Зарипова Ғәйникамал Ҡиям ҡыҙы

Зарипова Ғәйникамал Ҡиям ҡыҙы
	Зарипова Ғәйникамал Ҡиям ҡыҙы
Зат	ҡатын-ҡыҙ
Гражданлыҡ	СССР; Рәсәй
Тыуған көнө	15 июнь 1943 (80 йәш)
Тыуған урыны	Башҡорт АССР-ы, РСФСР, СССР; Тауҡай-Гәйнә, Көсөгән ауыл советы, Миәкә районы, Башҡорт АССР-ы, РСФСР, СССР
Һөнәр төрө	селекционер
Уҡыу йорто	Башҡорт дәүләт аграр университеты
Ғилми дәрәжә	ауыл хужалығы фәндәре кандидаты[d]
Маҡтаулы исемдәре һәм башҡа бүләктәре	Башҡортостан Республикаһының атҡаҙанған ауыл хужалығы хеҙмәткәре[d]

Википедияла Зарипов фамилиялы башҡа кешеләр тураһында мәҡәләләр бар.

Зарипова Ғәйникамал Ҡиям ҡыҙы (15 июнь 1943) — ғалим-селекционер. Ауыл хужалығы фәндәре кандидаты (1978). Башҡортостан Республикаһының атҡаҙанған ауыл хужалығы хеҙмәткәре (1995), Рәсәй Федерацияһының атҡаҙанған ауыл хужалығы хеҙмәткәре (2014).

Биографияһы[үҙгәртергә | сығанаҡты үҙгәртеү]

Зарипова Ғәйникамал Ҡиям ҡыҙы 1943 йылдың 15 июнендә Башҡорт АССР-ының Миәкә районы Тауҡай-Гәйнә ауылында тыуған^[1]. 1970 йылда Башҡорт ауыл хужалығы институтын тамамлай. 1964 йылдан алып Мәләүез районының М.Ғафури исемендәге колхозында баш агроном, 1967 йылда — Ишембай зона агрохимия лабораторияһында эшләй.Я 1970 йылдан башлап өлкән агрохимик вазифаһын башҡара. 1975 йылдан башлап Башҡорт ауыл хужалығының ғилми-тикшеренеү институтында өлкән ғилми хеҙмәткәр (1976 йылда), 1991 йылдан алып төп ғилми хеҙмәткәр, 1998 йылда бүлек мөдире булып эшләй^[1].

1977 йылда ауыл хужалығы фәндәре кандидатына дәғүә итеп, «Влияние удобрений, внесенных под планируемый урожай, и орошения на продуктивность сахарной свеклы в условиях Предуральской степи Башкирии» тигән темаға диссертация яҡлай^[2].

Зарипова Ғәйникамал Ҡиям ҡыҙының фәнни эшмәкәрлеге күп йыллыҡ мал аҙығы культураларының яңы сорттарын сығарыуға, мал аҙығы үҫемлектәрен өйрәнеү һәм уларҙы үҫтереү технологияһын эшләүгә арналған^[1]. Зарипова тарафынан аҡ ҡандала үләненең — Чермасан, күк гибридлы люцернаның — Бибинур, тамырсалы суҡҡыяҡтың — Урал, шифалы тәкә һаҡалының Иглинская сорттары сығарыла, күп йыллыҡ мал аҙығы культуралары (ҡамыш бүтәгәһе, ҡуһа муртһабаҡ, ҡыҙыл йыланҡуҙаҡ, себер аҡтамырсығы һ.б.) баҫыуға индерелә. Зарипова көнсығыш кәзә үләне, люцерна һәм соя орлоғонан юғары уңыш алыу технологияларын эшләй, улар Башҡортостан Республикаһының Урал аръяғы дала зонаһы, Урал алды дала зонаһы һәм Көньяҡ урман‑дала зонаһы хужалыҡтарында индерелгән^[1].

Ғ.Ҡ. Зарипова 250‑нән ашыу фәнни хеҙмәт һәм 11 уйлап табыу авторы. РФ Президенты В. Путин Указы менән Зарипова Ғәйникамал Ҡиям ҡыҙына «Рәсәй Федерацияһының атҡаҙанған ауыл хужалығы хеҙмәткәре» тигән маҡтаулы исем бирелә^[3].