Ишниязова Дияна Рафаэль ҡыҙы
| Ишниязова Дияна Рафаэль ҡыҙы | |
| Зат | ҡатын-ҡыҙ |
|---|---|
| Гражданлыҡ |
 СССР Рәсәй |
| Тыуған көнө | 22 декабрь 1975 (48 йәш) |
| Тыуған урыны | Калининград, РСФСР, СССР |
| Һөнәр төрө | йырсы |
| Маҡтаулы исемдәре һәм башҡа бүләктәре | |
Ишниязова Дияна Рафаэль ҡыҙы (22.12.1975) — йырсы, халыҡ йырҙарын башҡарыусы, Хөсәйен Әхмәтов исемендәге Башҡорт дәүләт филармонияһының солист-вокалисы, Башҡортостан Республикаһының атҡаҙанған артисы[1].
Биографияһы
[үҙгәртергә | сығанаҡты үҙгәртеү]Дияна Ишниязова 1975 йылдың 22 декабрендә Рәсәйҙең Калининград ҡалаһында тыуған. Мәктәптә уҡыуы менән бергә фортепиано класы буйынса музыка мәктәбендә шөғөлләнә. Мәктәптә уҡыған йылдарында Мәктәп үҙешмәкәр сәнғәт солисы була. Сығыштарын тыуған ҡалаһы тамашасыһына тәҡдим итәләр. Литва, Польша, Германия буйлап концерттар күрһәтәләр. 9-сы кластан һуң Калининград музыка училищеһына уҡырға инә.
1993 йылда Ишниязовтар ғаиләһе тыуған яғына — Башҡортостан Республикаһының Учалы ҡалаһына күсеп ҡайта.
1993—1995 йылдарҙа Учалы музыка училищеһында,
1995—2000 йылдарҙа Заһир Исмәғилев исемендәге Өфө дәүләт сәнғәт институтында уҡый.
Хеҙмәт юлы
[үҙгәртергә | сығанаҡты үҙгәртеү]1997 йылдан башлап «Аманат-шоу», «Йәшлек-шоу», «Урал-моңо» фестивалдәрендә ҡатнаша.
2000—2003 йылдарҙа төҙөлөш колледжы үҙешмәкәрлегенең художество етәксеһе булып эшләй.
2004—2006 йылдарҙа — Республика лицей-интернатында вокал уҡытыусыһы була.
Ишниязова Дияна 2006 йылдан — ҡала мәҙәниәт идаралығы ҡарамағындағы ҡала мәҙәниәт һарайында йырсы-солист. «Мираҫ» ансамбле составында сығыш яһай.
Хөсәйен Әхмәтов исемендәге Башҡорт дәүләт филармонияһының солист-вокалисы.
Репертуары
[үҙгәртергә | сығанаҡты үҙгәртеү]Дияна Ишниязова башҡорт халыҡ йырҙарын башҡара:
- Сәңгелдәк йыры
- Ҡаҙ ҡанаты
- Ҡыҙ бала
Рәшитова Гөлнара һүҙҙәренә көйҙәрҙе үҙе ижад иткән:
- Аҡҡошло күл
- Башҡортостан
- Китмә
- Маладис, бирешмә
- Тәүге мөхәббәт
Күп йырҙарының һүҙҙәрен дә, музыкаһын да үҙе ижад итә:
- Үҙемә
- Һинең күҙҙәр
- Һинең менән
- Әсәйгә йыр
Маҡтаулы исемдәре һәм бүләктәре
[үҙгәртергә | сығанаҡты үҙгәртеү]Шулай уҡ ҡарағыҙ
[үҙгәртергә | сығанаҡты үҙгәртеү]Әҙәбиәт
[үҙгәртергә | сығанаҡты үҙгәртеү]Һылтанмалар
[үҙгәртергә | сығанаҡты үҙгәртеү]- Ишниязова Дияна Рафаэловна
- Ишниязова Дияна Рафаэловна
- Дияна Ишниязова
- Вручение государственных наград в Уфе
- Дияна Ишниязова — «Заслуженная артистка Республики Башкортостан» 5.07.2018
- песни Дианы Ишниязовой