Ырыҫбаев Рафиҡ Рәжәп улы

Википедия — ирекле энциклопедия мәғлүмәте
Перейти к навигации Перейти к поиску
Ырыҫбаев Рафиҡ Рәжәп улы
Заты ир-ат
Гражданлығы Flag of the Soviet Union.svg СССР
Тыуған көнө 10 май 1951({{padleft:1951|4|0}}-{{padleft:5|2|0}}-{{padleft:10|2|0}})
Тыуған урыны СССР, РСФСР, Ырымбур өлкәһе, Төйлөгән районы
СССР, РСФСР, Ырымбур өлкәһе
Вафат булған көнө 21 ноябрь 2020({{padleft:2020|4|0}}-{{padleft:11|2|0}}-{{padleft:21|2|0}}) (69 йәш)
Һөнәр төрө табип

Ырыҫбаев Рафиҡ Рәжәп улы (Рысбаев Рафик Ражапович; 10 май 1951 йыл — 21 ноябрь 2020 йыл) — һаулыҡ һаҡлау өлкәһе ветераны, табип-педиатр, йәмәғәтсе. Башҡортостан Республикаһының атҡаҙанған табибы (1998), СССР-ҙың һаулыҡ һаҡлау отличнигы (1986). Милләте — башҡорт[1].

Биографияһы[үҙгәртергә | вики-тексты үҙгәртергә]

Рафиҡ Рәжәп улы Ырыҫбаев 1951 йылдың 10 майында хәҙерге Ырымбур өлкәһе Төйлөгән районының Мәҡсүт ауылында тыуған.

1970—1976 йылдарҙа Башҡорт дәүләт медицина институтының педиатрия факультетында уҡып, «табип-педиатр» һөнәре алған.

Хеҙмәт эшмәкәрлеген 1976 йылдың 10 авгусында Сибай ҡалаһы ҡала дауаханаһында табип-интерн, педиатр булып башлаған.

1977 йылдың авгусынан — Сибай ҡалаһының балалар поликлиникаһында участка педиатры.

1978 йылдың мартынан — Сибай ҡалаһы балалар дауаханаһының дауалау бүлеге буйынса баш табип урынбаҫары.

1980 йылдың февраленән — Сибай ҡалаһының балалар поликлиникаһында участка педиатры.

1980 йылдың декабренән — Сибай район-ара туберкулезды дауалау диспансерының баш табибы. Тап уның етәкселеге осоронда, уның инициативаһы буйынса Сибай ҡалаһы һәм Урал аръяғы райондарының мәктәпкә тиклемге йәштәге балалары өсөн реабилитация бүлеге булдырыла, унда йыл һайын 500-гә яҡын бала, туберкулез йоҡторған йәки туберкулез ауырыулылар менән тығыҙ бәйләнештә булған, шулай уҡ йыш ауырығандар һөҙөмтәле дауалау үтә.

2000 йылдан — Ғ.Ғ.Ҡыуатов исемендәге Республика клиник дауаханаһында янғын хәүефһеҙлеге инженеры булып эшләй[2].

2020 йылдың 21 ноябрендә вафат булған[3].

Йәмәғәт эшмәкәрлеге[үҙгәртергә | вики-тексты үҙгәртергә]

1990 йылдан 2000 йылға тиклем Башҡортостан Республикаһының Үҙәк һайлау комиссияһы ағзаһы[4].

Маҡтаулы исемдәре һәм бүләктәре[үҙгәртергә | вики-тексты үҙгәртергә]

1998 йылда «Башҡортостан Республиканың атҡаҙанған табибы» тигән маҡтаулы исем бирелгән[5]. Башҡортостан Республикаһы Үҙәк һайлау комиссияһының Почет грамотаһы менән бүләкләнгән[6].

Иҫкәрмәләр[үҙгәртергә | вики-тексты үҙгәртергә]