Алсынбаев Нияз Зәбихулла улы

Алсынбаев Нияз Зәбихулла улы
	Алсынбаев Нияз Зәбихулла улы
Зат	ир-ат
Гражданлыҡ	СССР; РСФСР
Тыуған көнө	1 май 1963
Тыуған урыны	Ишмырҙа, Баймаҡ районы, Башҡорт АССР-ы, РСФСР, СССР
Вафат булған көнө	9 июнь 2026 (63 йәш)
Вафат булған урыны	Өфө, Рәсәй
Һөнәр төрө	журналист, яҙыусы
Уҡыу йорто	Мифтахетдин Аҡмулла исемендәге Башҡорт дәүләт педагогия университеты
Маҡтаулы исемдәре һәм башҡа бүләктәре	Башҡортостан Республикаһының атҡаҙанған матбуғат һәм киң мәғлүмәт хеҙмәткәре

Википедияла Алсынбаев фамилиялы башҡа кешеләр тураһында мәҡәләләр бар.

Алсынбаев Нияз Зәбихулла улы^[1] (1 май 1963, Ишмырҙа, Башҡорт АССР-ы — 9 июнь 2026 (63 йәш), Өфө) — педагог, журналист, яҙыусы. 2014 йылдан Башҡортостан Республикаһы Яҙыусылар союзы ағзаһы. Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2004).

Биографияһы

Нияз Зәбихулла улы Алсынбаев 1963 йылдың 1 майында Башҡортостандың Баймаҡ районы Ишмырҙа ауылында тыуған. Башҡорт дәүләт педагогия университетының тарих-инглиз теле факультетын тамамлай. 1986 йылдан алып 1989 йылға тиклем Баймаҡ районы мәктәптәрендә инглиз теле уҡытыусыһы булып эшләй. 1989—1991 йлдарҙа БАССР-ҙың ТВ һәм радиотапшырыуҙары Дәүләт комитеты корреспонденты булып хеҙмәт итә. 1992—1997 йылдарҙа — Әбйәлил районының «Осҡон» корреспонденты. 1997 йылдан алып «Башкортостан» Дәүләт теле-радио компанияһында башта — сәнәғәт бүлеге корреспонденты, Урал аръяғы собкоры^[2], һуңынан бүлек мөдире, радиотапшырыуҙар хеҙмәте начальнигы урынбаҫары булып эшләй.

2004 йылдан алып года «Юлдаш» музыкаль-мәғлүмәти канал менән етәкселек итә. Шулай уҡ «Майҙан», «Даира» йәмәғәт-сәйәси программалары, «Кесерткән» радиофельетондар циклы алып барыусыһы булараҡ билдәле. «Шәхси фекер», «Шәжәрә» программаларының авторы һәм алып барыусыһы. 1990-сы йылдарҙан әҙәби ижад менән шөғөлләнә башлай. Тәүге хикәйәләре республика гәзиттәре һәм журналдары биттәрендә донъя күрҙе. 2013 йылда «Евразия тауышы» Бөтә Рәсәй конкурсында төп призды яулай (теле-радио компаниялары араһында «Радиола иң яҡшы алып барыусы» номинацияһы). «Алпамыша — бер риүәйәт эҙҙәре артынан» документаль фильмы авторы һәм режиссеры (2013).

Журналист һәм яҙыусы оҙайлы ауырыуҙан һуң 2026 йылдың 9 июнендә Өфө ҡалаһында вафат булды^[3].

Китаптары

Серле мосафир. Өфө,2008;
Эйәрҙә ҡалған егет. Өфө,2009;
Изге бүре балалары. Өфө,2013;
Йәйге селлә. Өфө,2014.

Әҙәбиәт

Әлибаев З.Дәүер һулышын тойоп.//Ағиҙел.-2010.4-се һан. 156—157 биттәр;
Күзбәков Ф. Йәштәр тауышы..//Ағиҙел.-2010. 5-се һан. 153 бит;
Баймакская энциклопедия. Уфа,2013.- 61 бит;
Писатели земли башкирской. Уфа,2015.- 34-35 бит.

Иҫкәрмәләр

↑ Рәсәй дәүләт китапханаһында теркәлгән китабы буйынса
↑ Мегалит 2020 йыл 31 ғинуар архивланған.
↑ Лейла Аралбаева. В Уфе ушел из жизни журналист и писатель Нияз Алсынбаев (урыҫ). ИА «Башинформ» (9 июнь 2026). Дата обращения: 9 июнь 2026.

Һылтанмалар

Мегалит 2020 йыл 31 ғинуар архивланған.
Летний зной 2020 йыл 31 ғинуар архивланған.

[1] Рәсәй дәүләт китапханаһында теркәлгән китабы буйынса

[2] Мегалит 2020 йыл 31 ғинуар архивланған.

[3] Лейла Аралбаева. В Уфе ушел из жизни журналист и писатель Нияз Алсынбаев (урыҫ). ИА «Башинформ» (9 июнь 2026). Дата обращения: 9 июнь 2026.

[1]

[2]

[3]