Палпунг
| Палпунг | |
| Нигеҙләү датаһы | 1727 |
|---|---|
 | |
| Дәүләт |
 Ҡытай |
| Административ-территориаль берәмек | Деге[d] |
| Мираҫ статусы | Охраняемые памятники КНР[d][1] |
 | |
 Палпунг Викимилектә | |
Палпунг (тиб. དཔལ་སྤུངས།,Dpal-spungs) — Кагью тибет буддизмы мәктәбенең Тай Ситу етәкләгән Кагью Кармен түбәнге мәктәбе монастыры. Был монастырь Ҡытай Халыҡ Республикаһының Сычуань провинцияһы Гардзе-Тибет автономиялы округының Деге өйәҙендә урынлашҡан. Палпунг исеме «тәғлимәт һәм практиканың данлы берҙәмлеге» тигәнде аңлата.
Тәүҙә Палпунг монастыры Бабанг тип аталған. Ул Дегенан бер ни тиклем алыҫлыҡта, Тибет сиге янында урынлашҡан. Монастырь XII быуатта нигеҙләнгән, йөҙ йылдар дауамында уның дини һәм сәйәси йоғонтоһо һиҙелерлек һәм абруйға эйә булған. Хәҙерге Палпунг Тхубтен Чокхор Линг монастыры Дегела урынлашҡан.
Шулай уҡ Палпунг монастыры бөтә донъяла таралған монастырҙар конгрегацияһы итеп ҡабул ителә.
Тарих
[үҙгәртергә | сығанаҡты үҙгәртеү]Хәҙерге Палрунг Тхубтен Чокхор Линг монастыры 1727 йылдар тирәһендә батша Денба Церинои тарафынан нигеҙләнгән тип фараз ителә. Был монастырь дүрт лама тармаҡтарының реинкарнацияһы урыны, атап әйткәндә, Ситу Ринпоче йәки Тай Ситу ламаһының урыны булып тора, бынан шулай уҡ Джамгон Конгтрул һәм Беру Кьенце ламалары ла сыҡҡан. Ҡорам комплексы Кармапалар менән тарихи бәйле булған: мәҫәлән, 16-сы Кармапа Рангджунг Ригпе Дордже Урта Тибеттағы Цурпху монастырының төп резиденцияһына китерҙән алда башта тәхеткә Палпунгта ултыра.
Монастырь сәскә атҡан осорҙа бында 1000 монах йәшәгән, бында өлкәнең бөтә яҡын тирәһе өсөн төп будда университет булған. Монастырь китапханаһында 324 000 текст һәм танкгтың 10 150-нән ашыу һүрәте һаҡланған. Монастырь типографияһы Дегелағы Паркханга типографияһынан һуң икенсе урынды биләп торған.
Монастырь 1950 йылдағы Мәҙәни революция барышында емерелә. 1958 йылдар монастырь дәүләт һағы аҫтына алына, ә 1982 йылда яңынан тергеҙелә һәм асыла. 1998—1999 йылдарҙа монастырь донъя әһәмиәтендәге ҡомартҡы иҫәбенә индерелә[2].
Һиндостандағы Палпунг һәм Палпунг конгрегацияһы
[үҙгәртергә | сығанаҡты үҙгәртеү]
16-сы Тай Ситу Тибеттан алты йәшендә ҡасып китә. Ул Һиндостанда 16-сы Кармапаның уҡыусыһы булып белем ала. 22 йәшендә ул Һиндостандың Химачал-Прадеш штатында Палпунг Шераб Линг монастырын нигеҙләй.
Хәҙер был монастырҙа яҡынса 750 монах йәшәй. Монастырь ир һәм ҡатын-ҡыҙ монахтар өсөн өс йыллыҡ ретрит ойоштора.
Конгрегация Ҡытайҙың һәм Тибеттың барлығы 180 ҡорамын һәм монастырҙарын үҙ эсенә алып тора. Уларҙың тармаҡтары АҠШ-та, Европала, Азияла һәм Австралияла бар[3].
Шулай уҡ ҡарағыҙ
[үҙгәртергә | сығанаҡты үҙгәртеү]- Тибетский буддизм
- Карма Кагью
- Тай Ситу