Скараманга йорто (Таганрог)
| Иҫтәлекле урын | |
Скараманга йорто (Таганрог)
| |
| Ил | Рәсәй |
| Ҡала | Таганрог, Петр урамы, 53 |
| Нигеҙләүсе | Лука Петрович Скараманга |
| Нигеҙләнгән | XIX быуаттың беренсе яртыһы |
Скараманга йорто — Ростов өлкәһенең[1] Таганрог ҡалаһы Петр урамындағы 53-сө йорт.
Тарихы
[үҙгәртергә | сығанаҡты үҙгәртеү]1820-се йылдар менән күрһәтелгән ҡала документтарында, Лука Петрович Скараманга тураһында, уның 8 мең һум тәшкил иткән капиталы менән сауҙагәр дәрәжәһенә иҫәпкә керетелеүе тураһында яҙыуҙар бар. XIX быуаттың беренсе яртыһында был сауҙагәр Таганрогта Петр урамы, 53 адресы буйынса бейек цоколдә бер ҡатлы йорт төҙөй. Уның милегендә, күсемһеҙ милектән тыш, Бахмутта тоҙ сығарыу урындары була. Шулай уҡ уның 1893 йылда ябылған «Скараманга, Мануси и К» грек контораһы менән дә бәйләнеше булырға мөмкин. Контора сит илгә тауар сығарыу һәм ситтән тауар индереү эштәре менән шөғөлләнә. Ул йөҙ йыл дауамында Таганрогты сәй, кофе, цитрус емештәре һәм башҡа тауарҙар менән тәьмин итә. Таганрог портынан сит илгә бойҙай, төпрә һәм майҙар сығарыла. 1834 йылда Лука Петрович, гавандың торошон яҡшыртыу һәм яр буйын төҙөкләндереү эше менән шөғөлләнгән комиссия ағзалары исемлегендә телгә алына. Комиссияға унан тыш тағы ла И. Борисов, И. Коротилин, П. Травло инә.
1873—1880 йылдарҙа йорт, участкаһы менән, сауҙагәр Иван Амвросиевич Скараманга милегендә була, 1890 йылда йорт Греция кешеһе Иван Скараманга милегендә була. Бер үк кеше тураһында һүҙ барамы икәнлеге билдәһеҙ. Шулай уҡ И. А. Скараманганың кирбес заводы булыуы һәм уның юғары сортлы кирбес етештереүе тураһында яҙыуҙар һаҡланған. Ул шулай уҡ клуб ағзаһы була һәм көн һайын 20:00 сәғәттән 02:00 сәғәткә тиклем клубта була.
1898 йылда йорттоң яңы хужаһы пәйҙа була — сығышы менән почетлы гражданин Иван Амвросиевичтың тол ҡатыны — Виргиния Михайловна Скараманга. Виргиния һәм Иван Скарамангаларҙың бер нисә балаһы була: ҡыҙҙары Елизавета, Мария, Виргиния, һәм улдары — Амвросий, Михаил, Пантелеймон. Таганрогта йәшәгән Скараманга ғаиләһенең, Петр урамы, 53 адресы буйынса урынлашҡан йорттан тыш, милегендә тағы ла бер нисә йорт була, Уларҙың хәҙерге адрестары: Греческая урамы 95 һәм 97, Петр урамында һәм Сауҙа биржаһында төҙөлөш ҡаралтылары.
1923 йылда был йортта 11-се балалар йорто асыла.
Һүрәтләү
[үҙгәртергә | сығанаҡты үҙгәртеү]Йорт XXI быуатҡа тиклем һаҡланып ҡалған. Бейек цоколдә[2] төҙөлгән булған.