Әғәҙуллина Лиза Ҡыям ҡыҙы

Әғәҙуллина Лиза Ҡыям ҡыҙы
Тыуған көнө	1 ғинуар 1942({{padleft:1942|4|0}}-{{padleft:1|2|0}}-{{padleft:1|2|0}}) (82 йәш)
Тыуған урыны	Башҡорт АССР-ының Ҡыйғы районы Түбәнге Ҡыйғы ауылы
Гражданлығы	СССР → Рәсәй Федерацияһы
Эшмәкәрлеге	педагог
Тормош иптәше	Фәнил Ғабдулла улы Әғәҙуллин
Наградалары һәм премиялары	Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» Рәсәй Федерацияһының атҡаҙанған уҡытыусыһы
Әғәҙуллина Лиза Ҡыям ҡыҙы Викимилектә

Әғәҙуллина Лиза Ҡыям ҡыҙы (1 ғинуар 1942 йыл) — башҡорт СССР һәм Рәсәй педагогы; Рәсәй Федерацияһының атҡаҙанған һәм халыҡ уҡытыусыһы, Рәсәй Федерацияһы дөйөм белем биреү мәктәбенең маҡтаулы хеҙмәткәре, Башҡортостан Республикаһының халыҡ уҡытыусыһы» (2008).

Биографияһы

Лиза Ҡыям ҡыҙы Әғәҙуллина (ҡыҙ фамилияһы Мөхәмәтдинова) 1941 йылдың 7 декабрендә (рус.), рәсми теркәү буйынса 1942 йылдың 1 ғинуарында Башҡорт АССР-ының Ҡыйғы районы Түбәнге Ҡыйғы ауылында тыуған.

1959—1961 йылдарҙа шул уҡ райондың Арыҫлан һәм Абзай урта мәктәптәрендә өлкән пионервожатый булып эшләй.

1966 йылдан, Бөрө педагогия институтын тамамлап, «химия һәм биология уҡытыусыһы» дипломын ҡулына алғас, Малаяҙҙа (Салауат районы, 1966—1968), Түбәнге Ҡыйғыла (1968—1970; бер үк ваҡытта — синыфтан тыш эштәрҙе ойоштороусы) уҡыта. 1970—1971 йылдарҙа Ҡыйғы районы мәғариф бүлегенең методика кабинеты мөдире була.

1971 йылдан Өфөлә йәшәй һәм эшләй: 27-се мәктәп уҡытыусыһы, 1996 йылдан — Октябрь районының айырым фәндәрҙе тәрәнәйтеп өйрәтеүсе 42-се мәктәптең химия уҡытыусыһы. Бер үк ваҡытта 1996 йылдан алып Республика башҡорт-төрөк лицейында (2003 йылдан — Республика Башҡорт лицей-интернаты)химия буйынса олимпиада дәрестәре алып бара.

Ғаиләһе

• Тормош иптәше — Фәнил Ғабдулла улы Әғәҙуллин.
• Ҡыҙы (табип), улы (Өфө дәүләт авиация техник университетында уҡыта).
• Бер туған ағаһы — Мөхәмәтдинов Радил Ҡыяметдин улы

Маҡтаулы исемдәре һәм башҡа бүләктәре

• «Фиҙакәр хеҙмәте өсөн. Владимир Ильич Лениндың тыуыуына 100 йыл тулыу уңайынан» юбилей миҙалы (1970)
• БДБ илдәре Химик белем биреү буйынса ассоциацияһының «Мәктәптәрҙең химия олимпиадаларын үҫтереүгә индергән өлөшө һәм юғары педагогик оҫталығы өсөн» дипломы (1998)
• Башҡортостандың баш ҡалаһы йыл уҡытыусыһы (2002)
• Рәсәй Федерацияһының атҡаҙанған уҡытыусыһы (2004)
• Рәсәй Федерацияһы дөйөм белем биреү мәктәбенең маҡтаулы хеҙмәткәре (2004)
• Башҡортостан Республикаһының халыҡ уҡытыусыһы (2008)
• Рәсәй Федерацияһының халыҡ уҡытыусыһы (2016).

Ваҡытлы матбуғатта

• Нәбиева Ғ. Өфө педагогы Рәсәй Президентына Мәскәүҙә Уҡытыусыға һәйкәл ҡуйырға тәҡдим итте.

Әҙәбиәт

• Шерстобитова А. Лизин хлеб // Республика Башкортостан : газета. — 2007. — № 111.

Һылтанмалар

• Әғәҙуллина Лиза Ҡыям ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 4 июнь 2021)
• Агадуллина Лиза Киямовна  (билдәһеҙ). Зал национальной трудовой славы. Дата обращения: 8 ноябрь 2016.