Кандалакша ҡурсаулығы

Википедия — ирекле энциклопедия мәғлүмәте
Перейти к навигации Перейти к поиску
Кандалакша ҡурсаулығы
Рәсем
Нигеҙләү датаһы 7 сентябрь 1937
Категория защищённых зон МСОП категория МСОП Ia: строгий природный резерват[d]
Дәүләт Flag of Russia.svg Рәсәй
Рәсми сайт kandalaksha-reserve.ru
Значимое место Кандалакша[d]
Commons-logo.svg Кандалакша ҡурсаулығы Викимилектә

Кандалакша дәүләт тәбиғәт ҡурсаулығыМурманск өлкәһендәге һәм Карелиялағы ҡурсаулыҡ. Рәсәйҙә иң боронғо ҡурсаулыҡтарҙың береһе. Баренц диңгеҙенең һәм Аҡ диңгеҙҙә Кандалакша ҡултығының ярында һәм утрауҙарында,урынлашҡан.

Карелия АССР-ы Үҙәк һайлау комиссияһының 1932 йылдың 7 сентябрендәге 837-се ҡарары буйынса булдырылған.

1939 йылда СССР-ҙың Халыҡ комиссарҙары советы "Дәүләт тәбиғәт ҡурсаулығында" тураһында положениены раҫлай. Ҡурсаулыҡ диңгеҙ, һыу һәм һыу буйы ҡоштарының, тәү сиратта гага өйрәктәренең йәшәү мөхитен һаҡлаусы резерват булараҡ ойошторола. Халыҡ-ара әһәмиәтендәге һыу-һаҙлыҡ биләмәләре статусына эйә.

1951 йылда Ҡандракүл ҡурсаулығы составына ингән "Ете утрау" 1938 йылда уҡ ҡурсаулыҡ статусын ала. 1975 йылда СССР -ҙың MAP проектында ҡатнашыуына бәйле Кандалакша ҡултығы (һыу-һаҙлыҡ ҡоштарының төп йәшәү урынын һаҡлау) халыҡ-ара әһәмиәткә эйә булған һыу-һаҙлыҡ биләмәләре исемлегенә индерелгән. Ҡурсаулыҡ бурыстары ла киңәйтелгән.

Өс саҡрымлыҡ экскурсия маршруты бар.

Географик мәғлүмәттәр[үҙгәртергә | вики-тексты үҙгәртергә]

СССР- ҙың почта маркаһындаҡурсаулыҡ

Майҙаны: 70 530 гектар ( шул иҫәптән 49 583 гектар акватория). Кандалакша ҡурсаулығының майҙаны һәм структураһы бер нисә тапҡыр үҙгәрә [1].

Ҡурсаулыҡ биләмәһе тундраға һәм төньяҡ тайгаға тура килә. Бер нисә өлөштән тора.

Үҙ эсенә : Айна утрауҙарын, Гаврилов утрауҙарын, ете утрауҙың торған архипелагты, Кандалакша ҡултығының акваторияһындағы утрауҙарҙы (шул иҫәптән Великий утрауы) ала.

Диңгеҙ яңы бушлыҡтарынан, һаҙлыҡтары һәм болондарынан ингән участоктары бар.

Айна утрауҙары, Гаврилов утрауҙары һәм Ете утрау архипелагы Кольск ярымутрауының төньяҡ яры эргәһенән Баренц диңгеҙендә урынлашҡандар һәм тундра зонаһына ҡарайҙар. Ҡурсаулыҡтың башҡа утрауҙары Аҡ диңгеҙҙең Кандалакша ҡултығында урынлашҡандар. Ҡурсаулыҡтарҙың өс материк өлөшө лә бында. Улар тайга зонаһына ҡарай.

Kandalaksha nature reserve.jpg

Флора һәм фаунаһы[үҙгәртергә | вики-тексты үҙгәртергә]

Ҡурсаулыҡта әлеге ваҡытта яҡынса 700 яҡын көпшәле үҫемлек һәм 400 тирәһе мук һымаҡтар төрө билдәле. (печеночник, япраҡ һабаҡлы мүктәр)[2].

Үҫемлектәр донъяһы ҡәҙимге тундранан төньяҡ тундра үҫемлектәренә тиклем үҙгәрә (Кандалакша ҡултығына ҡараған Великий утрауында — уның майҙаны яҡынса 7 мең гектар).

Фаунаһы ла ылыҫлы тайга урмандарына хас: тейен, ҡуян, төлкө, һуҫар һеләүһен, һоро айыу, мышы, ҡор, сел, һуйыр тереклек итә[1]. Тайга өлөшөндә күберәк — ҡарағай һәм шыршы үҫә. Һаҙлыҡлы туғайҙарҙа 633 төр үҫемлек осрай.

Имеҙеүселәрҙең 67 төрө тереклек итә. 258 төр ҡош, 2 төр һөйрәлеүсе (тере бала тыуҙырыусы кеҫәртке, ғәҙәти ҡара йылан), 3 төр ер-һыу хайуаны (һоро әрмәнде, осло морон тәлмәрйен һәм үлән тәлмәрйене) йәшәй.

Ҡурсаулыҡ акваторияларында һыу ҡоштарының күп төрҙәре, шул иҫәптән ябай гага өйрәге ( ҡурсаулыҡ тап уның өсөн булдырылған) тереклек итә.

"Ете утрауҙа" ҡош баҙарҙары урынлашҡан. Был баҙарҙарҙың хужалары йоҡа һәм ҡалын суҡышлы ҡайралар, гагаркалар, атлантик чистигы (атлантические чистики) һәм башҡалар.

Ҡурсаулыҡтың Аҡ диңгеҙгә ҡараған өлөшөндә ҡулсалы нерпа (нерпа кольчатая) һәм диңгеҙ ҡуяны, ә Мурмандың яр ситтәрендә — һоро тюлень (тевяк) тереклек итә.Теплоход Кандалакша ҡултығы буйлап барғанда йыш ҡына һыуҙан башын сығарып ҡарап торған нерпаларҙы күрергә мөмкин. Һирәкләп бында киттарҙың вәкиле - белуха килеп сыға. Бында ихтиофауна бик бай. Бында навага, пинагор, үгеҙбалыҡ, треска, камбала балыҡтары күп.

Кандалакшаның ҡаялы ваҡ утрауҙары (шхерҙар) янында аҡ диңгеҙ сельды ыуылдырыҡ сәсә. Тик һуңғы йылдарҙа был балыҡ өйөрҙәре күпкә кәмегән. Литораль һәм сублиторалдең түбәнге горизонттарында умыртҡаһыҙҙарҙың төрҙәре һәм төрлө төркөмдәре күп һанлы, мәҫәлән, моллюскылар, мыйығаяҡ ҡыҫалалар, ҡырын йөҙөүсе ҡыҫалалар (бокоплав), диңгеҙ селәүсендәренән— ҡом селәүсене(пескожил). Ҡултыҡтың аҡма һыулы урындарында мидиялар тупланып тереклек итә ( мидия банкалары).

Ҡурсаулыҡ хеҙмәткәрҙәре[үҙгәртергә | вики-тексты үҙгәртергә]

  • Бианка, Виталий Витальевич
  • Корякин Александр Сергеевич

Иҫкәрмә[үҙгәртергә | вики-тексты үҙгәртергә]

  1. 1,0 1,1 Дежкин В. В. В мире заповедной природы. — М.: Сов. Россия, 1989. — 256 с.: ил. — С. 183—184.
  2. РАСТИТЕЛЬНОСТЬ // Кандалакшский заповедник

Әҙәбиәт[үҙгәртергә | вики-тексты үҙгәртергә]