Еңеүҙең 40 йыллығы проспекты

Еңеүҙең 40 йыллығы проспекты
Дәүләт	Рәсәй
Административ-территориаль берәмек	Пролетар районы
Оҙонлоҡ	5 km

Еңеүҙең 40 йыллығы проспекты — Дондағы Ростов ҡалаһы проспекттарының береһе.

Географияһы

Пролетар районының Александровка биҫтәһендә урынлашҡан һәм уның төп транспорт магистрале. Черевичкин һәм Сарьян урамдарының ҡушылған урынында башлана, күп өлөшөндә көнсығыш йүнәлештә бара, биҫтәнең аҙағында төньяҡ-көнсығышҡа борола һәм артабан Кобяков йырынына ауышҡанда, М4 менән тамамланып, төньяҡҡа ҡарай йүнәлеш ала.

Йорттар һаны көнбайыштан көнсығышҡа ҡарай арта.

Транспорт

Проспект райондың ғына түгел, ҡаланың да төп транспорт артерияһы, ул транспортты өлкәнең төп автомобилдәр магистраленә генә түгел, шулай уҡ Дон йылғаһының һул ярының рекреацион зонаһына һәм Аҡсайға сығыуҙы тәьмин итә. Проспекттың күпселек өлөшө буйлап 54-се, 70-се, 80-се маршрут автобустары, 22-се маршрут троллейбусы һәм байтаҡ маршрут таксиҙары йөрөй.

Тарихы

Проспект Александровка биҫтәһе Дондағы Ростовҡа ҡушылғандан һуң 1961 йылда формалаша башлай. Проспектты элекке Аҡсайға булған юлдың трассаһы буйлап станицаның төньяҡ ситенән һалалар. Хәҙерге көнгә тиклем проспекттың йоп (көньяҡ) яғында әҙ ҡатлы шәхси йорттар, ә таҡ яғында күп ҡатлы күп фатирлы йорттар өҫтөнлөк итә. 1985 йылға тиклем проспект «Аҡсай урамы» тип аталған. 80-се йылдар аҙағына тиклем проспекттың көнсығыш осондағы көньяҡ яғы буйлап төҙөлөштәр («Геофизика» ҡасабаһы), проспект үҙе Ростов территорияһына инһә лә. административ рәүештә Аҡсай ҡалаһына ҡарай.

1985 йылда проспекттың исемен үҙгәртеү менән бергә уның осонда Бөйөк Ватан һуғышында Еңеүҙең 40 йыллығы иҫтәлегенә билдә ҡуйыла. 2000 йылдарҙа авария хәлендә булыуы менән бәйле билдә һүтеп алына.