Чернышёв Михаил Анатольевич

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Михаил Анатольевич Чернышёв
Михаил Анатольевич Чернышёв
Михаил Чернышёв (һулда) һәм «Ростов-Дон» гандбол клубы тренеры Сергей Белицкий 2013 йылда
Ростов өлкәһе губернаторы урынбаҫары[1]
7 октябрь 2014 — 26 сентябрь 2016[2]
Губернатор: Голубев Василий Юрьевич
Алда килеүсе: вазифа булдырыла
1996 — 2014
Алда килеүсе: вазифа булдырыла
Һуңыраҡ килеүсе: вазифа бөтөрөлә
ҡала башлығы — Неярохина Зинаида Васильевна,
хәкимиәт башлығы — Горбань Сергей Иванович
 
Тыуған: 6 март 1948({{padleft:1948|4|0}}-{{padleft:3|2|0}}-{{padleft:6|2|0}}) (69 йәш)
Дондағы Ростов, СССР
Ҡатыны: Степанова Зоя Михайловна
 
Наградалары:
IV дәрәжә «Ватан алдындағы хеҙмәттәре өсөн» ордены
Почёт ордены — 2000 Дуҫлыҡ ордены — 1997

Михаи́л Анато́льевич Чернышёв (1948 йылдың 6 мартында Дондағы Ростов ҡалаһында тыуған) — Рәсәй сәйәси эшмәкәре, VII саҡырылыш Дәүләт Думаһы депутаты. Унан алда Ростов өлкәһе губернаторы урынбаҫары (торлаҡ-коммуналь хужалыҡ, төбәк дәүләт торлаҡ күҙәтеүе, халыҡ-ара һәм төбәк-ара хеҙмәттәшлек мәсьәләләре буйынса)[3] һәм Дондағы Ростов ҡалаһы мэры (1990—2014).

Биографияһы[үҙгәртергә | вики-тексты үҙгәртергә]

Михаил Чернышёв Дондағы Ростов ҡалаһында 1948 йылда тыуа, 1967 йылда мәктәпте «көмөш миҙалға» тамамлай һәм 1972 йылда Дон дәүләт техник университетын (ДГТУ) «Теүәл механика приборҙары» һөнәре буйынса тамамлай. Университетты тамамлағас инженер булып, унан һуң Ростов радиоэлемтә фәнни-тикшеренеү институтында беренсе категориялы инженер-конструктор булып эшләй; 19801985 йылдарҙа партия эшендә — Октябрьский КПСС район комитетында бүлек мөдире, Ростов партия ҡала комитеты бүлеге мөдире урынбаҫары[4].

1985 йылдан — Пролетарский халыҡ депутаттары район Советы башҡарма комитеты рәйесе урынбаҫары, Ростов халыҡ депутаттары өлкә Советы башҡарма комитетының ойоштороу-инструктор бүлеге мөдире урынбаҫары, унан һуң Дондағы Ростов ҡалаһының Пролетарский районы хәкимиәт башлығы.

1993 йылдың июлендә Дондағы Ростов ҡалаһының хәкимиәт башлығы итеп тәғәйенләнә. 1994 йылда Ростов ҡала Думаһы депутаты һәм ҡаланың урындағы үҙидара башлығы итеп һайлана, 1996 йылдың декабрендә, һайлаусыларҙың 78 % тауышын йыйып, Ростов мэры һайлауында еңеп сыға; 2000 йылдың декабрендә, 2004 йылдың декабрендә һәм 2010 йылдың мартында ошо вазифаға яңынан һайлана. 2014 йылдың 6 октябрендә мэр вазифаһынан отставкаға китә һәм Ростов өлкәһе хөкүмәтенә эшкә күсә[5]. Ростов өлкәһе губернаторы Голубев Василий Юрьевичтың 2014 йылдың 6 октябрендәге ҡарары менән, 2014 йылдың 7 октябренән Ростов өлкәһе губернаторы урынбаҫары итеп тәғәйенләнә. Уның ҡарамағындағы мәсьәләләр: торлаҡ-коммуналь хужалыҡ; төбәк дәүләт торлаҡ күҙәтеүе; Ростов өлкәһендәге ҡалаларҙа һәм башҡа тораҡ пункттарҙа территорияны төҙөкләндереү өлкәһендә административ тәртип боҙоуҙарҙы асыҡлау һәм административ тәртип боҙоу эштәрен ҡарау; халыҡ-ара һәм төбәк-ара хеҙмәттәшлек.

2016 йылдың 18 сентябрендә Көньяҡ һайлау округынан Дәүләт Думаһына депутат булып һайлана (0152, Ростов өлкәһе).

Дүртенсе дәрәжә «Ватан алдында өлгөлө хеҙмәте өсөн» ордены (2007),[6] Дуҫлыҡ ордены (1997),[7] Почёт ордены (2000),[8] 1999 йылда «Рәсәйҙең Почетлы төҙөүсеһе» знагы менән бүләкләнә.

«Бөтә Рәсәй урындағы үҙидара советы» йәмәғәт ойошмаһы фаразы буйынса — 2009 йылда Рәсәй Федерацияһының муниципаль ойошмалар башлыҡтары араһында иң яҡшыһы[9].

Михаи́л Анато́льевич Чернышёв иҡтисад фәндәре докторы ғилми дәрәжәһенә эйә, уның йөҙөү, шахмат, атыу буйынса спорт разрядтары бар.

Ғаиләһе[үҙгәртергә | вики-тексты үҙгәртергә]

Икенсегә никахҡа ингән, ҡатыны — Степанова Зоя Михайловна Берҙәм Рәсәй фракцияһы Дәүләт думаһы депутаты (4-се, 5-се һәм 6-сы саҡырылыш). Беренсе никахтан ике ҡыҙы бар. Ейәне һәм ейәнсәре бар.

Килеме һәм милке тураһында мәғлүмәт[үҙгәртергә | вики-тексты үҙгәртергә]

З. М. Степанованың Дәүләт Думаһы депутаты булараҡ биргән декларацияһына ярашлы, Степанова ире менән бергә 2011 йылда 5,3 миллион һум күләмендә килем алған. Степанова һәм ире Чернышёв милкендә майҙаны 2 мең квадрат метр тәшкил иткән ер участкаһы, ике фатир, майҙаны 771,5 квадрат метр тәшкил иткән торлаҡ йорт, өс гараж, ике машина урыны, еңел автомобиль, теләһә ниндәй юлдан йөрөй ала торған автомашина һәм ҡаргиҙәр бар[10].

Иҫкәрмәләр[үҙгәртергә | вики-тексты үҙгәртергә]

  1. Должностные обязанности Заместитель Губернатора Ростовской области Чернышев Михаил Анатольевич Дата обращения: 19 июля 2016 г.
  2. Заместителем губернатора назначен Сергей Сидаш - Правительство Ростовской области
  3. Михаил Чернышев назначен заместителем губернатора Дата обращения: 19 июля 2016 г.
  4. Михаил Чернышёв. Биография / Персоны // Материалы сайта «Ведомости» Дата обращения: 10 января 2011 г.
  5. Михаил Чернышев сложил полномочия мэра Ростова-на-Дону. bloknot-rostov.ru (2014-10-06). 13 октябрь 2014 тикшерелгән.
  6. Указ Президента Российской Федерации от 8 марта 2007 г. № 285
  7. Указ Президента Российской Федерации от 30 июня 1997 г. № 657
  8. Указ Президента Российской Федерации от 9 марта 2000 г. № 474
  9. Михаил Чернышев признан лучшим мэром России
  10. Степанова Зоя Михайловна. Государственная дума Российской Федерации. Тәүге сығанаҡтан архивланған 16 декабрь 2012. 14 декабрь 2012 тикшерелгән.

Һылтанмалар[үҙгәртергә | вики-тексты үҙгәртергә]