Мәҙинә (мәсет, Өфө)
| Мәсет | |
.jpg)
| |
| Ил |  Рәсәй
|
| Республика |  Башҡортостан
|
| Город |  Өфө
|
| Адресы | Гатчин урамы, 1-се йорт |
| йүнәлеш, мәктәп | сөннәт |
| Төҙөүсе | ООО «Дорстрансстрой» |
| Шәфҡәт итеүселәр | Өфө мосолмандары, Марат Латыпов һм башҡалар |
| Төп даталары: 21 октября 2013 года — мәсеттең асылыуы
| |
| Вместимость | 600 |
| Бейеклек | 49 |
| Манаралар һаны | 4 |
| Манара бейеклеге | 10 |
| Торошо | ғәмәлдә |
Мәҙинә — Өфөләге мәсет. Ҡаланың Дим районында Гатчин урамы, 1-се йорт адресы буйынса урынлашҡан.
Мәсет тарихы[үҙгәртергә | вики-тексты үҙгәртергә]
Өфөнөң Дим районында аҙаҡҡы ваҡытҡа тиклем тик ҙур булмаған район мәсете булған һәм ул мәсеткә килеүселәрҙең барыһын да һыйҙыра алмаған. Шуға күрә яңы мәсет төҙөү мәсьәләһе бик актуаль була. "Мәҙинә" мәсетенә 2010 йылыының көҙөндә Дим районының шәхси секторындағы ташландыҡ ерҙә нигеҙ һалына. Уның төҙөлөшө өс йыл дауамында ООО "Дорстрансстрой" фирмаһы тарафынан алып барылды. Мәсет диндарҙың хәйере һәм башҡа ситтән йәлеп ителгән аҡсаға төҙөлдө. Мәсетте төҙөүҙә бағымсылар Советы рәйесе һәм ООО "Дорстранстрой" директорҙар Советы рәйесе Марат Латыпов ҙур өлөш индерҙе.
Мәсетте төҙөү өсөн материал булараҡ "Бессер" блоктары ҡулланылды. Бинаның эске биҙәлешен Сәмәркәнд рәссамдары һәм Кипрҙан уйып һырлаусылар башҡарҙы, ҡалған биҙәлеш эштәрен Өфө оҫталары эшләне.
Мәсет асыу тантанаһы 2013 йылдың 21 октябрендә уҙҙы һәм Рәсәй Үҙәк диниә назаратының 225 йыллыҡ юбилейына арналды. Сарала Рәсәй Юғары мөфтийе Тәлғәт Тажетдин ҡатнашты, шулай уҡ Истанбул мөфтийе Рахми Яран, Индонезия дини эштәр министры Сурадхорм Али, Халыҡ-ара Ислам берҙәмлеге рәйесе Хәмит Ирен әфәнде һ. б. байрамға килделәр.
Мәсет бинаһының бейеклеге 49 м. Уның 4 манараһы бар, уларҙың иң бейеге 10 метр тәшкил итә. Мәсеттең һыйҙырышлығы — 600 кеше.
Һылтанмалар[үҙгәртергә | вики-тексты үҙгәртергә]
- В Демском районе Уфы открылась мечеть «Мадина» (2013-10-21). 23 март 2015 тикшерелгән.
- Рамиля Саляхова Новая мечеть открылась в Уфе в рамках празднования 225-летия ЦДУМ. РИА Новости (2013-10-21). 23 март 2015 тикшерелгән.
- Арина Рахимкулова В Демском районе Уфы открылась новая мечеть «Мадина». Башинформ.рф (2013-10-21). 23 март 2015 тикшерелгән.
- Мечеть «Мадина» открылась в Демском районе Уфы. ФедералПресс (2013-10-21). 23 март 2015 тикшерелгән.
- В УФЕ ОТКРЫЛАСЬ НОВАЯ МЕЧЕТЬ — «МАДИНА». Уфа-Гид (2013-10-21). 23 март 2015 тикшерелгән.
- Ценности ислама. Группа компаний «Дортрансстрой». 23 март 2015 тикшерелгән. 2015 йылдың 2 апрель көнөндә архивланған.