Өфө дәүләт авиация техник университеты

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Өфө дәүләт авиация техник университеты
(УГАТУ)
Ufa State Technical University of Aviation.jpg
Халыҡ-ара исеме

Ufa State Aviation Technical University

Элекке исеме

Өфө авиация институты

Асылған йылы

1932

Президент

Кусимов Салауат Таһир улы

Ректор

Ғөзәйеров Морат Баҡый улы

Урынлашыуы

Өфө, Киров районы

Юридик адресы

450077, Өфө ҡалаһы, Карл Маркс урамы, 12

Сайт

ugatu.ac.ru

Наградалары

Ленин ордены

Өфө дәүләт авиация техник университеты — Башҡортостан Республикаһының һәм Өфө ҡалаһының иң ҙур юғары уҡыу йорттарының береһе, үҫешкән фән һәм мәҙәниәт үҙәге. Университ уҡыу-уҡытыу барышына заманса яңы ысулдар индереү йүнәлешендә алдынғы урындарҙа тора. 1982 йылда Ленин ордены менән наградланған[1].

Ҡаҙаныштары[үҙгәртергә | вики-тексты үҙгәртергә]

  • 2017 йылдың ғинуарында Башҡортостандың дүрт юғары уҡыу йорто иҫәбендә Өфө дәүләт авиация техник университеты студент берләшмәләре эшмәкәрлеген үҫтереү программаларын һайлап алыу конкурсында еңеүсе булды[2].
  • Өфө дәүләт авиация техник университеты Рәсәйҙең Мәғариф һәм фән министрлығы үткәргән ғилми проекттар һайлап алыу конкурсы еңеүселәре иҫәбенә инде. 2017 йылда вуз алты проектын ғәмәлгә ашырыу өсөн ярҙам аласаҡ. Улар иҫәбендә: компьютер моделләү ысулдары менән супрамолекулаларҙың физик-химик үҙенсәлектәрен һәм күләмле наноструктуралы материалдарҙы өйрәнеү һәм фаразлау; гибридлы көс ҡулайламалары булған автономлы объекттар өсөн перспективалы электр механикаһы үҙгәрткестәрен тикшереү, әҙерләү һәм индереү; бүленгән дифференциаль алым нигеҙендә төрлө составлы нефть-газ ятҡылыҡтары коллекторҙарында фильтр аша үтеү процесын математик һәм компьютер моделләү; шыйыҡ һәм газ хәлендәге углеводородтарҙы сығарыу, ташыу, эшкәртеү һәм ҡулланыу процестарын көсәйтеү өсөн илебеҙҙәге нефть-химия сеймалынан реагенттар, реактивтар һәм материалдар эшләүҙең ғилми нигеҙҙәрен уйлап табыу; үтә ваҡ ярмалы мартенлы ҡорос төҙөлөшө һәм үҙенсәлектәре; газ турбиналы двигатель деталдәре өсөн юғары талығыу сифаттары хас булған үтә ваҡ ярмалы титан иретмәләре[3].
  • 2016 йылда Өфө дәүләт авиация техник университеты Рәсәйҙең иң яҡшы 60-тан ашыу вузы исемлегенә инде[4].

Университеттың ҡыҫҡаса тарихы[үҙгәртергә | вики-тексты үҙгәртергә]

Был юғары уҡыу йорто, авиция институты булараҡ, Ярославль өлкәһенең Рыбинск ҡалаһында 1932 йылда асыла.

Бөйөк Ватан һуғышы башланыу сәбәпле, 1941 йылдың көҙөндә ул Өфөгә күсерелә һәм, алдағы йылдан яңы исем алып, «Серго Орджоникидзе исемендәге Өфө авиация институты» тип атала башлай.

1992 йылда институт «техник университет» статусы ала, уның бөгөнгө исеме — Өфө дәүләт авиация техник университеты.

2010 йылда университет «Рәсәйҙең милли тикшеренеү университеты» статусын алыу өсөн конкурста ҡатнашты, ләкин уңышҡа өлгәшә алманы.

Мәғлүмәт[үҙгәртергә | вики-тексты үҙгәртергә]

Өфө дәүләт авиация техник университеты бөгөнгө көндә 7 үҡыу бүлегенән тора, белгестәр әҙерләү 61 йүнәлеш буйынса алып барыла, студенттар һаны 20 меңдән ашыу.

Университеттың ректорҙары

  1. 1932—1933 — Фрейман С. А.
  2. 1933—1935 — Душинов Н. И.
  3. 1935—1936 — Гординский З. Г.
  4. 1936—1939 — Гогосов Владимир Антонович
  5. 1939—1942 — Емелин Иван Павлович
  6. 1942—1944 — Гусаров Александр Филиппович
  7. 1944—1961 — Емелин Иван Павлович
  8. 1961—1992 — Мәүлитов Рифат Рәхмәтулла улы
  9. 1992—2003 — Күсимов Салауат Таһир улы
  10. 2003 -2014  — Ғөзәйеров Морат Баҡый улы
  11. 20142015Дегтярёв Александр Николаевич ( вазифа башҡарыусы)
  12. 2015 йылдан хәҙергәсә — Криони Николай Константинович[5]

Авиация университеты бинаһы [үҙгәртергә | вики-тексты үҙгәртергә]

Университеттын төп бинаһы 1950 йылда архитектор Кәлимуллин Барый Ғибәт улы проекты буйынса Башҡорт АССР-ының «Советтар йорто» булараҡ төҙөлә һәм 1958 йылда ул ул ваҡыттағы авиация институты ҡарамағына бирелә.

Вузды тамамлаған билдәле шәхестәр[үҙгәртергә | вики-тексты үҙгәртергә]

Сәйәсмәндәр[үҙгәртергә | вики-тексты үҙгәртергә]

Фән эшмәкәрҙәре[үҙгәртергә | вики-тексты үҙгәртергә]

Химия[үҙгәртергә | вики-тексты үҙгәртергә]

Математика[үҙгәртергә | вики-тексты үҙгәртергә]

Билдәле уҡытыусылар[үҙгәртергә | вики-тексты үҙгәртергә]

  • Лавров Сергей Андреевич (6.11.1935, Ҡаҙаҡ АССР-ы Жана Семей ҡасабаһы), конструктор. Техник фәндәр кандидаты (1974). БАССР ҙың атҡаҙанған фән һәм техника эшмәкәре (1977). Ҡазан авиация институтын тамамлағандан һуң (1959) ӨПЭПБ ла эшләй: өлкән инженер конструктор, 1960 йылдан — баш конструктор урынбаҫары, 1964 йылдан — баш конструктор, 1991 йылдан — тәжрибә КБ-һы етәксеһе., 1994 йылдан — техник конструкторлыҡ бүлеге начальнигы. 1996 йылдан ӨДИСА ла, бер үк ваҡытта 2005—12 йылдарҙа ӨДАТУ ла уҡыта. Сергей Лавров етәкселегендә хисаплау техникаһының (цифрлы хисаплау машиналары), электр бритваларының, шул иҫәптән донъялағы тәүге «Ағиҙел 1К» космик бритваһының төрлө модификациялары эшләнә һәм етештереүгә индерелә. 30-ҙан ашыу фәнни хеҙмәт һәм 7 уйлап табыу авторы. «Почёт Билдәһе» ордены кавалеры (1969).

Иҫкәрмәләр[үҙгәртергә | вики-тексты үҙгәртергә]

  1. Указ Президиума Верховного Совета СССР от 30 июня 1982 г. № 7436-Х
  2. Башҡортостандың юғары уҡыу йорттары Рәсәй Мәғариф министрлығының студент берләшмәләрен үҫтереүгә гранттар отто. Bashinform logo-e1423154856921.jpg, 2017, 25 ғинуар (Тикшерелгән 26 Ғинуар (Һыуығай) 2017)
  3. Өфөнөң юғары уҡыу йорттары ғилми проекттар һайлап алыу конкурсында еңде. {Башинформ}}, 2017, 12 ғинуар (Тикшерелгән 12 Ғинуар (Һыуығай) 2017)
  4. Башҡортостандың ике университеты илдең иң яҡшы вуздары исемлегенә инде. Bashinform logo-e1423154856921.jpg, 2016, 10 ноябрь (Тикшерелгән 10 Ноябрь (Ҡырпағай) 2016)
  5. [1]

Һылтанмалар[үҙгәртергә | вики-тексты үҙгәртергә]

Википедия Был мәҡәлә тамамланмаған. Һеҙ уны мөхәррирләп һәм тулыландырып проектҡа ярҙам итә алаһығыҙ.
Был иҫкәрмәне дөрөҫөрәге менән алмаштырырға кәрәк.