Ленин ордены

Ленин ордены
Нигеҙләү датаһы	6 апрель 1930
Кем хөрмәтенә аталған	Ленин Владимир Ильич
Нигеҙләүсе	Сталин Иосиф Виссарионович
Дәүләт	СССР
Түбәнерәк дәрәжә	Октябрь Революцияһы ордены
Барлыҡҡа килеү урыны	Мәскәү
Ғәмәлдән сыҡҡан дата	1991
Бүләкләү сәбәбе	Ciutadans de la Unió Soviètica, estrangers, institucions, empreses i col·lectivitats per: serveis destacats rendits a l'Estat; servei exemplar a les Forces Armades; promoure l'amistat i la cooperacions entre els pobles i en reforç de la pau; serveis meritoris a l'estat soviètic i a la societat һәм Sobietar Batasuneko herritarrak, atzerritarrak, erakundeak, enpresak eta komunitateak: Estatuari eskainitako zerbitzu bikainak; zerbitzu eredugarria Indar Armatuetan; herrien arteko adiskidetasuna eta lankidetza sustatzea eta bakea indartzeko; merituzko zerbitzuak estatu sobietarrari eta gizarteari
Һаны	431 418
Лауреаттар категорияһы	Категория:Ленин ордены кавалерҙары
Ленин ордены Викимилектә

Ленин ордены — Советтар Союзының иң юғары наградаһы. СССР Үҙәк Башҡарма Комитеты Президиумы ҡарары менән 1930 йылдың 6 апрелендә булдырылған.

Ленин ордены менән бүләкләү тәртибе буйынса: айырым кешеләр, коллективтар, ойошмалар, йәмәғәт ойошмалары, хәрби частәр, хәрби караптар, хәрби берләшмәләр, союз и автоном республикалар, крайҙар, өлкәләр, автоном өлкәләр, автоном округтар, райондар, ҡалалар һәм башҡа торамалар бүләкләнә. Айырым граждандар фиҙакәр хеҙмәте, социалистик Ватанды яҡлауға, Советтар Союзының оборонаға һәләтлеген нығытыуға, халыҡтар араһындағы дуҫлыҡты һәм хеҙмәттәшлекте үҫтереүгә, тыныслыҡты нығытыуға йүнәлтелгән һәм ил алдындағы күрһәткән башҡа ҙур ҡаҙаныштары өсөн бүләкләнгәндәр.

Ленин ордены менән бүләкләү тәртибе бер нисә тапҡыр үҙгәртелгән. Ленин ордены менән Советтар Союзы Геройы һәм Социалистик Хеҙмәт Геройы исеменә лайыҡ булғандар ҙа бүләкләнә. Беренсе һанлы Ленин ордены менән 1930 йылдың 23 майында «Комсомольская правда» гәзите йәштәр коллективтары араһында беренсе биш йыллыҡта социалистик ярыштар ойошторған өсөн бүләкләнә. Бер үк ваҡытта гәзитең беренсе һаны сығыуға биш йыл тулыу көнө лә билдәләп үтелә.

Рәссәм Иван Иванович Дубасов Һәм скульптор Иван Дмитриевич Шадр орденды эшләп-биҙәүҙә ҡатнашыусылар. Дубасов һуңынан Ленин ордены менән үҙе бүләкләнә.

1953 йылға тиклем орден алтындан, Ленин рәсеме платинанан эшләнә.

Советтар Союзының ҡайһы бер күренекле шәхестәре Ленин ордены менән бер нисә тапҡыр бүләкләнә, шул иҫәптән:

• 11 тапҡыр — Советтар Союзы Маршалы Дмитрий Фёдорович Устинов;
• 9 тапҡыр — ҡорал эшләүселәр генерал-полковник-инженер Пётр Васильевич Дементьев һәм генерал-полковник-инженер Василий Михайлович Рябиков, тикшеренеүсе һәм Главсевморпуть башлығы Иван Дмитриевич Папанин;
• 8 тапҡыр — армия генералы Павел Иванович Батов, Советтар Союзы Маршалдары Александр Михайлович Василевский һәм Василий Данилович Соколовский, академик Трофим Денисович Лысенко;
• 7 тапҡыр — армия генералы Иван Христофорович Баграмян, Советтар Союзы Маршалы Семён Михайлович Будённый, Советтар Союзы Флоты Адмиралы Сергей Георгиевич Горшков;
• 6 тапҡыр — Советтар Союзы Маршалы Георгий Константинович Жуков.

Халыҡ-ара коммунистик һәм эшселәр хәрәкәтенең күренекле эшмәкәрҙәре Георгий Димитров, Долорес Ибаррури, Хо Ши Мин, Фидель Кастро, Отто Гротеволь һәм башҡалар шулай уҡ Ленин ордены менән бүләкләнгән.

Наградаға лайыҡ булыусылар бөтәһе 431 418.

Ленин ордены филателияла

• СССР-ҙың почта маркаларында
• 
  СССР-ҙың почта маркаһы, 1946 йыл.
• 
  СССР-ҙың почта маркаһы, 1953 йыл.
• 
  СССР-ҙың почта маркаһы, 1980 йыл.