Ростов ҡулсаһы (марафон)

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Ростов ҡулсаһы
Үткәреү урыны

Дондағы Ростов, Рәсәй

Дистанциялар

2016 йылда - 42 километр, 2017 йылда - 38 километр

Ростов ҡулсаһы — Дондағы Ростовта йыл һайын уҙғарылған еңел атлетика ярышы. 2017 йылда ул 39-сы тапҡыр үткәрелә[1]. Күп халыҡ ҡатнашҡан марафон Бөйөк Еңеүгә бағышлана[2].

Тарихы[үҙгәртергә | вики-тексты үҙгәртергә]

2016 йылда марафон маршруты 42 километр тәшкил итә һәм 5 этапҡа бүленә. Старт иртәнге сәғәт 9-ҙа бирел һәм финишҡа тиклем йүгереп килеп етеүселәргә иҫтәлекле дипломдар тапшырыла.

2017 йылда «Ростов ҡулсаһы» йүгереүе 39-сы тапҡыр ойошторолоп үткәрелә. Уның алдағы йыл менән сағыштырғанда программаһына ҡайһы бер үҙгәрештәр индерелгән: марафонда ҡатнашыусылар шулай уҡ мультимедиа йүгереү эскскурсияһында ҡатнаша алды. Йүгереү дистанцияһы 38 км тәшкил итә. Программала, ҡатнашыусылар ял итеп алһын өсөн дүрт туҡталыш планлаштырыла. Атлеттар Дондағы Ростовтың Театр майҙанында йыйыла[3].

Йүгереүҙә өс мең самаһы кеше ҡатнаша, уларҙың күпселеге профессионал түгел. Шулай ҙа барлыҡ йүгереүселәр ҙә дистанцияны тулыһынса үтеп, финишҡа килеп етә. Марафонда ҡатнашыусылар араһында Олимпия чемпионы Вартерес Самургашев та була. Йүгереүселәрҙең маршруты ҡала үҙәгенән һул яр буйлап, шулай уҡ Александровка аша үтә. Спортсылар Театр майҙанында финиш һыҙығын киҫә[4].

Һылтанмалар[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]