Илтенбаева Миңзифа Абрар ҡыҙы

Илтенбаева Миңзифа Абрар ҡыҙы (20 ғинуар 1962 йыл) — журналист. 2002 йылдан «Башҡортостан» республика гәзитенең баш мөхәррир урынбаҫары — яуаплы секретары. 1998 йылдан Рәсәй Федерацияһы һәм Башҡортостан Республикаһының Журналистар союздары ағзаһы. Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2005).

Биографияһы

Миңзифа Абрар ҡыҙы Илтенбаева (ҡыҙ фамилияһы Игелекова) 1962 йылдың 20 ғинуарында Башҡорт АССР-ының Учалы районы Яңы Байрамғол ауылында тыуған.

1979 йылда урындағы урта мәктәпте, 1984 йылда Башҡорт дәүләт университеты филология факультетының башҡорт-рус бүлеген тамамлай.

1984 йылдың 1 февраленән «Совет Башҡортостаны» (1990 йылдан «Башҡортостан») гәзитендә эшләй: тәржемәсе, баш мөхәррир ҡарамағындағы махсус хәбәрсе, бүлек мөдире була. 1998 йылда Рәсәй Федерацияһы һәм Башҡортостан Республикаһының Журналистар союздарына ағза итеп ҡабул ителә.

2002 йылдан Башҡортостан гәзитенең баш мөхәррир урынбаҫары — яуаплы секретарь.

2006 йылда «Башҡортостан Республикаһының атҡаҙанған матбуғат һәм киң мәғлүмәт хеҙмәткәре» тигән маҡтаулы исемгә лайыҡ була.

Маҡтаулы исемдәре һәм башҡа бүләктәре

• Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2005)
• «Бөтә Рәсәй халыҡ иҫәбен алыу буйынса күрһәткән ҡаҙаныштары өсөн» миҙалы (2002)

Һылтанмалар

• Единый республиканский инновационный бизнес-портал — Ильтинбаева Минзифа Абраровна (рус.) (Тикшерелеү көнө: 10 сентябрь 2022)
• "Башҡортостан" гәзите / газета "Башкортостан" (Тикшерелеү көнө: 10 сентябрь 2022)
• Рәхмәтлебеҙ элекке йәш хәбәрселәребеҙгә. «Йәншишмә» гәзите сайты (Тикшерелеү көнө: 10 сентябрь 2022)
• Официальный сайт Союза Журналистов РБ. С юбилеем вас, Минзифа Абраровна! 25.01.2022 года (рус.) (Тикшерелеү көнө: 10 сентябрь 2022)