Археология һәм этнография музейы (Өфө)

Википедия — ирекле энциклопедия мәғлүмәте
Перейти к навигации Перейти к поиску
Археология һәм этнография музейы
Рәсем
Нигеҙләү датаһы 1976
Дәүләт Flag of the Russian Soviet Federative Socialist Republic.svg Рәсәй
Административ-территориаль берәмек Өфө
Commons-logo.svg Археология һәм этнография музейы (Өфө) Викимилектә

Археология һәм этнография музейы (Өфө) — Рәсәй Фәндәр Академияһы Өфө фәнни үҙәгенең Р. Ғ. Кузеев исемендәге Этнологик тикшеренеүҙәр институты эргәһендәге ғилми музей[1]. 1976 й. Тарих, тел һәм әҙәбиәт институты эргәһендә ойошторолған. Музей архитектура ҡомартҡыһы булып иҫәпләнгән Е. А. Поносова-Молло йортонда урынлашҡан[2].

Тарихы[үҙгәртергә | вики-тексты үҙгәртергә]

Өфөлә археология һәм этнография академия музейын ойоштороу инициаторы — танылған ғалим-этнолог, тарих фәндәре докторы, РФА ағзаһы Рәил Кузеев. Уны ойоштороу тураһында ҡарар 1976 йылдың 20 ғинуарында ҡабул ителде, һәм тағы ла бер нисә йылдан, 1980 йылда, музей үҙенең ишектәрен асты. Академия музейы үҙенең фондтары менән таң ҡалдыра: ул фәнни экспедициялар ваҡытында йыйылған археология, этнография һәм антропология коллекцияларының иң ҙур һаҡлағыстарының береһе. Бында Көньяҡ Уралдың боронғо һәм урта быуат тарихының бөтә осорҙары буйынса материал тупланған, шул иҫәптән киң билдәле Филипп ҡурғандарының "Сармат алтыны" коллекцияһы, төбәктә йәшәгән халыҡтарҙың мәҙәниәте һәм көнкүреше буйынса ҡиммәтле мәғлүмәттәр йыйылған.

Музей фонды[үҙгәртергә | вики-тексты үҙгәртергә]

Археология һәм этнография музейы Рәсәй Фәндәр академияһы Өфө фәнни үҙәгенең Р.Ғ. Кузеев исемендәге Этнологик тикшеренеүҙәр институты составында эш итә.

2012 йылдан Музей экспозицияһы Р.Ғ. Кузеев исемендәге Этнологик тикшеренеүҙәр институтының (РФА ӨФҮ ikuzeev.ru) рәсми сайты 3D форматта интернет — файҙаланыусылары өсөн тулыһынса асыҡ.

Музей коллекциялары фундаменталь археологик һәм этнологик тикшеренеүҙәр үткәреү өсөн нигеҙ булып тора.

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]

http://ikuzeev.ru/

Әҙәбиәт[үҙгәртергә | вики-тексты үҙгәртергә]

  • Золотые олени Евразии. С.-Пб., 2003. ISBN 5-9501-0010-7
  • Музей археологии и этнографии. Каталог. Уфа, 2007.