Senior Group
| Senior Group | |
 | |
| Тип |
шәхси компания |
|---|---|
| Нигеҙләнгән | |
| Нигеҙләүсе | |
| Уранлашыуы | |
| Төп фигуралар |
Алексей Сиднев (генераль директор) |
| Тармаҡ |
арттар йорттары |
| Сайт | |
ООО «Сениор Групп», Senior Group — ҡарттар (оло йәштәге кешеләр) йорттарын төҙөү һәм ҡарттарҙы аҫрау менән шөғөлләнгән шәхси компания. 2007 йылдан алып башлыса Мәскәү өлкәһендә эшләй. Эксперттар мәғлүмәттәре буйынса Рәсәйҙә социаль эшҡыуарлыҡтың был өлкәһендә иң ҙур ойошма булып тора[1].
Тарих
[үҙгәртергә | сығанаҡты үҙгәртеү]Компанияны 2007 йылда эшҡыуар Николай Кобляков ойоштора. Быға тиклем ул Лондон иҡтисад һәм сәйәсәт фәндәре мәктәбен татамлаған һәм ете йыл дауамында Парижда йәшәгән. Уның диплом проектының темаһы булып оло йәштәге кешеләр өсөн шәхси резиденциялар төҙөү булған, һәм һөҙөмтәлә ул был идены тормошҡа ашырырға уйлаған: «Беҙ бик күп бизнес-пландар яҙҙыҡ һәм уларҙы инвестицион фондтарға ебәрҙек». Башланғыс капитал булараҡ Кобляков дуҫтарынан 1 миллион евро аҡса бурыс итеп ала, был аҡсаға Мәскәү өлкәһенең Монино ҡасабаһында шифахананы ҡуртымға ала, ә һуңыраҡ дәүләт ҡарамағында булмаған «Муллыҡ» (рус. «Благосостояние») пенсион фонды уның уҙаҡташы булып китә һәм унан тағы ла 2 миллион евро ала[2].
Контракттың йөкләмәләрен боҙоу арҡаһында (процент түләүҙәрҙе төшөрөп ҡалдырыу), 2010 йылда Николай Кобляков ойошторолған пансионатты «Муллыҡ» фонды милкенә бирергә мәжбүр була, әммә быға тиклем ул тағы ла бер нисә пансионат асып өлгөрә һәм был бизнес менән эшен дауам итә. Ваҡыт үтеү менән Мәскәү өлкәһенең Акулово, Дубки, Лапино, Улиткино ҡасабаларында махсуслаштырылған ҡарттар йорттары барлыҡҡа килә[3][4].
2011 йылда Николай Кобляков әүҙемлекте Көнсығыш Европа илдәренә йүнәлтергә ҡарар итә һәм крмпанияһын эшҡыуар Алексей Сидневҡа һәм тағы ла бер уҙаҡташына һата. Алексей Сиднев компанияның яңы генераль директоры булып китә. Яңы етәкселәр резиденциялар селтәрен киңәйтәләр һәм төбәк франшиза төҙөп булған бизнес-модельды яңырталар. Шул уҡ технологиялар буйынса Киров һәм Калининград ҡалаларында пансионаттар асыла. Киләсәктә компания ололар йорттарының һанын арттырырға, дәүләт ҡарамағында булмаған пенсион фондтарҙан һәм был баҙарҙағы ҙур сит ил ойошмаларынан инвестициялар йәлеп итергә ниәтләй[5].
2014 йылда проектҡа яҡынса 600 миллион һум һалып Европа медицина үҙәге Senior Group компанияһы акцияларының контроль пакетын алыуға ирешә[6].
Эшмәкәрлеге
[үҙгәртергә | сығанаҡты үҙгәртеү]Senior Group компанияһы «Оло йәштәге быуын кешеләре донъяһы» (рус. «Мир старшего поколения») оло йәштәге кешеләрҙең тормошон яҡшыртыуға булышлыҡ иткән коммерция булмаған хеҙмәттәшлектең ғәмәлдәге ағзаһы булып тора. Хеҙмәттәшлектең маҡсаты — хеҙмәттең максималь сифатлы һәм уңайлы булыуына килтереү өсөн Рәсәй Федерацияһында дәүләт ҡарамағында булмаған оло йәштәге кешеләр өсөн хеҙмәт күрһәтеүселәренә үҙ яйында булған институт төҙөү.
Компанияның төп клиенттары булып мул тормошта йәшәгән кешеләрҙең ата-әсәләре булып тора. Мәҫәлән, күрһәтелгән хеҙмәттәрҙең төрөнә ҡарап 2012 йылда пансионаттарҙа йәшәү хаҡы айына 55 меңдән алып 90 мең һумға тиклем тәшкил иткән. Пансиондар кешеләрҙең үҙаллылыҡ дәрәжәһе буйынса айырылалар, хәтерен юғалтҡандар, ҡартлыҡ деменцияһы, шул иҫәптән Альцгеймер ауырыуы менән яфаланғандар өсөн махсус корпустар ҡаралған. Компанияның барлыҡ объекттары махсус ҡулланмалар, лифттар, бәләкәй инвалид техника саралары, функциональ карауаттар һәм башҡа мөмкинлектәре сикле булған оло йәштәге кешеләр өсөн тәьмин ителгән[7][8].
Иҫкәрмәләр
[үҙгәртергә | сығанаҡты үҙгәртеү]- ↑ Александр Лабыкин. Бизнес с человечным лицом. Эксперт (8 октябрь 2013). Дата обращения: 29 апрель 2015.
- ↑ Дина Ушакова. Частные дома престарелых получат госзаказ. Известия (12 сентябрь 2012). Дата обращения: 29 апрель 2015.
- ↑ Александр Щербак. Владельцы компании Senior Group создали в России сеть частных домов престарелых, чтобы доказать: забота о пожилых — не только богоугодное дело, но и прибыльный бизнес. Помощь бизнесу (4 май 2012). Дата обращения: 29 апрель 2015.
- ↑ Алёна Гетман. Где старикам место. Большой город (10 сентябрь 2012). Дата обращения: 29 апрель 2015. 2015 йыл 2 май архивланған.
- ↑ Юлия Гордиенко. И стар и рад. Коммерсантъ (1 май 2012). Дата обращения: 29 апрель 2015.
- ↑ Кирилл Седов, Ольга Гончарова. ЕМС выкупил дома престарелых. Vademecum (26 декабрь 2014). Дата обращения: 29 апрель 2015.
- ↑ Дом престарелых в Москве и Подмосковье. Senior Group. Дата обращения: 29 апрель 2015.
- ↑ Юлия Эйдель. Алексей Сиднев: «Я мечтаю, чтобы у каждого человека была достойная старость, и чтобы к пожилым приходили работать молодые». Частный Корреспондент (25 март 2014). Дата обращения: 29 апрель 2015. 2015 йыл 18 май архивланған.
Һылтанмалар
[үҙгәртергә | сығанаҡты үҙгәртеү]- Senior Group — компанияның рәсми сайты