынан ҡайнар шишмәләр атылып сыға, улар тән тиреһе, быуындар һәм ҡан баҫымы сиренән дауалай.

Сентябрҙән июнгә тиклем бында һыу инеүҙе тыйыуҙарға ҡарамаҫтан, йыл әйләнәһенә Хэундэ пляжы Пусандың төп мәҙәниәт үҙәге булып тора. Бында бик күп фестивалдәр һәм башҡа мәҙәни саралар уҙғарыла, улар араһында йыл һайын үткәрелә торған халыҡ-ара кинофестивалдәр бар. 1988 йылдан башлап ғинуарҙа һыу температураһы 0 °C тиклем төшкәс, бында «Аҡ айыу» фестивале үткәрелә, уның барышында һалҡын һыүҙа йөҙөп моржланыу менән шөғөлләнеүсе кешеләрҙең ярыштары ойошторола.

Пляжда Көньяҡ Кореяның иң ҙур океанариумы урынлашҡан, улар эсендә бер нисә тематик балыҡ аквариумдары һәм диңгеҙ хайуандары тотолған асыҡ бассейн бар.

Иҫкәрмәләр[үҙгәртергә | вики-тексты үҙгәртергә]