Ягала (шарлауыҡ)

Ягала
Ягала
	эст. Jägala juga
Ил	Эстония;
Регион	Харьюмаа
Йылға	Ягала
Бейеклеге	8 м
Киңлеге	50 м
	Ягала
	Ягала
	Ягала Викимилектә

Ягала (эст. Jägala juga) — Эстонияның Харьюмаа өйәҙе Йыэляхтме улусында, шул уҡ исемле йылғалағы шарлауыҡ. Ул йылға Фин ҡултығына ҡойған ерҙән 4 километр алыҫлыҡта һәм Таллиндан көнсығышҡа табан 25 км алыҫлыҡта урынлашҡан.

Шарлауыҡ бейеклеге яҡынса 8 м, ә киңлеге 50 м. Шулай итеп, Эстонияның иң ҙур шарлауыҡтарының береһе. Шарлауыҡ, ул шарлауыҡтың бөтә киңлеге буйынса аҫтынан үтергә мөмкин булған, һикәлтә барлыҡҡа килтерә. Был уны һис шикһеҙ тағы ла ҡыҙыҡлыраҡ итә, ләкин һаҡ булырға кәрәк, сөнки үтеү юлы хәүеф тыуҙырған эре һәм шыуғалаҡ таштар менән ҡапланған.

Шарлауыҡ айырыуса яҙ, ҡар ирегән һәм һыу ташҡан ваҡытта матур.

Ягала йылғаһы глинт өҫтөнә аға, уның аҙағында шарлауыҡ барлыҡҡа килтергән һикәлтә хасил булған. Үҙ сиратында шарлауыҡ оҙонлоғо 300 метр һәм тәрәнлеге 12-14 метр булған үҙән барлыҡҡа килтерә. Һәр йыл һайын үҙән, йылғаның башына ҡарай ҙурая, был күренеш глинттың һыу ағымы менән тәбиғи емерелеүе менән аңлатыла.

Ягала шарлауығы Эстонияның һаҡланыусы тәбиғәт объекты булып тора.

Элеккерәк замандарҙа халыҡта шарлауыҡтың икенсе исеме булған: Йоарюнгас (эст. Joarüngas)^[1]