Шәмиғолов Марат Абдулла улы

Википедия — ирекле энциклопедия мәғлүмәте
Перейти к навигации Перейти к поиску
Пустой элемент Викиданных

Шәмиғолов Марат Абдулла улы (1 август 1926 йыл, БАССР-ҙың Мәсәғүт кантоны (хәҙер Башҡортостан Республикаһы Балаҡатай районы) Белянка ауылы- 15 май 1981 йыл Севастополь). Совет тренеры, спорт акробатикаһы буйынса РСФСР-ҙың атҡаҙанған тренеры, БАССР-ҙың атҡаҙанған мәҙәниәт эшмәкәре, Бөтә союз категориялы спорт судьяһы. Бөйөк Ватан һуғышында ҡатнашыусы.

Биографияһы[үҙгәртергә | вики-тексты үҙгәртергә]

БАССР-ҙың Мәсәғүт кантоны (хәҙер Башҡортостан Республикаһы Балаҡатай районы) Белянка ауылында 1926 йылдың 1 авгусында тыуа. Бөйөк Ватан һуғышында ҡатнаша. Спорт акробатикаһы буйынса РСФСР чемпионы (1956).«Спартак» ирекле спорт йәмғиәтендәге Өфө акробатика мәктәбенә нигеҙ һалыусы. 30-ҙан артыҡ спорт мастеры әҙерләгән. 1965 йылдан алып Бөтә союз категориялы спорт судьяһы. 1950-1981 йылдарҙа Өфө ҡала физкультура комитеты инспекторы, «Динамо» спорт клубының уҡыу-спорт бүлеге мөдире булып эшләй, Өфөнөң Молотов район спорт комитетының рәйесе. Акробатика буйынса Башҡортостандың ирекле «Урожай», «Локомотив», «Спартак», Юғары спорт оҫталығы мәктәбе спорт йәмғиәттәренең өлкә советы тренеры вазифаһын башҡара. 1968 йылда уға РСФСР Юғары советы Президиумы Указы менән спорт акробатикаһы буйынса РСФСР-ҙың атҡаҙанған тренеры исеме бирелә. 1976 йылда БАССР-ҙың атҡаҙанған мәҙәниәт эшмәкәре исеменә лайыҡ була. 1977-1978 йылдарҙа Өфө дәүләт циркы студияһында уҡыта. 1981 йылдың 15 майында Севастополдә вафат була, Өфөлә ерләнгән.

Бүләктәре һәм маҡтаулы исемдәре[үҙгәртергә | вики-тексты үҙгәртергә]

Акробатика буйынса РСФСР чемпионы (1956) Спорт акробатикаһы буйынса Бөтә союз категориялы судья (1965) Спорт акробатикаһы буйынса РСФСР-ҙың атҡаҙанған тренеры (1968) БАССР-ҙың атҡаҙанған мәҙәниәт эшмәкәре (1976)

Әҙәбиәт[үҙгәртергә | вики-тексты үҙгәртергә]

Нуриджанов Э. С. Тренер Шамигулов //Башкирия спортивная. Уфа, 1971.

Һылтанмалар[үҙгәртергә | вики-тексты үҙгәртергә]

Башкортостан. Краткая энциклопедия. ЕНаучное издательство "Башкирская энциклопедия" Уфа - 1996

Категориялар[үҙгәртергә | вики-тексты үҙгәртергә]