Киндер турғайы

Киндер турғайы
Фәнни классификация
Батшалыҡ: Хайуандар Тип: Хордалылар Класс: Ҡоштар Отряд: Турғай һымаҡтар Ғаилә: Алаҡас турғай һымаҡтар Ырыу: Ҡупшыҡайҙар Төр: Киндер турғайы
Латинса исеме
Carduelis cannabina (Linnaeus, 1758)
Синонимдары
Acanthis cannabina Cannabina cannabina
ITIS 559043 NCBI 160757

Халыҡ-ара Ҡыҙыл китап Ҙур хәүеф янамай IUCN 3.1 Least Concern : / 149546

Киндер турғайы, тарма турғайы (рус. Коноплянка, лат. Carduelis cannabina)— турғай ҙурлығында ҡошсоҡ.

Ҡылыҡһырлама

Ерҙә, ҡыуаҡлыҡта күмәкләшеп тә, парлашып та йөрөйҙәр. Түбәһе һоро, арҡаһы көрән, ҡойроҡ төбөнөң өҫ яғы алһыу һоро. Ҡанаттарында, ҡойроғонда киң ҡара һәм аҡ таптар бар. Ата ҡоштоң маңлайы, түшенең ике яғы ҡыҙыл. Кәүҙәһенец аҫ яғы сыбар һарғылт аҡ. Инә ҡошта ҡыҙыл төҫ юҡ. Таҡыя турғайҙан арҡаһы көрән булыуы менән айырыла.

Тауышы

Тауышы киҫкен: «тк-тк-тк». Сырылдап һәм һыҙғырып һайрай.

Йәшәү рәүеше

Урман ситендә, ҡыуаҡлыҡтарҙа йәшәй. Үлән, башлыса киндер һәм дегәнәк орлоҡтары, бөжәктәр менән туҡлана, бер урындан икенсе урынға күсеп йөрөи. Киң генә таралған. Ояһы ҡыуаҡтарҙа була. Ҡыҙғылт көрән таплы 4—6 бөртөк йәшкелт зәңгәр йомортҡа һала.

Галерея

• 

  самка
• 
• 
• 
• 

  Carduelis cannabina cannabina

Әҙәбиәт

• Э. Ф. Ишбирҙин. Башҡортостан ҡоштары китабы. — Өфө, 1986 йыл. — ИБ № 3478 28.693.35 И 90
• Остапенко В. А. Птицы в вашем доме: Справочное пособие. — М.: Арнадия, 1996. — ISBN 5-88666-011-9