Литвинов Андрей Витальевич
 | |||||||||||||||||||||||||||
 | |||||||||||||||||||||||||||
| Позиция |
Ҡапҡасы | ||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Буйы |
180 см | ||||||||||||||||||||||||||
| Ауырлығы |
84 кг | ||||||||||||||||||||||||||
| Гражданлығы | |||||||||||||||||||||||||||
| Тыуған көнө |
19 март 1993 (31 йәш)
| ||||||||||||||||||||||||||
| МХЛ драфты |
Һайланмай | ||||||||||||||||||||||||||
| Карьера | |||||||||||||||||||||||||||
|
2010—ә.в.
| |||||||||||||||||||||||||||
| Хоккейсы карьераһы | |||||||||||||||||||||||||||
| |||||||||||||||||||||||||||
Литвинов Андрей Витальевич (19 март 1993 йыл, Новокузнецк, Рәсәй) — Рәсәй хоккейсыһы, ҡапҡасы. Новокузнецкиҙың «Металлург» командаһы тәрбиәләнеүсеһе. Әлеге ваҡытта Юғары хоккей лигаһында сығыш яһаған үҙе тәрбиәләнгән хоккей клубы уйынсыһы.
Карьера[үҙгәртергә | сығанаҡты үҙгәртеү]
«Металлург» Нк системаһында (2014 йылға тиклем)[үҙгәртергә | сығанаҡты үҙгәртеү]
Андрей Литвинов Новокузнецк «Металлург» командаһының хоккей мәктәбендә тәрбиәләнә. 2008 һәм 2010 йылдарҙа ул 1993 йылда тыуған үҫмерҙәр араһында Рәсәй финалында уйнай. 2011 йылдың 10 ғинуарынды ЙХЛ чемпионатында сығыш яһаған Новокузнецкиҙан «Кузнецкие Медведи» өсөн тәү тапҡыр уйнай. 2010/11 йылдар миҙгелендә ул бөтәһе дүрт уйында ҡатнаша, тик бер тапҡырҙа осрашыуҙы башынан аҙағына тиклем тулыһынса үткәрмәй. 2011/12 йылдар миҙгеленең 18 ғинуарында Литвинов тәү тапҡыр бер уйында боҙҙа 60 минут була һәм шулай уҡ беренсегә бер гол да үткәрмәй ҡапҡаһын һаҡлап ҡала. Бөтәһе шул миҙгелдә, Андрей 10 уйында ҡатнаша һәм ике осрашыуҙа еңеүгә өлгәшә.
2012/13 йылдар миҙгеленән башлап ул «Металлургтың» ЮХЛ-да фарм-клубы «Ариада-Акпарс» өсөн уйнай башлай. Тәү тапҡыр Андрей 2012 йылдың 1 октябрендә уйында ҡатнаша, ә 29 ноябрҙә ул осрашыуҙың башынан аҙағына тиклем ҡапҡала тора һәм командаһына еңеү килтерә. 8 ғинуарҙа «Кубань» командаһына ҡаршы уйында ул бөтә 34 һуғыуҙы ҡағып, ЮХЛ-да тәү тапҡыр ҡапҡаһын «ҡоро» ҡалдыра. Литвинов клубы менән Братина кубогының ярымфиналына етә һәм шунда «Һарыарҡа» командаһына отола. 2013 йылдың 16 мартында Андрей плей-офф уйындарында тәүгә ҡатнаша. «Ариада-Акпарс» өсөн шул миҙгелдә ул 26 уйын үткәрә һәм шуларҙың унауһын еңә. Шул уҡ миҙгелдә Андрей «Кузнецкие Медведи» өсөн бер уйын уҙғарып өлгәрә һәм шунда командаһы еңелә. Тағы ул Гагарин кубогына эләкмәгән командалар өсөн ойошторолған Өмөт кубогында «Металлург» өсөн бер уйын үткәрә.
Киләһе 2013/14 йылдар миҙгелендә «Ариада» өсөн даими чемпионатта ул 19 матчта ҡатнаша һәм ете тапҡыр уйында еңә. Команда Братина кубогына эләгә, әммә шунда тәүге раундта уҡ «Рубин» хоккей клубына 1-3 иҫәбе менән отола. Литвинов Братина кубогының өс уйынында ҡатнаша, берәүһен генә тулыһынса уйнай һәм шуны еңә. ЙХЛ чемпионатында ул һигеҙ осрашыу үткәрә һәм шуларҙың береһен генә еңә. Ошо миҙгелдән һуң Андрейҙың «Кузнецкие Медведи» менән контракты тамамлана.
«Липецк» менән «Буран» (2014—2016)[үҙгәртергә | сығанаҡты үҙгәртеү]
2014/15 йылдар миҙгелен ул «Липецк» хоккей клубында үткәрә. Яңы командаһы өсөн тәүге осрашыуҙы 21 сентябрҙә «СКА-Карелия» командаһына ҡаршы үткәрә, ә «Липецк» уйында дәғүәселәрен еңә (4:2). Был клуб өсөн шул миҙгелдә ул бөтәһе 27 осрашыуҙа ҡатнаша, шуларҙың 9 еңә һәм 10 еңелә, 2 тапҡыр ҡапҡаһын «ҡоро» ҡалдыра. Литвинов командаһы менән Братина кубогының тәүге раундында «Ермак» хоккей клубына алты осрашыуҙа еңелә.
2015 йылдың 30 июнендә Андрей Юғары хоккей лигаһында сығыш яһаған «Буран» менән бер йылға килешеү төҙөй[1]. Клуб өсөн тәүге рәсми осрашыуҙа ул уйынды башынан аҙағына тиклем тора һәм бер гол да үткәрмәйенсә командаһына еңеү килтерә. Миҙгел башынан ул ялһыҙ 10 уйын үткәрә һәр яртыһын еңә. ЮХЛ-дың тәүге миҙгеленең иң яҡшы ҡапҡасыһы тип таныла[2]. «Буран» даими чемпионатта юғары бишенсе урынды яулай, тик плей-офф уйындарының тәүге серияһында Балашиханан «Динамо» командаһына ҡаршы серияның тәүге өс уйынын еңһә лә артабан дүрт тапҡыр еңелә һәм Братина кубогынан төшөп ҡала. Андрей Литвинов даими чемпионатта 33 осрашыуҙа ҡатнаша, шуларҙың унауһында еңеүгә өлгәшә (лигала дүртенсе күрһәткес) һәм 4 тапҡыр иҫәбенә «ҡоро» уйын яҙа. Плей-оффта ул бер матчта ла ҡатнашмай.
«Салауат Юлаев» (2016—ә.в.)[үҙгәртергә | сығанаҡты үҙгәртеү]
2016 йылдың 12 июлендә Андрей Литвинов Континенталь хоккей лигаһында сығыш яһаған «Салауат Юлаев» менән ике яҡлы бер йыллыҡ килешеү төҙөй[3]. Тимәк, ул «Салауат Юлаев» өсөн дә, уның фарм-клубы «Торос» өсөн дә уйнай ала. Уның командаға килеүе күп һорауҙар тыуҙары, сөнки уның менән бергә «Салауат Юлаев» системаһында бөтәһе 10 ҡапҡасы була. Генераль менеджер Леонид Вайсфельд һәм баш тренер Игорь Захаркин ҡапҡасыларҙың күплеген киләсәктә кәрәк булыуы менән аңлата. 2016 йылдың 19 сентябрендә Андрей «Торос» өсөн тәүге уйынын үткәрә һәм бер гол ғына үткәреп командаһына еңеү килтерә. «Салауат Юлаев» өсөн Андрей бер уйында үткәрмәй. ЮХЛ-дың миҙгелендә ул 23 осрашыу үткәрә һәм шуларҙың 12-дә еңә. «Торос» даими чемпионатты бишенсе урында тамамлай һәм плей-оффта тәү тапҡыр беренсе раундта еңелеп ҡала.
ЮХЛ-да (2017—ә.в.)[үҙгәртергә | сығанаҡты үҙгәртеү]
2017 йылдың 1 июнендә клуб етәкселеге Андрейҙы Юғары хоккей лигаһына күсерелгән Новокузнецкиҙан «Металлург» хоккей клубына ҡапҡасы Андрей Кареевҡа алмаштыра[4]. Тимәк бер нисә йылдан һуң Литвинов тыуған ҡалаһындағы команда өсөн уйнарға ҡайта. 2017/2018 йылдар миҙгелендә Андрей барыһы 49 уйында ҡатнаша, шуларҙың егерме бишәүһендә еңеү яулай, ә «Металлург» Петров кубогы өсөн плей-оффта сирекфиналға тиклем етә һәм буласаҡ чемпионға отола. 2018/2019 йылдар миҙгелен ул «Металлург» составында башлай, 10 уйындың икәүһендә еңеү яулай. 2018 йылдың 31 декабрендә Андрей Красноярскиҙан «Сокол» хоккей клубына күсә[5]. «Сокол» даими миҙгелде 12-се урында тамамлай, Петров кубогы өсөн плей-оффтың тәүе этабында «Лада» хоккей клубын серияла 3-1 иҫәбе менән ота, ә сирекфиналда «СКА-Нева» командаһына ҡаршы бер уйында ғына еңеү яулай ала. Андрей Красноярск хоккей клубы өсөн 20 осрашыу уҙғара һәм 8 тапҡыр еңеү яулай.
2019 йылдың 1 май көнөндә ул «Металлург» менән яңы килешеү төҙөй[6].
Ҡаҙаныштар[үҙгәртергә | сығанаҡты үҙгәртеү]
- ЮХЛ чемпионатының бронза миҙалсыһы — 2013.
Статистика[үҙгәртергә | сығанаҡты үҙгәртеү]
- Һуңғы яңыртыу: 17 июль 2019
Иҫкәрмәләр: У — уйындар һаны, Е — еңеүҙәр, О — отолоуҙар, Мин — боҙҙа үткәргән минуттар һаны, ҮШ — үткәргән шайбалар, «0» — ҡоро уйындар һаны, ЫК — ышаныслыҡ коэффициенты, %КҠШ — кире ҡағылған шайбалар проценты
| Даими миҙгел | Плей-офф | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
| Миҙгел | Команда | Лига | У | Е | О | Мин | ҮШ | «0» | ЫК | %КҠШ | У | Е | О | Мин | ҮШ | «0» | ЫК | %КҠШ | ||
| 2010/2011 | Кузнецкие Медведи | ЙХЛ | 4 | 0 | 2 | 107 | 8 | 0 | 4.49 | 82.6 | Команда плей-оффҡа эләкмәй | |||||||||
| 2011/2012 | Кузнецкие Медведи | ЙХЛ-А | 10 | 2 | 3 | 384 | 16 | 1 | 2.5 | 91.4 | — | — | — | — | — | — | — | — | ||
| 2012/2013 | Кузнецкие Медведи | ЙХЛ-А | 1 | 0 | 1 | 59 | 3 | 0 | 3.02 | 87.5 | — | — | — | — | — | — | — | — | ||
| 2012/2013 | Ариада-Акпарс | ЮХЛ | 22 | 5 | 6 | 958 | 44 | 1 | 2.75 | 91.3 | 4 | 1 | 0 | 93 | 2 | 0 | 1.28 | 95.3 | ||
| 2012/2013 | Металлург Нк* | КХЛ | — | — | — | — | — | — | — | — | 1 | 0 | 1 | 59 | 3 | 0 | 3.01 | 88.9 | ||
| 2013/2014 | Кузнецкие Медведи | ЙХЛ-А | 8 | 1 | 4 | 401 | 24 | 0 | 3.58 | 87.8 | — | — | — | — | — | — | — | — | ||
| 2013/2014 | Ариада | ЮХЛ | 19 | 7 | 4 | 824 | 34 | 0 | 2.48 | 92.8 | 3 | 1 | 1 | 112 | 8 | 0 | 4.29 | 88.7 | ||
| 2014/2015 | Липецк | ЮХЛ | 23 | 9 | 7 | 1284 | 41 | 2 | 1.92 | 93.4 | 4 | 0 | 3 | 220 | 12 | 0 | 3.27 | 89.9 | ||
| 2015/16 | Буран | ЮХЛ | 33 | 20 | 10 | 1916 | 68 | 4 | 2.13 | 92.1 | — | — | — | — | — | — | — | — | ||
| 2016/17 | Торос | ЮХЛ | 23 | 12 | 7 | 1274 | 44 | 2 | 2.07 | 92.1 | 6 | 2 | 4 | 341 | 11 | 1 | 1.93 | 91.9 | ||
| 2017/18 | Металлург Нк | ЮХЛ | 38 | 20 | 12 | 2103 | 83 | 0 | 2.37 | 92.6 | 11 | 5 | 6 | 647 | 29 | 0 | 2.69 | 93.1 | ||
| 2018/19 | Металлург Нк | ЮХЛ | 10 | 2 | 4 | 443 | 29 | 1 | 3.11 | 91.8 | Команданан китә | |||||||||
| 2018/19 | Сокол | ЮХЛ | 11 | 4 | 4 | 589 | 22 | 2 | 2.24 | 92.7 | 9 | 4 | 5 | 547 | 17 | 0 | 1.86 | 94.9 | ||
| 2019/20 | Металлург Нк | ЮХЛ | ||||||||||||||||||
| Бөтәһе ЙХЛ-да | 23 | 3 | 10 | 952 | 51 | 1 | 3.21 | 88.7 | — | — | — | — | — | — | — | — | ||||
| Бөтәһе ЮХЛ-да | 179 | 79 | 54 | 9394 | 359 | 12 | 2.29 | 92.4 | 37 | 13 | 19 | 1962 | 79 | 1 | 2.42 | 93 | ||||
| Бөтәһе КХЛ-да | 1 | 0 | 1 | 59 | 3 | 0 | 3.01 | 88.9 | ||||||||||||
* «Плей-офф» урынына Өмөт кубогында уйындары
Шәхси тормошо[үҙгәртергә | сығанаҡты үҙгәртеү]
Андрей Литвинов уның кеүек Новокузнецк ҡалаһынан булған Дарья исемле ҡыҙ менән осраша. Улар 2011 йылдан тирәһе башлап бергә[7][8].
Иҫкәрмәләр[үҙгәртергә | сығанаҡты үҙгәртеү]
- ↑ Андрей Литвинов Воронежға күсә
- ↑ Лауреаты недели
- ↑ Подписан контракт с Андреем Литвиновым 2016 йыл 31 август архивланған.
- ↑ Андрей Кареев переходит в «Салават Юлаев»! 2017 йыл 6 июнь архивланған.
- ↑ Андрей Литвинов - игрок "Сокола"
- ↑ «Металлург» продлил контракт с Андреем Литвиновым
- ↑ Андрей Литвинов: Ради плей-офф ты играешь весь сезон
- ↑ Андрей Литвинов: Самый тихий в команде — это я
Һылтанмалар[үҙгәртергә | сығанаҡты үҙгәртеү]
- КХЛ сайтында профиле (рус.)
- Андрей Литвинов — Eliteprospects.com сайтында статистикаһы (инг.)
- ЮХЛ сайтында профиле
- ЙХЛ сайтында профиле
- «Российский хоккей» сайтында профиле
- 19 мартта тыуғандар
- 1993 йылда тыуғандар
- Алфавит буйынса шәхестәр
- Новокузнецкиҙа тыуғандар
- Алфавит буйынса спортсылар
- Алфавит буйынса хоккейсылар
- КХЛ хоккейсылары
- Салауат Юлаев командаһының уйынсылары
- Рәсәй хоккейсылары
- Хоккей ҡапҡасылары
- ЮХЛ уйынсылары
- Рәсәй хоккей ҡапҡасылары
- Торос командаһының уйынсылары
- ЙХЛ хоккейсылары
- «Кузнецкие Медведи» хоккейсылары
- «Ариада» хоккей клубы уйынсылары
- «Липецк» хоккей клубы уйынсылары
- «Буран» хоккей клубы уйынсылары
- Металлург Новокузнецк командаһының уйынсылары
- «Сокол» Красноярск хоккейсылары