Супрасль

Википедия — ирекле энциклопедия мәғлүмәте
Супрасль
Флаг[d]
Нигеҙләү датаһы 1500
Рәсем
Рәсми атамаһы Supraśl
Дәүләт  Польша
Административ-территориаль берәмек Супрасль[d]
Сәғәт бүлкәте UTC+1:00[d] һәм UTC+2:00[d]
Халыҡ һаны 4427 кеше (31 март 2021)[1]
Ир-егеттәр 2125[2]
Ҡатын-ҡыҙҙар 2302[3]
Туғандаш ҡала Згеж[d] һәм Августов[d]
Майҙан 5,68 км²
Почта индексы 16-030
Рәсми сайт suprasl.pl
Бында ерләнгән кешеләр категорияһы Category:Burials in Supraśl[d]
Урындағы телефон коды 85
Карта
 Супрасль Викимилектә

Супрасль (пол. Supraśl) — Польшалағы ҡала, Подляский воеводствоһының Белосток повятында урынлашҡан. Супрасль ҡалаһының майҙаны — 5,68 км² . Халҡы — 4526 кеше (2004 йыл мәғлүмттәр буйынса).

Тарих[үҙгәртергә | сығанаҡты үҙгәртеү]

Супраслдың нигеҙләнеүе 1500 йылда Супрасль Благовещен монастырының уның эргәһендәге Грудектан күсерелеүе арҡаһында килеп сыҡҡан. XVI быуат башында бында Супрасль Благовещен сиркәүе төҙөлгән, аҙаҡ ул иконостас һәм фрескалар менән биҙәлгән. XVIIXVIII быуат буйы Супрасль фәнни һәм мәҙәни үҙәк булып тора, бында бай китапхана, типография була. Шул осорҙа типографияла һәм китапханала эшләгән байтаҡ хеҙмәткәрҙәрҙең исемдәре билдәле: Чернявский Антон китап баҫыусы, Крестомский, Генрих Адам Подебраньский, король Понятовский рәссамы һәм Краков сәнғәт академияһының профессоры[4] Антоний Грушецкий, гисер Алексей Заводский[5].

Супрасль Благовещен монастыры

ХІХ быуат башында монастырь ҡаҡшаған, китапхана Супраслдан ситкә, күпселек өлөшө — Вильняға күсерелгән. Шул ваҡытта ХІ быуатта кириллица менән яҙылған ҡиммәтле Супрасль ҡулъяҙмалары юғалтылған.

ХІХ быуат уртаһында Супрасль ҙур туҡыу сәнәғәте үҙәге була, тик ХХ быуаттың башында туҡыу предприятиелары ҡаланың тимер юлынан алыҫ торғанлығы арҡаһында бөтөрөлгән. Супраслдың архитектура һәйкәлдәре фашист оккупанттарынан 1944 йылда етди зыян күргән, һуғыштан һуң — өлөшләтә тергеҙелгән. 1980-се йылдарҙа Супрасль Благовещен монастыры эшмәкәрлеген яңыртыра, 1996 йылда Польша хөкүмәте бөтә монастырь комплексын Поляк православие сиркәүенә тапшыра һәм унда реставрация эштәре алып барыла.

Иҡтисади үҫеш[үҙгәртергә | сығанаҡты үҙгәртеү]

Ҡаланың матур урманлы урында тороуы хужалыҡ эшмәкәрлегенең төрлө тармаҡтарын үҫтереүгә булышлыҡ итә. Супраслда Кнышинский шырлығының ландшафтлы паркы дирекцияһы бар. Ҡала ағас эшкәртеү сәнәғәте үҙәге булып тора. Бында рекреация өлкәһе үҫешә, 2001 йылдан алып Супрасль курорт статусына эйә. Ҡала аша туристик маршруттар үтә, 2006 йылдан алып иконалар музейы бар. Супрасль физик тәрбиә һәм туризм юғары мәктәбе эшләй.

Иҫтәлекле урындар[үҙгәртергә | сығанаҡты үҙгәртеү]

Буххолец һарайы (1892—1903)
  • Супрасль Благовещен монастыры — XVI-XX быуаттарҙың архитектура комплексы, шул иҫәптән Благовещен ғибәҙәтханаһы (1505—1510, емерелә — 1944, тергеҙелә — 1999), Иоанн Богослов сиркәүе (XIX быуат, тергеҙелә -1958 йыл), архимандрит палатаһы (XVII быуат, тергеҙелгән).
  • Корчма (Karczma, ul. Konarskiego, 3, бина (XVIIIXIX быуат).
  • Буххолец һарайы (18921903).

Шулай уҡ ҡарағыҙ[үҙгәртергә | сығанаҡты үҙгәртеү]

  • Супрасль (йылға)

Иҫкәрмәләр[үҙгәртергә | сығанаҡты үҙгәртеү]