Бибиһәйбәт

Посёлок
Бибиһәйбәт әзерб. Bibiheybət
Герб Герб
Ил	Әзербайжан Әзербайжан
Район	Сабаил районы
Координаталар	40°18′19″ с. ш. 49°48′22″ в. д.
Рәсми тел	әзербайжан теле
Халҡы	1451 кеше
Сәғәт бүлкәте	UTC+4
Бибиһәйбәт

Бибиһәйбәт (әзерб. BibiheybətBibiheybət) — Баҡы ҡалаһының Сабаил районындағы ҡасаба.

Тарихы

2007 йылда Бибиһәйбәт автомагистрален киңәйтеү һәм мәсеткә реконстукция үткәреү маҡсатында Бибиһәйбәт ҡасабаһында йәшәгән бер нисә тиҫтә ғаилә яңы йорттарға күсерелә. Ҡасабала шулай уҡ спорт стадионы, балалар баҡсаһы, ял паркы төҙөлә.

Халҡы

Эксперттар иҫәпләүе буйынса 2013 йылда ҡасабала 2 227 кеше йәшәгән.

Халыҡ һаны үҙгәреү таблицаһы. 2005 йылдан алып 2013 йылға тиклем.

Йыл	2005 йыл (баһа)	2007 йылда (баһа)	2011 йылда (баһа)	2013 йылда (иҫәпләү)
Һаны (кеше)	1 400	1 400	2 000	2 227

Мәсет

Бибиһәйбәт мәсете  Рәсәй империяһы заманы открыткаһында

Бибиһәйбәт ҡасабаһында "Бибиһәйбәт мәсете" комплексы урынлашҡан. Мәсетте XIII быуат уртаһында ширваншаһ Әбү-л-Фатх Фаррухзад төҙөгән. Ул 1936 йылда большевиктар тарафынан тулыһынса емерелә. 1990 йылдар аҙағында мәсетте ҡабат тергеҙәләр. Бөгөнгө комплексҡа мәсеттән тыш хөрмәтле кешеләрҙең кәшәнәләре лә инә.  Әзербайжандағы ислам ҡомартҡыларың береһе һанала.

Ятҡылыҡтары

Империя заманындағы Бибиһәйбәт һүрәтләнгән открытка

Бибиһәйбәт ҡасабаһы янында шундай уҡ атамалы нефть һәм газ коденсаты ятҡылығы бар. XIX быуатта тиклем бындағы нефть ҡоҙоҡтарҙан сығарыла, ә инде 1848 йылдың 14 июленән тәүге скважина быраулана. Ошонда уҡ СССР заманында тәүге диңгеҙ скважинаһы ултыртыла. Был ятҡылыҡтағы ҡайһы бер нефть парафинһыҙ, шуға уларҙы майлау  майҙары булараҡ файҙаланалар.