Белов Владимир Викторович
| Белов Владимир Викторович | |
| Тыуған | |
|---|---|
| Тыуған урыны |
Дәүләкән ҡалаһы, Башҡорт АССР-ы, РСФСР, СССР, |
| Ил | |
| Һөнәрҙәре |
опера йырсыһы |
| Йырлау тауышы |
тенор |
| Наградалар |
Рәсәй Федерацияһының атҡаҙанған артисы, Башҡортостан Республикаһының халыҡ артисы (1994) |
Белов Владимир Викторович (1 октябрь 1960 йыл) — Рәсәй опера йырсыһы (тенор), Рәсәй Федерацияһының атҡаҙанған (2003), Башҡортостан Республикаһының халыҡ артисы (1994).
Биографияһы
[үҙгәртергә | сығанаҡты үҙгәртеү]Владимир Викторович Бело́в 1960 йылдың 1 октябрендә БАССР-ҙың Дәүләкән ҡалаһында тыуған.
1988 йылда Өфө дәүләт сәнғәт институтын (М. Ғ. Мортазина класы) тамамлай. 1987—1988 йылдарҙа һәм 1990 йылдан алып — Башҡорт дәүләт опера һәм балет театрында солист, 1988—1990 йылдарҙа — Свердлов опера һәм балет театрында, 1997—2003 йылдарҙа — Прага дәүләт операһында, 2003 йылдан — Башҡортостан Республикаһының Милли симфоник оркестры директоры. И. К. Архипова һәм М. Л. Биешу менән бергә сығыш яһай. Рәсәй, Германия, Италия, АҠШ, Франция, Япония буйлап гастролдәрҙә йөрөй.
Вокаль партиялары
[үҙгәртергә | сығанаҡты үҙгәртеү]Ротшильд («Ротшильд скрипкаһы», В. И. Флейшман һәм Д. Д. Шостакович; дебют, 1987), Владимир Игоревич («Кенәз Игорь», А. П. Бородин), Герман («Пиковая дама», П. И. Чайковский), Герцог («Риголетто»), Манрико («Трубадур»), Радамес («Аида», Дж. Верди), Хозе («Кармен», Ж.Бизе), Бохаир («Салауат Юлаев»), Аҡмырҙа («Шәурә»), «Реквием»-дә (Верди (1994)), Л. Бетховендың Туғыҙынсы симфонияһында (1998) партиялар. Йырсының репертуарында — рус һәм сит ил композиторҙарының операларынан ариялар, рус халыҡ йырҙары һәм романстары.
Маҡтаулы исемдәре һәм башҡа бүләктәре
[үҙгәртергә | сығанаҡты үҙгәртеү]- М. И. Глинка исемендәге Халыҡ-ара конкурс лауреаты (Смоленск ҡалаһы, 1993)
- С. Я. Лемешев исемендәге халыҡ-ара опера йырсылары конкурсы дипломанты (Тверь ҡалаһы, 1992)
- Дж. Ғайяр исемендәге халыҡ-ара йырсылар конкурсы дипломанты (Памплона ҡалаһы, Испания, 1996)
- Башҡортостан Республикаһының халыҡ артисы (1994)
- Рәсәй Федерацияһының атҡаҙанған артисы (2003)
Һылтанмалар
[үҙгәртергә | сығанаҡты үҙгәртеү]- http://www.bashopera.ru/person.483.html 2014 йыл 12 март архивланған.