Набоков йорто

Википедия — ирекле энциклопедия мәғлүмәте
Набоков йорто
Нигеҙләү датаһы 1997
Рәсем
Дәүләт  Рәсәй
Административ-территориаль берәмек Санкт-Петербург
Архитектура стиле архитектура модерна[d]
Рәсми асылыу датаһы 1997
Мираҫ статусы объект культурного наследия России федерального значения[d]
Адрес Bolšaja Morskaja Ulica, 47
Рәсми сайт nabokov.museums.spbu.ru/…
Карта
 Набоков йорто Викимилектә

Набоков йортоСанкт-Петербургтағы йорт, хәҙерге адресы: Оло Диңгеҙ урамы, 47-се йорт. Нәҡ ошо йортта 1899 йылда Владимир Набоков тыуған. Әлеге ваҡытта йорттоң беренсе ҡатында . — Владимир Набоков музейы.

Тарихы[үҙгәртергә | сығанаҡты үҙгәртеү]

1897 йыл аҙағында йорт Набоков Владимир Дмитриевичҡа кейәүгә сығыусы Рукавишникова Елена Ивановнаның (1876—1939) бирнәһе була. Уларҙаң улы, Владимир Набоков, 1917 йылдың ноябренә тиклем был йортта йәшәй. Ул йортто «Икенсе ярҙар» (The Other Shores) автобиографияһында һәм «Хәтер, һөйлә» (Speak, Memory) әҫәрендә ентекле тасуирлай. Уның өсөн был йорт «донъялағы берҙән-йорт» булып ҡала. һәм бер ҡасан да ниндәй ҙә булһа йорт һатып алмай, ҡунаҡханаларҙа йәшәүҙе хуп күрә.

1904 йылдың 8 ноябрендә йорттоң беренсе ҡатындағы ҡунаҡ бүлмәһендә — «комитет» исеме аҫтында билдәле — земство съезы ултырышы үтә, унда конституцион талаптар индерелгән резолюцияларға ҡул ҡуйыла (тап шуға күрә был ваҡиғаларҙы тикшеренеүселәр рус революцияһы тарихы тип иҫәпләй). Һуңынан был йортта йыш ҡына Конституцион-демократик партияның Үҙәк комитеты ултырыштары уҙғарыла.

Владимир Набоков музейы[үҙгәртергә | сығанаҡты үҙгәртеү]

Интерьер

1998 йылдың апреленән йорттоң беренсе ҡатын (Набоков ваҡытында «ғаилә ҡаты» тип аталған) «Владимир Набоков музейы» биләй, үрге ике ҡатын («ҡат-әсәләр ҡаты» һәм «балалар ҡаты») Санкт-Петербургтағы Д.С. Бортнянский исемендәге балалар сәнғәт мәктәбе биләй. Музей территорияһында «телефон бүлмәһе», «ашхана», «китапхана», «комитет бүлмәһе» һәм «аш-һыу бүлмәһе» бар.

Йорттоң эсендә Набоковтарҙың ғаиләһе тормошонан беренсе һәм икенсе ҡатындағы бер нисә бүлмәнең интерьерын иҫәпкә алмағанда күп нәмәләр һаҡланмаған.

Набоковтың иҫтәлекле әйберҙәре, шул иҫәптән шәхси әйберҙәре (индекслы карточкалары, ҡәләмдәре, күҙлеге, Scrabble уйыны), шулай уҡ китаптары, уның тормошо һәм ижады менән бәйле башҡа предметтары музей коллекцияһы нигеҙен тәшкил итә. Музей Рәсәй эсендә генә түгел, шулай уҡ халыҡ-ара кимәлдә Владимир Набоковтың ижади мираҫына һәм мәҙәни ҡиммәттәренә арналған. Музей — йорт һәм экспонаттар ғына түгел, ул шулай ғалимдар өсөн фәнни-тикшеренеү китапханаһын тәьмин итә, Набоков әҫәрҙәрен уҡыу буйынса күп һанлы саралар үтә, бында Набоковҡа арналған халыҡ-ара һәм милли конференцияларҙың лекциялары, Набоков менән бәйле объекттарҙың күргәҙмәһе ойошторола. Набоков музейы эшмәкәрлегенә төрлө илдәрҙең төп ғалимдары даими ярҙам итеп тора.

Вандализм[үҙгәртергә | сығанаҡты үҙгәртеү]

  • 2013 йылдың 10 ғинуарына ҡарай төндә билдәһеҙ вандалдар эсенә янауҙар яҙылған шешәне ташлап, музейҙың тәҙрәһен яра
  • 2013 йылдың 21 февралендә билдәһеҙ кешеләр Музей стенаһына «педофил» тип яҙып китә. Был факттар буйынса РФ енәйәт кодексының 214-се «Вандализм» статьяһы буйынса хоҡуҡ һаҡлау органдары тарафынан енәйәт эше ҡуҙғатылған.
  • Шул уҡ көндә Ленинград өлкәһендәге Набоковтарҙың «Рождествено» усадьбаһында музей-усадьба һөжүмгә дусар була.

Һылтанмалар[үҙгәртергә | сығанаҡты үҙгәртеү]