Киото университеты

Википедия — ирекле энциклопедия мәғлүмәте
Киото университеты
Исеме

япон. 京都大学

Девиз

自由の学風

Асылған йылы

1897

Президент

Хироси Мацумото

Студенттар

22 707 [1]

Урынлашыуы

Киото, Япония

Сайт

http://www.kyoto-u.ac.jp/en

Киото университеты (япон. 京都大学кё:то дайгаку?) — Японияның иң мөһим милли университеттарының береһе. Киото ҡалаһында урынлашҡан. Элегерәк император университеттары рәтенә ингән. Токио университетынан һуң илдең икенсе иң боронғо университеттарының береһе[2] Киото университетында яҡынса 22 мең студент уҡый.

3 кампусы бар, иң төп кампусы — Ёсида. Токио университеты менән бергә Японияның ике иң яҡшы университеттары тип иҫәпләнә[3].

Тарихы[үҙгәртергә | сығанаҡты үҙгәртеү]

Университеттан алда 1869 йылда Осакала нигеҙләнгән Химия мәктәбе (япон. 舎密局сэймикёку?) эшләгән. Һуңыраҡ 1886 йылда уның урынында Өсөнсө юғары мәктәп (япон. 第三髙等學校дайсан ко:то: гакко:?) асылған, шул уҡ йылда был мәктәп хәҙерге университеттың төп кампусына күсерелгән.

1897 йылда Өсөнсө юғары мәктәп бинаһында император университеттары системаһының бер өлөшө булараҡ Киото император университеты асылған, фән һәм техника колледжына нигеҙ һалынған. 1899 йылда юридик һәм медицина колледждары, 1906 йылда — әҙәбиәт колледжы барлыҡҡа килгән.

2004 йылдан яңы законға ярашлы Киото университеты илдең милли университеттары системаһына индерелгән.

Уҡыу йортоның Геофизика департаменты һәм шулай уҡ тәбиғи афәтте иҫкәртеү буйынса тикшеренеү институты Ер тетрәүҙәрҙе күҙаллау буйынса милли комитетының вәкиле булып тора[4]

Президенттары[үҙгәртергә | сығанаҡты үҙгәртеү]

Университет тарихында 25 президент булған, шулай уҡ 5 кеше был вазифаһны биләмәйенсә уны ваҡытлыса башҡарған[5]. Хәҙерге президент Хироси Мацумото вазифаһын 2008 йылдың 1 октябренән биләй.

  • Кикути Дайроку (1908—1912)
  • Косаку Хамада (1937—1938)

Иҫкәрмәләр[үҙгәртергә | сығанаҡты үҙгәртеү]

  1. Kyoto University: 2008/2009 Facts and Figures. Дата обращения: 31 октябрь 2008. Архивировано 29 июль 2012 года. 2012 йыл 21 ғинуар архивланған.
  2. Historical Sketch. About Kyoto University. Kyoto University (2004). Дата обращения: 17 июль 2007.(недоступная ссылка)
  3. Рейтинг университетов мира (2010 года) 2011 йыл 3 апрель архивланған.
  4. Organizations with ties to CCEP CCEP, accessed 2011-03-19
  5. Presidents of Kyoto University 2013 йыл 16 октябрь архивланған.