Боғҙанов Ғәбдрәүеф Ғабдулла улы

	Ғәбдрәүеф Ғабдулла улы Боғҙанов
Тыуған көнө	1886
Тыуған урыны	Ырымбур ҡалаһы, Ырымбур өйәҙе, Ырымбур губернаһы
Вафат булған көнө	1931
Вафат булған урыны	билдәһеҙ
Наградалары һәм премиялары	Станислав таҫмаһындағы «За усердие» алтын миҙалы
	Шаблон: просмотр • обсуждение • править

Википедияла Боғҙанов фамилиялы башҡа кешеләр тураһында мәҡәләләр бар.

Ғәбдрәүеф Ғабдулла улы Боғҙанов (1886—1931) — башҡорт дин әһеле.

Биографияһы

Боғҙанов Ғәбдрәүеф Ғабдулла улы 1886 йылда Ырымбур губернаһы Ырымбур өйәҙе Ырымбур ҡалаһында Ырымбур казак ғәскәре офицеры ғаиләһендә тыуған. Милләте буйынса башҡорт.

Ырымбур Неплюев кадет корпусын, 1907 йылда Ырымбур казак юнкер училищеһын тамамлай. 1910 йылда хорунжий званиеһында отставкаға китә, Уралдың бер нисә төбәгендә ер үлсәүсе булып эшләй^[1].

1914 йылда йәнә хәрби хеҙмәткә саҡырыла, Беренсе донъя һуғышында ҡатнаша. Есаул званиеһын ала, бер нисә орден менән бүләкләнә^[1].

1917 йылдан эсерҙар партияһы, Ырымбур ғәскәри хөкүмәте ағзаһы. I Ырымбур мосолман казактары съезының рәйесе, 2-се һанлы Ырымбур округы Бөтә Рәсәй Ойоштороу йыйылышына депутат итеп һайлана^[1].

1918 йылдан — Комуч (Бөтә Рәсәй Ойоштороу комитеты) ағзаһы, Комуч мосолман хәрби частарын ойоштороусыларының береһе була^[1].

1919 йылдан генерал А. И. Дутовтың Ырымбур казак армияһында хеҙмәт итә, шул уҡ йылдың көҙөндә Ырымбур казак бригадаһы менән Ҡыҙыл армия яғына сыға. Эскадрон командиры, полк командиры ярҙамсыһы булараҡ совет-поляк һуғышында, Врангель армияһына һәм баҫмаҡтарға ҡаршы алыштарҙа ҡатнаша^[1].

1920 йылдарҙа РККА кавалерия полкының һәм бригаданың командиры була. Ҡайһы бер мәғлүмәттәр буйынса, Ҡыҙыл армияһының командир составын элекке аҡтарҙың офицерҙарынан «таҙартыу» барышында «Весна» эше буйынса репрессиялана^[1].

Иҫкәрмәләр

↑ ^1,0 ^1,1 ^1,2 ^1,3 ^1,4 ^1,5 Назаров Р. Р. Богданов Габдрауф Габдуллинович // Ислам на Урале: энциклопедический словарь / Коллект. автор. Сост. и отв. редактор – Д. З. Хайретдинов. — М.: Издательский дом «Медина», 2009. — С. 67. — 404 с. — ISBN 978-5-9756-0054-7.

Әҙәбиәт

Волков Е. Колчаковские офицеры: опыт исторического исследования. — Челябинск, 2001.
Всероссийское Учредительное собрание. — М.-Л., 1930. — С.116-138.
Гражданская война в Оренбуржье. 1917—1919 гг. Документы и материалы. — Оренбург, 1958.
Протасов Л. Г. Люди Учредительного собрания: портрет в интерьере эпохи. — М., 2008.
Урал и Прикамье. Ноябрь 1917 — январь 1919. Документы и материалы. — Париж, 1982.

[Ислам_на_Урале-1] 1,0 ^1,1 ^1,2 ^1,3 ^1,4 ^1,5 Назаров Р. Р. Богданов Габдрауф Габдуллинович // Ислам на Урале: энциклопедический словарь / Коллект. автор. Сост. и отв. редактор – Д. З. Хайретдинов. — М.: Издательский дом «Медина», 2009. — С. 67. — 404 с. — ISBN 978-5-9756-0054-7.

[1]