Баһауетдинова Миңлехана Ишмөхәмәт ҡыҙы

Википедия — ирекле энциклопедия мәғлүмәте
Перейти к навигации Перейти к поиску
Баһауетдинова Миңлехана Ишмөхәмәт ҡыҙы
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 10 сентябрь 1953({{padleft:1953|4|0}}-{{padleft:9|2|0}}-{{padleft:10|2|0}}) (66 йәш)
Тыуған урыны СССР, РСФСР, Башҡорт АССР-ы, Ғафури районы, Ҡауарҙы ауыл Советы[d], Юлыҡ (Ғафури районы)
Һөнәр төрө Уҡытыусы
Уҡыу йорто Башҡорт дәүләт университетының Стәрлетамаҡ филиалы

Баһауетдинова Миңлехана Ишмөхәмәт ҡыҙы (тыуған 10.9.1953, БАССР-ҙың Ғафури районы Юлыҡ ауылы.) — педагог, филология фәндәре кандидаты (1997), Башҡортостан Республикаһының халыҡ уҡытыусыһы (2008), Башҡортостан Республикаһының атҡаҙанған уҡытыусыһы (1992), РСФСР-ҙың халыҡ мәғарифы отличнигы (1988), Рәсәй Федерацияһының дөйөм белем биреү почетлы хеҙмәткәре (2005); З. Биишева исемендәге премия лауреаты (2007).

Биографияһы[үҙгәртергә | вики-тексты үҙгәртергә]

Баһауетдинова Миңлехана Ишмөхәмәт ҡыҙы 1953 йылдың 10 сентябрендә Башҡортостандың Ғафури районы Юлыҡ ауылында тыуған.

1961—1969 йылдарҙа Юлыҡ урта мәктәбендә уҡый, аҙаҡ 2-се һанлы Ишембай интернат-гимназияһында уҡыуын дауам итә (1969-71). 1976 йылда Стәрлетамаҡ дәүләт педагогия академияһының филология факультетын тамамлай.

1976-79 йылдарҙа Башҡортостандың Стәрлебаш районы Ҡалҡаш урта мәктәбендә рус теле һәм әҙәбиәте уҡытыусыһы, уҡытыу-тәрбиә эштәре буйынса директор урынбаҫары булып эшләй.

1980 йылдан Стәрлебаш районының Стәрлебаш ауылы 1-се һанлы мәктәбендә уҡыта, 1986 йылда тәрбиә эштәре буйынса директор урынбаҫары итеп тәғәйенләнә. 1993 йылдан мәктәп директоры булып эшләй[1]. 2008 йылдан алып Өфөлә БР‑ҙың Мәғарифты үҫтереү институтының экспертиза һәм аттестация бүлеге мөдире вазифаһында эшләй.

Экспертиза һәм аттестация бүлеге мөдире булып эшләү менән бер үк ваҡытта 2008 йылдан Өфөлә БР мәғарифты үҫтереү институтында, 2011 йылдан алып Тарих, тел һәм әҙәбиәт институтында өлкән ғилми хеҙмәткәр булып эшләй.

Фәнни эшмәкәрлеге[үҙгәртергә | вики-тексты үҙгәртергә]

Баһауетдинова Миңлехана Ишмөхәмәт ҡыҙы 47 фәнни мәҡәлә, 15 уҡытыу-методик әсбап авторы. «Мәҙәниәттәр диалогы» нигеҙендә башҡорт телен уҡытыуға айырым иғтибар бирә. Ижади фекерләүҙе үҫтереү кеүек төшөнсәләрҙе үҙләштереүҙе нигеҙҙә асыҡ реаль мәғәнәләрҙә бирә.

Уҡыусыларҙың этнолингвокультурологик компетенцияһын формалаштырыу буйынса үҙенең фәнни эшмәкәрлеге бар. Баһауетдинова 25 йылдан артыҡ уҡыусылары менән бергә Стәрлебаш районы фольклорын, тыуған яҡ топонимикаһын өйрәнә һәм йыя.


Рәсәй мәҙәниәте программаһы сиктәрендә нәшер ителгән «Башҡорт теленеп этнографик лексикаһы» һәм «Башҡортса- русса һүҙлек» монографиялары, «Башкорт теле һем әҙәбиәте буйынса традицион булмаған дәрестәр» методик ҡулланмаһы күп йыллыҡ хеҙмәт емеше булып тора.[2].

Иҫкәрмәләр[үҙгәртергә | вики-тексты үҙгәртергә]

  1. - Муниципальное бюджетное учреждение «Кугарчинская централизованная библиотечная система» муниципального района Кугарчинский район Республики Башкортостан.
  2. Лучшие учителя и школы Республики Башкортостан