М. Аҡмулла исемендәге Башҡорт дәүләт педагогия университеты

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
М. Аҡмулла исемендәге Башҡорт дәүләт педагогия университеты
(М. Аҡмулла исемендәге БДПУ)
Bashkir State Pedagogical University.jpg
Исеме

Башкирский государственный педагогический университет им. М. Акмуллы́ (БГПУ им. М. Акмуллы)

Халыҡ-ара исеме

Bashkir State Pedagogical University named after M. Akmulla

Асылған йылы

1967

Ректор

Раил Әсәҙуллин

Урынлашыуы

Башҡортостан Башҡортостан
Flag of Ufa.svg Өфө

Юридик адресы

Октябрь революцияһы урамы, 3а

Сайт

bspu.ru

Университет алдында Мифтахетдин Аҡмулла һәйкәле

М. Аҡмулла исемендәге Башҡорт дәүләт педагогия университеты (рус. Башкирский государственный педагогический университет им. М. Акмуллы́, БГПУ им. М. Акмуллы) — Башҡортостан мәктәптәре өсөн юғары белемле уҡытыусылар әҙерләүсе уҡыу йорто, был йүнәлештәге фәнни-педагогик һәм методик үҙәк. Башҡорт дәүләт педагогия институты булараҡ 1967 йылда асыла, 2000 йылдан «университет» статусы ала һәм һуңыраҡ уға мәғрифәтсе-шағир Мифтәхетдин Аҡмулла исеме бирелә. Эшләү дәүерендә университет 40 меңдән ашыу белгес әҙерләгән. Илдең 20 иң яҡшы юғары уҡыу йорто исемлегенә инә[1].

Университетта «Аудитория» гәзите[2] һәм «Педагогический журнал Башкортостана» журналы нәшер ителә.

Педагогия институты булараҡ асылған был юғары уҡыу йорто республиканың башлыса ауыл мәктәптәрен юғары белемле уҡытыусылар менән тәьмин итеү маҡсатын тормошҡа ашыра. Вуз эшләүенең тәүге йылдарынан уҡ йылдам үҫә: яңы факультеттар асыла, кафедралар ойошторола, һәм һөҙөмтәлә ул Рәсәй Федерацияһында алдынғы һәм ҙур педагогия вуздарының береһенә әйләнә, 1976 йылда I категориялы юғары уҡыу йорто булып таныла.

Структураһы[үҙгәртергә | вики-тексты үҙгәртергә]

  • Сәнғәт-графика факультеты (художественно-графический факультет)
  • Психология факультеты (факультет психологии)
  • Физико-математика факультеты (физико-математический факультет)
  • Тарих һәм хоҡуҡ белеме институты (институт исторического и правового образования)
  • Филологик белем һәм мәҙәни-ара бәйләнештәр институты (институт филологического образования и межкультурных коммуникаций)
  • Тәбиғәт-география факультеты (естественно-географический факультет)
  • Физик культура факультеты (факультет физической культуры)
  • Башҡорт филологияһы факультеты (факультет башкирской филологии)
  • Социаль-гуманитар факультет (социально-гуманитарный факультет)
  • Һөнәре белем һәм мәғлүмәт технологиялары институты (институт профессионального образования и информационных технологий)
  • Педагогия институты (институт педагогики)
  • Квалификация күтәреү һәм һөнәри белемде арттырыу институты (институт повышения квалификации и профессиональной переподготовки)
  • М. Аҡмулла исемендәге БДПУ колледжы (колледж БГПУ им. М. Акмуллы)

Ҡаҙаныштары[үҙгәртергә | вики-тексты үҙгәртергә]

  • 2017 йылдың майында университеттың «Страдл» халыҡ коллективы спорт-аэробика шоуы «Рәсәй студент яҙы» фестивалендә беренсе урынды яуланы. Мәскәүҙә, Дәүләт Кремль һарайында үткән концертта был төркөм «Үҙенсәлекле жанр»/«Пластика» йүнәлешендә иң яҡшыһы булды[3].
  • 2017 йылдың апрелендә «Кружева» халыҡ бейеүҙәре ансамбле артистары Ҡытайҙы яуланы: Тяньзинь ҡалаһында барған Халыҡ-ара фестивалдә башҡорт, рус, татар, ҡаҙаҡ һәм ҡытай бейеүҙәре менән сығыш яһап, башҡорт һылыуҙары тамашасыны хайран итте[4].
  • 2017 йылдың мартында Башҡорт дәүләт педагогия университетының «Кружева» халыҡ бейеүҙәре ансамбле Ҡаҙағстанда Науруз байрамында ҡатнашты[5] һәм Халыҡ-ара бейеү конкурсы дипломанты булды. Ансамбль «Сәскә ат, илем!» тигән башҡорт бейеүен башҡарып, 320 мең тәңкәлек сертификат алды[6].
  • 2017 йылдың ғинуарында Башҡортостандың дүрт юғары уҡыу йорто иҫәбендә педагогия университеты студент берләшмәләре эшмәкәрлеген үҫтереү программаларын һайлап алыу конкурсында еңеүсе булды[7].
  • Университет 2017-2020 йылдарҙа ислам тарихын һәм мәҙәниәтен тәрән белгән белгестәр әҙерләү буйынса дәүләт программаһын тормошҡа ашырыу өсөн 200 миллион һумдан ашыу грант отто[8].

Иҫкәрмәләр[үҙгәртергә | вики-тексты үҙгәртергә]

  1. Башкирский государственный педагогический университет имени Мифтахетдина Акмуллы. Высшие учебные заведения. Наука и образование — 450 лет в составе России
  2. http://www.bspu.ru/template/guest/admin.php?page=82 Газета Аудитория
  3. Республиканың ижади коллективы Кремлдә «Рәсәй студент яҙы»нда беренсе урынды яуланы. Bashinform logo-e1423154856921.jpg, 2017, 23 май (Тикшерелгән 23 май 2017)
  4. Республиканың «Кружева» халыҡ бейеүҙәре ансамбле артистары Ҡытайҙы яуланы. Bashinform logo-e1423154856921.jpg, 2017, 2 май (Тикшерелгән 2 май 2017)
  5. Башҡорт дәүләт педагогия университеты ансамбле Ҡаҙағстанда Науруз байрамында ҡатнаша. Bashinform logo-e1423154856921.jpg, 2017, 21 март (Тикшерелгән 21 март 2017)
  6. Республиканың «Кружева» ансамбле Халыҡ-ара бейеү конкурсы дипломанты булды. Bashinform logo-e1423154856921.jpg, 2017, 24 март (Тикшерелгән 24 март 2017)
  7. Башҡортостандың юғары уҡыу йорттары Рәсәй Мәғариф министрлығының студент берләшмәләрен үҫтереүгә гранттар отто. Bashinform logo-e1423154856921.jpg, 2017, 25 ғинуар (Тикшерелгән 26 ғинуар 2017)
  8. Башҡорт дәүләт педагогия университеты ислам өлкәһендә белгестәр әҙерләү өсөн 200 миллион һумдан ашыу грант отто. Bashinform logo-e1423154856921.jpg, 2017, 17 ғинуар (Тикшерелгән 17 ғинуар 2017)

Һылтанмалар[үҙгәртергә | вики-тексты үҙгәртергә]