Каменский Павел Павлович

Википедия — ирекле энциклопедия мәғлүмәте
Перейти к навигации Перейти к поиску
Каменский Павел Павлович
Тыуған:

28 апрель 1858({{padleft:1858|4|0}}-{{padleft:4|2|0}}-{{padleft:28|2|0}})

Тыуған урыны:

Санкт-Петербург, Рәсәй империяһы

Үлгән:

1922({{padleft:1922|4|0}})

Үлгән урыны:

СССР

Гражданлығы:

Рәсәй империяһы Рәсәй империяһы
Совет Социалистик Республикалар Союзы СССР

Уҡыған урыны:

Һынлы сәнғәт Академияһы

Стиль:

скульптуралар

Каменский Павел Павлович (28 апрель 1858 йыл1922 йыл) — Рәсәй империяһы скульпторы, Санкт-Петербургтағы император фарфор заводы музейындағы «Рәсәй халыҡтары» тигән тупланмалағы 150 скульптураның авторы.

Биографияһы[үҙгәртергә | вики-тексты үҙгәртергә]

Павел Павлович Каменский 1858 йылдың 28 апрелендә Санкт-Петербург ҡалаһында тыуған. Хәрби гимназия тамамлағас, 1874 йылда Һынлы сәнғәт Академияһында скульптор һөнәренә уҡыған, артабан Театрҙар дирекциияһында бутафор булып эшләгән. 1885 йылда «Офелия» статуяһы өсөн «рәссам» тигән исем ала[1].

Павел Каменский Санкт-Петербургтағы император фарфор заводы музейындағы «Рәсәй халыҡтары» тигән тупланмалағы 150 скульптура авторы.

1922 йылда вафат булған.

«Башҡорт ире» һәм «Башҡорт ҡатыны» һындарын эшләүе[үҙгәртергә | вики-тексты үҙгәртергә]

Император фарфор заводы. СПб. 1913. П. П. Каменский «Башҡорт ире» һәм «Башҡорт ҡатыны» скультуралары

Уҙған быуат башында рус йәмәғәтселегенең ил мәҙәниәте һәм тарихы менән ҡыҙыҡһыныуы артыуы сәнғәттә яңы йүнәлештәр барлыҡҡа килтерә. Санкт-Петербуртағы Император фарфор заводында фольклор темаһына иғтибар арта. 1907—1917 йылдарҙа, Романовтар династияһы идара итеүгә 300 йыл тулыу айҡанлы, Рәсәй халыҡтары вәкилдәренең милли кейемдәре менән эшләнгән өс серия фарфор һындар сығарыла. Бындай фарманды батша Николай II бирә. Был сериялар Император фарфор заводының 20 быуат башындағы иң ҙур проекты булып сыға.

Өлгө итеп Император Александр III рус музейының Этнографик бүлегендә һаҡланған ысын милли кейемдәр алына.

Һындарҙың макеттарын ул ваҡытта танылып өлгөргән П. П. Каменскийға эшләргә ҡушыла. Ул антропологик типтарҙы, кейемдәрҙең һәр биҙәген, тегелешен бик ентекле өйрәнә. Фарфор ҡойор өсөн 146 ҡалып әҙерләнә. Күсермәләр музейға бирелә, ә сауҙаға һындар икеләтә кесерәйтеп сығарыла.

Сиратҡа ҡуйылған иң тәүгеләр һанында «Башҡорт ире»[2] һәм «Башҡорт ҡатыны»[2] тигән һындар була.

Әлеге көндә сериялағы һындарҙың байтағы, шул иҫәптән «Башҡорт ире» һәм «Башҡорт ҡатыны» скультуралары[2] Санкт-Петербургтағы Император фарфор заводы музейында һаҡлана.

Иҫкәрмәләр[үҙгәртергә | вики-тексты үҙгәртергә]

Әҙәбиәт[үҙгәртергә | вики-тексты үҙгәртергә]

  • Екатерина Хмельницкая. «Фарфоровая Россия» П. П. Каменского. /Серия: Народности России/ — 2014

Һылтанмалар[үҙгәртергә | вики-тексты үҙгәртергә]