Нивин Юрий Серафимович

Эссэлэмэгэлэйкум уэ рэхмэтуллаhу уэ бэрэкэтуhy Кэзерле мухэрирзэр Нивин Юрий Серафимовичн (17 апрель 1945 йыл — 11 июль 2007 йыл) - Карелия Республикаһының атҡаҙанған табибы, рәссам, Карелия Республикаһы гербы авторы.

Биографияһы

Юрий Серафимович Нивин 1945 йылдың 17 апрелендә Карел-Фин ССР баш ҡалаһы Петрозаводск ҡалаһында (хәҙерге Карелия Республикаһы) Киров тимер юлы башлығы урынбаҫары һәм уҡытыусы ғаиләһендә тыуған. Бала сағында йәш техниктар станцияһы түңәрәгендә шөғөлләнә, өлкән синыфтарҙа Петрозаводскиҙағы «Юность» радиостанцияһында репортер һәм диктор була, контрабас һәм трубала уйнай, рәсем менән мауыға.

Петрозаводск дәүләт университетының медицина факультеты студенты булараҡ, Карел АССР Рәссамдар сәнғәт союзының фондында сәнәғәт дизайны өлкәһендә эшләй башлай. Юрий Дивидтың ағастан сувенирҙар-Кировта һәм Петрозаводскийҙа «Советский Север» зона күргәҙмәләрендә, Мәскәү манежында «Советская Россия» экспозицияларында, Монреалдә «Экспо-67» бөтә Донъя күргәҙмәһендә ҡатнаштылар. Карелия этнография материалы нигеҙендә ул Петрозаводскиҙы «Карелия сувенирҙары»фабрикаһы өсөн ән күп сувенир продукцияһы булдырған. 1968 йылда СССР Рәссамдар берлегенә ҡабул ителә.

1968 йылдан, университетты тамамлағас, ҡырҡ йыл дауамында В.А. Баранов исемендәге республика дауаханаһында физиотерапия бүлеге мөдире булып эшләй.

«Карельский сувениры» фабрикаһының баш рәссамы булараҡ, этнографик материалды өйрәнеү нигеҙендә 80 миллиондан артыҡ сувенир эшләгән, улар фабрика өсөн оригинал товар билдәһе лә була.

Республика статусы үҙгәреүгә бәйле рәүештә, Карелия АССР Юғары Советы Президиумы 1991 йылдың 25 декабрендә Карелияның дәүләт флагын, гербын һәм гимнын булдырыу буйынса конкурс үткәреү тураһында Ҡарар ҡабул итә. Геральдик ярышҡа йөҙҙән артыҡ дәғүә ҡылыусы инә. Конкурстың финал өлөшөнә ике проект уҙа. Уларҙың береһе Костомукшалы Добрынин тарафынан тәҡдим ителгән, аҫылда, Ухта Республикаһы гербын 20-се йылдарҙа өр-яңынан торғоҙған проект була. Икенсе финал проектының авторы - петрозаводсклы табип һәм рәссам Юрий Нивин.

Нивин геральдиканы өйрәнгән, ике йылы республика гербы, герб флагы, алтын тегеү техникаһында штандарт, бүләкләү документтары комплекты һ.б. төҙөүгә киткән, китапханаларҙа, шул иҫәптән Ленинград өлкәһендә лә эшләгән. 1993 йылда уның эш нәтижәләре КР парламенты ултырышында раҫланған.

Карелия Республикаһының атҡаҙанған табибы һәм Карелия Республикаһы дәүләт хакимиәтенең 14 атрибуты: Карелия Республикасы гербы, герб флагы, Софрино сәнғәт оҫтаханаларында алтын тегу техникаһы менән эшләнгән диуар штандарты, хөкүмәт трибунаһы, церемониаль өҫтәл, «Карелия Республикаһы алдындағы ҡаҙаныштары өсөн» билдәһе һ.б. авторы булараҡ танылған.

2007 йылдың 11 июлендә Карелия Республикаһы Петрозаводск ҡалаһында вафат була.

Сығанаҡтар

• Ведомости Верховного Совета Республики Карелия. 1994. — № 1-2
• А. М. Пашков. Гербы и флаги Карел. — Петрозаводск, 1994
• Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: ИД «Петротрест», 2007. — С. 266-267 -400 б.: ил., ир. ISBN 978-5-8430-0123-0 (т. 1)