Байымова Юлиә Айҙар ҡыҙы
| Байымова Юлиә Айҙар ҡыҙы | |
| Зат | ҡатын-ҡыҙ |
|---|---|
| Тыуған көнө | 1987 |
| Һөнәр төрө | физик |
| Эш урыны | Башҡорт дәүләт университеты |
| Уҡыу йорто | Өфө дәүләт авиация техник университеты |
| Ғилми исеме | Рәсәй Фәндәр академияһы профессоры[d] |
| Ғилми дәрәжә | физика-математика фәндәре докторы[d] |
Байымова Юлиә Айҙар ҡыҙы (1987 йылда тыуған) — Рәсәй ғалим-физигы, физика-математика фәндәре докторы, Рәсәй Фәндәр академияһы профессоры (2018 йыл).
Профессиональ биографияһы
[үҙгәртергә | сығанаҡты үҙгәртеү]Байымова Юлиә Айҙар ҡыҙы Өфө дәүләт авиация техник университетын (ӨДАТУ, 2004—2010, инженер-физик, бишле билдәләре менән диплом) һәм Рәсәй Фәндәр академияһының Металдарҙың үтә үҙлелеге проблемаһы институты аспирантураһын (Өфө, 2010—2014) тамамлай.
Хеҙмәт эшмәкәрлеге:
- 2008—2015 йылдарҙа Рәсәй Фәндәр академияһының Металдарҙың үтә үҙлелеге проблемаһы институтында лаборант, стажер-тикшеренеүсе, кесе ғилми хеҙмәткәр, ғилми хеҙмәткәр булып эшләй, Өфө;
- 2012—2014 йылдарҙа Наньян технологиялар университеты ғилми хеҙмәткәре (ингл. Nanyang Technological University, ҡыт. 南洋理工大學), Сингапур;
- 2015 йылдан — Рәсәй Фәндәр академияһы Металдарҙың үтә үҙлелеге проблемаһы институтының өлкән, баш ғилми хеҙмәткәре;
- 2015 йылдан — Рәсәй Фәндәр академияһы Урал бүлексәһенең М. Н. Михеев исемендәге металдар физикаһы институтының өлкән ғилми хеҙмәткәре, Екатеринбург
- 2017 йылдан — Башҡорт дәүләт университетының Физика-техник институтында физика һәм наноматериалдар технологияһы кафедраһы профессоры, Өфө.
Докторлыҡ диссертацияһы: «Структура и физические свойства наноматериалов на основе графена» 01.04.07 — шыйыҡлатылған торош физикаһы һөнәре буйынса физика-математика фәндәре докторы ғилми дәрәжәһенә дәғүә итеү өсөн. 2016 йылдың 3 ноябрендә яҡлай.
2018 йылдың яҙында Рәсәй фәндәр академияһы профессоры итеп һайлана[1].
Фәнни ҡыҙыҡһыныуҙары һәм ҡаҙаныштары
[үҙгәртергә | сығанаҡты үҙгәртеү]Эшмәкәрлек өлкәһе: пластик деформация, кристалл төҙөлөшө дефекттары, графен, һығылмалы деформация технологияһы, молекуляр динамика, наноматериалдар, күләмле углеродлы материалдар, алмасҡа оҡшаш структуралар, механик үҙсәнлектәре, ауксетика.
Ю. А. Байымова ҡатнашлығында:[2]
- графендың һәм уның нигеҙендә наноматериалдарҙың структураһын һәм үҙсәнлектәрен өйрәнеүгә, шулай уҡ тышҡы йоғонто яһау аша уларҙың үҙенсәлеге менән идара итеү ысулдарын эшләүгә арналған эш циклы башҡарыла;
- графен нигеҙендә квази-ике үлсәмле һәм өс үлсәмле наноматериалдарҙың киң спектры өйрәнелә, уларҙың тотороҡло конфигурацияһы табыла, температура һәм деформация тәьҫире аҫтында үҙенсәлектәре үҙгәреүе анализлана;
- ике үлсәмле һәм квази-ике үлсәмле углеродлы наноматериалдарҙың йылы үткәреүсәнлеген иҫәпләү өсөн модель эшләнә;
- ҡайталыусан/ҡайталыусан булмаған деформация ҡулланып графендың һәм уның нигеҙендә наноматериалдарҙың үҙенсәлектәре менән идара итеү ысулы үҫтерелә.
Ғилми баҫмалар
[үҙгәртергә | сығанаҡты үҙгәртеү]Рәсәй ғилми-тикшеренеү Үҙәге мәғлүмәттәре буйынса 2018 йылға Ю. А. Байымова бөтәһе 1300-ҙән ашыу тапҡыр өҙөк алынған 110-дан ашыу баҫылып сыҡҡан хеҙмәт авторы,; Хирш индексы — 23[3].
Китаптары:
- Мулюков Р. Р., Баимова Ю. А. Углеродные наноматериалы: учебное пособие. Уфа: РИЦ БашГУ, 2015. — 160 с.
Баҫтырып сығарылған хеҙмәттәре:
- A. J. Baimova, Dmitriev V. S., V K. A. Savin Zhou. Graphene and at zero in with edges finite nanoribbons strained Unidirectional ripples temperatures clamped. Phys. Rev. B. 2012. V 86. N 3. P. 035427.
- A. J. Baimova, Liu B., Dmitriev V. S., Srikanth, K. Zhou. Properties of carbon bulk nanostructures Mechanical: and of effect temperature loading. Phys. Chem. Chem. Phys. 2014. V 16. P. 19505-19513
- B. Liu, Wu R., A. J. Baimova, H. Wu, A. Wing-Keung Law, and Dmitriev K. S. V. Zhou. Dynamics pressure Molecular of study-graphene water through bilayers driven transport. Phys. Chem. Chem. Phys. 2016. V 18. P. 1886—1896
- A. J. Baimova, T. R. Murzaev, A. I. Rudskoy. Equilibrium thermal in graphane Discrete in breathers. Letters A Physics. 2017. 381. v. 36 н. P. 3049-3053.
- B. Liu, A. J. Baimova, D. C. Reddy, Dmitriev V. S., Law W. Keung, X. Qiao Feng, K. Zhou. Graphene hybrid Interface conductance rectification thermal and in/silicene monolayer. Carbon. 2014. V 79. 236 P. −244,
Иҫкәрмәләр
[үҙгәртергә | сығанаҡты үҙгәртеү]- ↑ Постановление Президиума РАН о присвоении звания «Профессор РАН» (Отделение энергетики, машиностроения, механики и процессов управления). Проверено 17 ноября 2018.
- ↑ Баимова Юлия Айдаровна (краткая информация). Портал профессоров РАН. Проверено 20 ноября 2018.
- ↑ Список публикаций Ю. А. Баимовой и данные об их цитируемости на сайте Elibrary
Һылтанмалар
[үҙгәртергә | сығанаҡты үҙгәртеү]- Шәхси сайты 2018 йыл 21 ноябрь архивланған.