Мөҙәрисов Рушат Сәлих улы
| {{{Имя}}} |
Мөҙәрисов Рушат Сәлих улы (1974 йылдың 24 феврале, СССР, РСФСР, БАССР, Бүздәк районы, Сабай) — драма актеры, Өфө дәүләт «Нур» татар театры актеры (1993 елдан), Башҡортостан Республикаһының халыҡ артисы (2019), Башҡортостан Республикаһының атҡаҙанған артисы (2008),[1].
Биографияһы
[үҙгәртергә | сығанаҡты үҙгәртеү]1974 йылдың 24 февралендә БАССР Бүздәк районы Сабай ауылында[2] өс балалы ғаиләлә төпсөк бала булып тыуған. Апаһы, абыйы бар. Атаһы Сәлих йырларға яратҡан, әсәһе оҫта итеп гармунда уйнаған. Рушат бәләкәйҙән үк йырларға ярата, мәктәптең үҙешмәкәр театр түңәрәгендә иң актив ҡатнашыусыларҙың береһе була. Районда, ауылда үткәрелгән барлыҡ мәҙәни сараларҙа, концертларҙа, төрлө смотр-конкурстарҙа ҡатнаша. Рушат мәктәпте тамамлаған йылда яңы асылған «Нур» театры өсөн махсус курс йыялар. Өфө дәүләт сәнғәт институты театр факультетының актерлыҡ бүлегендә беренсе махсус төркөмдө, беренсе татар телле курсты тамамлаған (педагогтары Фәрдүнә Ҡасимова, Байрас Ибраһимов). Икенсе курстан (1993 йыл) спектакльләрҙә күмәк күренешләрҙә ҡатнаша башлай. Шул уҡ йылда театр штатына артист итеп алына һәм 1993 йылдан Өфө дәүләт «Нур» татар театрында хеҙмәт итә. Беренсе тапҡыр сәхнәгә Фатих Сәйфи-Ҡазанлының «Йәмһеҙ тормош» драмаһында күмәк күренештә сыга. 1994 йылда Хәй Вахитның «Берҙәнберем — бәхет гөлөм» спектаклендә, һуңыраҡ Ғөзәйер Хаҗибәковтың «Аршин мал алан» («Рәхмәт һиңә, Сөләйман!») музыкаль комедияһында төп рольдәрҙе башҡара.
Иҗады
[үҙгәртергә | сығанаҡты үҙгәртеү]Р. С. Мөҙәрисов театрда эшләгән йылдарында сәхнә образдарының ҙур галереяһын булдыра. Бөгөнгө көндә Р. С. Мөҙәрисов — театрҙың әйҙәп барыусы артистарының береһе һәм уның иҗади йөҙөн формалаштырған «беренсе ҡарлуғастар» когортаһына инә. Йәш коллективты үҫтереүгә һәм аяҡҡа баҫтырыуға ҙур өлөш индерә. Режиссерларҙан Ә. Ә. Әбүшахманов, Б. Н. Ибраһимов, Б. Н. Манджиев, И. Р. Сакхаев, Ә. К. Сафиуллин һ. б. менән эшләй[3].
Уйнаған ҡайһы бер ролдәре
[үҙгәртергә | сығанаҡты үҙгәртеү]- Самсон — «Ромео һәм Джульетта» Уильям Шекспир
- Җамалетдин — «Банкрот» Ғәлиәсҡәр Камал
- Исмәгыйль — «Ғәлиәбаныу» Мирхәйҙәр Фәйзи
- Бакый — «Аҡ ҡалфаҡ» Мирхәйҙәр Фәйзи
- Рәшит — «Наҙлы кейәү» Кәрим Тинчурин
- Егет — «Зөләйха» Ғаяз Исхаҡи
- Официант — «Көҙ» Ғаяз Исхаҡи
- Табиб — «Өс аршын ер» Туфан Миңнуллин
- Рәхмәтулла Хөрмәтуллович — «Алты ҡыҙға бер кейәү» Туфан Миңнуллин
- Нәбиулла — «Игеҙәктәр» Әнғәм Атнабаев
- Сәлах — «Һыу юлы» Нәжиб Асанбаев
- Ислам — «Әнкәемдең аҡ күлмәге» Шәриф Хөсәенов
- Һулай — «Һиҗрәт» Наҡи Иҫәнбәт
- Шәйхулла — «Күңелләрҙә көмөш ҡыңғырау» Данил Сәлихов
- Агроном Ғата — «Күрәҙәсе» Зөлфәт Хәким
- Рәшит — «Гүргә керер сер ине» Рәлиф Кинйәбаев
- Ғафур — «Юғалма, өмөтөм» Хәмит Ирғәлин
- Нури — «Етенсе кейәү» Хәбир Ибраһим һ. б.
Бүләктәре, маҡтаулы исемдәре
[үҙгәртергә | сығанаҡты үҙгәртеү]Ғаиләһе
[үҙгәртергә | сығанаҡты үҙгәртеү]Ҡатыны Луиза, балалар баксаһы тәрбиәсеһе.
- оло ҡыҙы Алинә, драма актрисаһы, Әлмәт (2013 йылдан), Камал (2015 йылдан) театрҙары артисы[4].
- икенсе ҡыҙы Раушания, бейеүсе.
- өсөнсө ҡыҙы Йәмилә.
- улы Бәхтийәр.
Әҙәбиәт
[үҙгәртергә | сығанаҡты үҙгәртеү]- Гөлназ Чанышева, Гөлнур Усманова. Сәхнәлә ҡатыным да танымады 2019 йыл 8 декабрь архивланған.. «Ҡыҙыл таң», 06.04.2017.
- Рушат Мөҙәрисов. «Тулпар», 2008 йыл, июнь.
һылтамалар
[үҙгәртергә | сығанаҡты үҙгәртеү]- Рушат Салих улы Мөҙәрисов. Нур театры сайты (рус.)
- Мударисов Рушат Салихович. kino-teatr.ru (рус.)
Иҫкәрмәләр
[үҙгәртергә | сығанаҡты үҙгәртеү]- ↑ Рушат Сәлих улы Мөҙәрисов. Нур театры сайты (рус.)
- ↑ Ренат Шәрипов исемендәге Сабай урта мәктәбе сайты 2019 йыл 7 ноябрь архивланған. (рус.)
- ↑ Мөҙәрисов Рушат Сәлих улы. 2020 йыл 24 ноябрь архивланған. "Рәсәй актерҙары" мғлүмәттәр база?ы (рус.)
- ↑ Мөҙәрисова Алинә Рушат ҡыҙы. Камал театры сайты