Ганненко Валентина Фёдоровна
| Ганненко Валентина Фёдоровна | |
| Зат | ҡатын-ҡыҙ |
|---|---|
| Гражданлыҡ |
 СССР Рәсәй |
| Тыуған көнө | 17 апрель 1936 (88 йәш) |
| Тыуған урыны | Ярославский район[d], Ярославль өлкәһе, РСФСР, СССР |
| Маҡтаулы исемдәре һәм башҡа бүләктәре |
  |
Ганненко Валентина Фёдоровна (17 апрель 1936 йыл) — СССР-ҙың еңел сәнәғәте алдынғыһы, РСФСР Министрҙар Советы ҡарамағындағы «Транспрогресс» Фәнни-производство берекмәһенең Ярославль аяҡ кейеме фабрикаһы эшкәртеүсеһе, Хеҙмәт Даны орденының тулы кавалеры (1991).
Биографияһы
[үҙгәртергә | сығанаҡты үҙгәртеү]Валентина Фёдоровна Ганненко 1936 йылда Ярославль өлкәһенең Ярославль районы Никольское ауылында (хәҙер юҡ) урыҫ ғаиләһендә тыуған. Атаһы фронтта һәләк була, әсәһе дүрт бала менән тороп ҡала. Бала саҡта әсәһенә ярҙам итә. Мәктәптең ете синыфын тамамлай[1].
Ауыл хужалығында эшләй башлай, Толбухин районының «Родина» колхозына эшкә урынлаша. 1964 йылда үҙгәртеп ҡоролған колхоз Ярославль ҡалаһына күсә[1].
Ҡаҡлау фабрикаһының эшкәртеү цехына эшкә урынлаша, продукцияның һуңғы эшкәртеү этабында эшләй. Бында килгән быйманы наждак ташы өҫтөнә ҡуйып тигеҙләйҙәр. Был цехта ауыр эш шарттары фиҙакәрлек талап итә, бик аҙҙары ғына пенсияға тиклем бында эшләй. Сменаһына 180—200 норма урынына 320 пар аяҡ кейеме бирә. Аяҡ кейеме етештереү циклын үҙләштереп бөтә, икенсе теләһә ҡайһы цехта хеҙмәткәрҙәрҙе алмаштырыуҙа ярҙам итә.
СССР Юғары Советы Президиумының 1975 йылдың 21 апрелендәге Указы менән III дәрәжә Хеҙмәт Даны ордены менән бүләкләнә.
СССР Юғары Советы Президиумының 1981 йылдың 17 мартындағы Указы менән II дәрәжә Хеҙмәт Даны ордены менән бүләкләнә.
СССР Юғары Советы Президиумының 1991 йылдың 13 майындағы Указы менән «юғары сифатлы продукция етештергәне һәм хеҙмәт етештереүсәнлеген арттырыуға ҙур өлөш индергәне өсөн» Ганненко Валентина Фёдоровна I дәрәжә Хеҙмәт Даны ордены менән бүләкләнә. Хеҙмәт Даны орденының тулы кавалеры булып китә[2].
1991 йылдан алып хаҡлы ялда.
Ярославль ҡалаһында йәшәй[1][3].
Маҡтаулы исемдәре һәм башҡа бүләктәре
[үҙгәртергә | сығанаҡты үҙгәртеү]- Хеҙмәт Ҡыҙыл Байраҡ ордены (23.053.1986);
- I дәрәжә Хеҙмәт Даны ордены (13.05.1991);
- II дәрәжә Хеҙмәт Даны ордены (17.03.1981);
- III дәрәжә Хеҙмәт Даны ордены (21.04.1975);
- миҙалдар.
Иҫкәрмәләр
[үҙгәртергә | сығанаҡты үҙгәртеү]- ↑ 1,0 1,1 1,2 1,3 Сергей Каргапольцев. Ганненко Валентина Фёдоровна. «Герои страны» сайты. Дата обращения: 28 апрель 2020.
- ↑ Ярославцы – полные кавалеры Ордена Трудовой Славы. yarwiki.ru. Дата обращения: 28 апрель 2020.
- ↑ Полного кавалера ордена Трудовой Славы впервые за много лет не пригласили на парад Победы в Ярославле. yaroslavl.bezformata.com. Дата обращения: 28 апрель 2020.
Һылтанмалар
[үҙгәртергә | сығанаҡты үҙгәртеү]- Ганненко Валентина Фёдоровна. «Герои страны» сайты.