Мәжлес

Мәжлес
	Мәжлес
Ил	Берләшкән Ғәрәп Әмирлектәре; Сәғүд Ғәрәбстаны; Оман; Катар
Статус нематериального культурного наследия	Представительный список нематериального культурного наследия человечества[d]
Тасуирлау биттәре	ich.unesco.org/en/RL/010…; ich.unesco.org/fr/RL/010…; ich.unesco.org/es/RL/010…
Вики-проект	WikiProject Intangible Cultural Heritage[d]
	Мәжлес Викимилектә

Мәжлес (ғәр. مجلس‎ — Majlis) — һүҙмә-һүҙ йыйылыш; рус. Меджли́с или маджли́с) — ҡайһы бер илдәрҙә (башлыса мосолман халыҡтарында) ҡануниәт-вәкәләтле органдың атамаһы (парламент), шулай уҡ ғөмүмән Халыҡ йыйылышы.

Ҡулланылышы[үҙгәртергә | сығанаҡты үҙгәртеү]

Термин ислам донъяһы менән тел йәки мәҙәни бәйләнештәре булған илдәрҙә административ, социаль йәки дини булһын, дөйөм мәнфәғәттәре булған төркөмдәр араһында төрлө типтағы махсус йыйылыштарҙы тасуирлау өсөн файҙаланыла.

Мәжлес шулай уҡ закондар сығарыу органына ҡарай ала һәм ислам мәҙәниәте өҫтөнлөк иткән ҡайһы бер дәүләттәрҙәге закондар сығарыу советтары йәки йыйылыштар атамаһында ҡулланыла^[2]

«Мәжлес» термины шулай уҡ ҡунаҡтарҙы ҡабул иткән һәм күңел асҡан айырым урынды билдәләү өсөн ҡулланыла^[3].

Тарихы[үҙгәртергә | сығанаҡты үҙгәртеү]

Исламға тиклемге Ғәрәбстанда Мәжлес ҡәбиләләр советы була, унда ир-егеттәр дөйөм мәнфәғәт тыуҙырған ҡарарҙар ҡабул итеүҙә ҡатнаша^[4]. Советҡа юлбашсы (шәйех) етәкселек итә^[5]. Хаҡ хәлифәт идара итеү осоронда «Мәжлес-әш-Шура» ойошторола. Мәжлес ул саҡта яңы хәлифә һайларға тейеш була. Әбү-л-Хәсән әл-Мәүәрди бәйән итеүенсә, мәжлес ағзалары өс шартты үтәргә тейеш була: улар ғәҙел булырға тейеш, яҡшы хәлифәне насар хәлифәнән айырырлыҡ белемгә эйә булырға тейеш, һәм иң яҡшы хәлифәне һайлар өсөн етерлек ғаҡылға һәм фекерләүгә эйә булырға тейеш^[6].