Изге Успение ғибәҙәтханаһы (Ольгинская)

Википедия — ирекле энциклопедия мәғлүмәте
Православие ҡорамы
Свято-Успенский ғибәҙәтханаһы
Файл:Успение ғибәҙәтханаһы, Ольгинская станицаһы.jpg
Ил Рәсәй
Ҡала Ростов өлкәһе Ольгинская станицаһы
Конфессия Православие
Епархия Ростов һәм Новочеркасск епархияһы Урыҫ Православин Сиркәүе 
Беренсе тапҡыр 1812
Төҙөлөшө 20082014 йылдар
Бөгөнгө хәле юҡҡа сыҡҡан

2014

Изге Успение сиркәүе — Мәскәү Патриархаты Урыҫ Православие Сиркәүенең Ростов һәм Новочеркасск епархияһына буйһонған, Ростов өлкәһе Аҡсай районы Ольгинская станицаһындағы православие сиркәүе.

Адресы: 346702, Ростов өлкәһе, Аксай районы, Ольгинская станицаһы,Ленин ур., 65.

Тарих[үҙгәртергә | сығанаҡты үҙгәртеү]

1812 йылда Ольгинская станицаһында (элекке Махинская) ағас ғибәҙәтхана төҙөлгән һәм изгеләндерелгән, ул 1942 йылда емерелгән. Сиркәүгә йөрөүселәрҙең хәйриә аҡсаһына төҙөлгән йорт бер тәхетле булған. 1876 йылға тиклем Изге Успение сиркәүе Кагальницкийгә, 1877 йылдан Аксайға буйһонған. Ғибәҙәтхана янында ҡарауыл йорто, сиркәү-мәхәллә мәктәбе төҙөгәндәр. 1855 йылда сиркәү өс тәхетлегә әйләнгән. 1893 йылда, уның ағас йорто сиркәүгә йөрөүселәрҙе һыйҙырмағас, станицала яңы таш сиркәү һалырға ҡарар иткәндәр.

1895 йылда мәхәллә кешеләре аҡса йыйып бөтөргәс, йыйған аҡсаға сиркәү төҙөй башланғандар. 1902 йылда йорт төҙөлгән һәм уның эске эштәре лә тамамланған. Яңы йорт биш көмбәҙле, ҡыңғырау манаралы итеп һалынған һәм ул иҫкеһе менән тоташтырылған. Успение сиркәүендәге тәхеткә көмөш һәм алтын менән ялатылған, финифт менән биҙәлгән тәре ҡуйылған. Был тәренең артына: «Граф Матвей Платов 1817 йылдың 1 октябрендә хәйергә биргән», — тип яҙып ҡуйылған.

1918 йылда сиркәү хөкүмәттән айырылған тигән Декрет сыҡҡас, Успение сиркәүен япҡандар. Бөйөк Ватан һуғышы йылдарында ул шартлатылған. Сиркәү төҙөгәндә ҡулланылған төҙөлөш материалдары Дон йылғаһын йөҙөп сығыу өсөн файҙаланылған.

Изге Успение сиркәүе 40 йылға яҡын эшләп килгән. Емерелгәндән һуң уның урынында сиркәү харабалары һәм футбол майҙаны булған

1996 йылда станица хакимиәте мәхәллә кешеләренә репрессияға эләккән казак Рабоченковтарҙың йортон ғибәҙәт ҡылыу урыны итеп биргән. Оҙаҡ ваҡыт бында дини ритуалдар үткәргәндәр, шул уҡ ваҡытта тәүге ағас сиркәүгә оҡшаған йорт күтәрә башлағандар.

2008 йылдың 1 майында йорттоң нигеҙ ташы изгеләндерелгән, 2012 йылда йорт төҙөлөп бөткән, йорт башына алтын көмбәҙҙәр ҡуйылған. 2014 йылдан алып сиркәүҙә ғибәҙәт ҡылалар, ә Успение сиркәүенең иҫке бинаһында йәкшәмбе мәктәбе эшләй.

Һылтанмалар[үҙгәртергә | сығанаҡты үҙгәртеү]