Хәлимә - Пәйғәмбәрҙең Һөт Инәһе

Википедия — ирекле энциклопедия мәғлүмәте
Перейти к навигации Перейти к поиску
Хәлимә - Пәйғәмбәрҙең Һөт Инәһе
ғәр. حليمة بنت أبي ذؤيب
Шәхси мәғлүмәт
Һөнәре, эшмәкәрлек төрө:

һөт инәһе

Милләте:

ғәрәптәрҙең хауазин ырыуынан Сад ибн Бәкр араһынан

Атаһы:

Абдуллаһ ибн әл-Харис

Балалары:

улы Абдуллаһ, ҡыҙҙары Әнисә һәм Хүзәфә


Өҫтәмә мәғлүмәт
Разное:

Пәйғәмбәр Мөхәммәт с.ғ.с.-дең Һөт Инәһе

Хәлимә бинт Әбү Зүәйб, - Хәлимә әс-Садия исеме менән дә билдәле зат (ғәр. حليمة السعدية‎) — Пәйғәмбәр Мөхәммәт с.ғ.с.-дең Һөт Инәһе. Малайҙы ул дүрт йәшенә тиклем имеҙгән, сөнки баланың әсәһе вафат булып ҡалған. Хәлимә менән уның хәләл ефете әл-Харис ғәрәптәрҙең хауазин ырыуынан Сад ибн Бәкр араһынан булған [1].

Биографияһы[үҙгәртергә | вики-тексты үҙгәртергә]

Мөхәммәт с.ғ.с. донъяға килгән йылы Сад ибн Бәкр араһы вәкилдәре имеҙергә бала алыр өсөн Мәккәгә килә. Балаларҙы хәлле, атайлы ғаиләләрҙән алырға тырышалар. Риүәйәттәргә ҡарағанда, Хәлимәгә етем Мөхәммәт кенә тороп ҡала, баланың атаһы ул донъя күргәнсе үк баҡыйлыҡҡа күскән булһа ла ҡатын буш ҡайтырға теләмәй, уны ала.Бәйән ителеүенсә, ул йылы ныҡ ҡоролоҡ була, аслыҡтан Хәлимәнең хатта үҙ балаһына ла һөтө етмәгән була. Мәгәр Мөхәммәтте ҡулына алыу менән уға һөт төшә башлай, ике балаға ла туйғансы имеҙергә етә [2].

Сад ибн Бәкр араһы башта Худайбиәлә, артабан Мәҙинәлә йәшәй. Мөхәммәткә ике йәш булғас, Хәлимә баланы кире ҡайтарырға уйлай, тик уның әсәһе Әминә бинт Ваһб тағы күпмелер ваҡытҡа уны ҡалдырып тороуын үтенә.

Мөхәммәт с.ғ.с Хәҙисәгә (Хәдиджә р.ғ)өйләнгән була инде, Хәлимә Уға ауыр хәлдә йәшәүҙәрен әйтә. Мөхәммәт с.ғ.с ҡатынынан уға 40 һарыҡ биреүҙе һорай. Рәсүллек иңгәс, Хәлимә менән ире уның янына килеп шәһәҙәт әйтә, Ислам ҡабул итә. Һәләкәтле еңелеү була яҙған урындан еңеүгә килтергән Хүнәйнә һуғышы булараҡ тарихта ҡалған көндә Һөт Инәһе уларға килгәс, Пәйғәмбәр с.ғ.с өҫтөндәге сапанын сисеп аҫтына түшәп ултырта.

Хәлимәнең өс балаһы булған: улы Абдуллаһ, ҡыҙҙары Әнисә һәм Һизәфә.[3]

Һылтанмалар[үҙгәртергә | вики-тексты үҙгәртергә]

  • Ситдиҡова Гүзәл.Динебеҙҙә ҡатын-ҡыҙ.// Башҡортостан ҡыҙы. - 2008, №10

Иҫкәрмәләр[үҙгәртергә | вики-тексты үҙгәртергә]

  1. Muhammad (prophet of Islam). Encyclopædia Britannica. 8 ноябрь 2014 тикшерелгән.
  2. Halimah bint Abi Dhuayb. The Oxford Dictionary of Islam. 8 ноябрь 2014 тикшерелгән.
  3. Ситдиҡова Гүзәл.Динебеҙҙә ҡатын-ҡыҙ.// Башҡортостан ҡыҙы. - 2008, №10

Әҙәбиәт[үҙгәртергә | вики-тексты үҙгәртергә]

  • Исламский энциклопедический словарь. А. Али-заде, Ансар, 2007 г.
  • Тәсһилүл бәйән фи тәфсирил Ҡөрьән// Ҡөрьән тәфсиренең еңеләйтелгән аңлатмаһы. 4 томда. — Ҡазан:2004 йыл
  • Ситдиҡова Гүзәл. Йәннәт баҡсаһы. — Өфө: Полиграфдизайн, 2005. — 102 б.
  • Ситдиҡова Гүзәл. Күсле ил — көслө ил. — Өфө:Китап, 2007.- 448 бит
  • Ситдиҡова Гүзәл. Динебеҙҙә ҡатын-ҡыҙ.// Башҡортостан ҡыҙы. — 2008, № 10