Амалье йорто

Википедия — ирекле энциклопедия мәғлүмәте
Перейти к навигации Перейти к поиску
Амалье йорто
Рәсем
Нигеҙләү датаһы 1898
Дәүләт Flag of Spain (1785–1873, 1875–1931).svg Испания[1]
Административ-территориаль берәмек Барселона[1]
Урынлашыу Эшампле[d][1]
Архитектор Жозеп Пуч-и-Кадафалк[d]
Архитектура стиле каталонский модернизм[d] һәм модерн[d]
Рәсми асылған ваҡыты 1900
Мираҫ статусы культурное достояние Каталонии национального уровня[d] һәм объект культурного наследия Испании[d][1]
Урамда урынлашҡан Пасео-де-Грасия
Рәсми сайт amatller.org
Ранг Alexa 15 032 870[2]
Commons-logo.svg Амалье йорто Викимилектә

Амалье йорто (кат.Casa Amatller) — Барселонала неоготика һәм модерн араһында тирбәлгән стилдә төҙөлгән бина. Әлеге ҡиәфәтен 1898 һәм 1900 йылдар араһында архитектор Ж. Пуч-и-Кадафалька проекты буйынса алған (кат.I Cadafalch Josep Puig).

Амалье йорто Эшампле районындағы Пасео-де-Грасия (кат.Passeig de Gràcia) урамында (кат. Eixample) Бальо йорто һәм Лео Морера йорто менән йәнәш урынлашҡан.

Тарихы[үҙгәртергә | вики-тексты үҙгәртергә]

Йорт 1875 йылда төҙөлгән, 1898 йылда уны кондитер Антонио Амалье һатып ала һәм архитектор Ж. Пуч-и-Кадафалькҡа реконструкцияларға ҡуша. Бер төркөм рәссамдар һәм биҙәү-ҡулланма сәнғәте оҫталары ҡатнашҡан эш барышында йорттоң үҙгәртеп ҡороу һәм художестволы биҙәү эштәре башҡарыла.

1976 йылда король указы менән Амалье йорто милли әһәмиәттәге ҡомартҡы тип иғлан ителә. Бинаның өҫкө ҡаттарында Амалье сәнғәтенең испан институты (кат.Amatller Hispànic Institut d ' Art) урынлаша, ул Испания сәнғәте темаһына арналған ҙур китапханаға эйә[3].

Архитектураһы[үҙгәртергә | вики-тексты үҙгәртергә]

Бинаның фронтоны ғәҙәти булмаған һикәлтәле, ул голланд готика әҫәрҙәрен хәтерләтә, ә өҫкө ҡат тәҙрәләренең биҙәлешендә испан готикаһы мотивтары күҙгә ташлана[3]. Дүртенсе ҡаттағы галерея семәрле капителдәре булған колонналар менән биҙәлгән. Фасад скульптураларын Эусеби Арнау-и-Маскорт (кат.I Mascort Arnau Eusebi) башҡарған. Төп инеү урыны библия темаларына һәм урта быуат риүәйәттәре сюжетына скульптуралар менән биҙәлгән, юғарыла урынлаштырылған аллегорик һүрәттәр музыка, һынлы сәнғәт, архитектура һәм скульптураны сағылдыра. Инеү урыны өҫтөндә йорт хужаһының аллегорик портреты урынлашҡан.

Бинаға ике инеү урыны бар— бейегерәге вестибюлдәргә егелгән кареталар өсөн тәғәйенләнгән, инеү ишектәре араһында Амальеның герб ҡалҡаны урынлашҡан.

Интерьеры[үҙгәртергә | вики-тексты үҙгәртергә]

Бинаның вестибюленең һәм төп баҫҡысының биҙәлеше каталон модерны өсөн хас — таш (колонналар), ағас (түбәләре),сүкелгән тимер (лампалар), төҫлө кафель (стеналарҙың көпләнеүе) бергә ҡулланыла[3]. Амалье йортоноң эске ихатаһы витраж менән ябылған.

Иҫкәрмәләр[үҙгәртергә | вики-тексты үҙгәртергә]

  1. 1,0 1,1 1,2 1,3 Monuments database — 2017.
  2. Alexa Internet — 1996.
  3. 3,0 3,1 3,2 Хомбург, Эльке Барселона. Путеводитель. 15 август 2015 тикшерелгән.

Әҙәбиәт[үҙгәртергә | вики-тексты үҙгәртергә]

  • Бөтә Барселона. Oro escudo de editorial нәшриәте, a. s. Barcelona. ISBN 84-378-1850-8

Һылтанмалар[үҙгәртергә | вики-тексты үҙгәртергә]