И. А. Бунин һәйкәле (Мәскәү)

Википедия — ирекле энциклопедия мәғлүмәте
Перейти к навигации Перейти к поиску
И. А. Бунин һәйкәле
Дәүләт Flag of Russia.svg Рәсәй
Административ-территориаль берәмек Мәскәү ҡалаһы
Урынлашыу Мәскәү ҡалаһы

Яҙыусы, Нобель премияһы лауреаты И. А. Бунин һәйкәле Мәскәүҙең Ашнаҡсы урамында урынлашҡан.

Тарихы[үҙгәртергә | вики-тексты үҙгәртергә]

Бунинға һәйкәл ҡуйыу идеяһын «Бунин мираҫы» ассоциацияһы тәҡдим итә һәм «донъя һәм ватан әҙәбиәтенә ҙур өлөш индереүсе Нобель премияһы лауреатының иҫтәлеген мәңгеләштереү маҡсатында» баш ҡаланың мәҙәниәт департаменты, Мәскәү архитектура комитеты һәм Мәскәү мираҫ комитеты был идеяны яҡлап сыға[1]. Һәйкәлде Воронеждағы Бунин һәйкәле авторы скульптор Александр Бурганов һәм архитектор Виктор Пасенко төҙөй. Яҙыусының скульптураһы бронзанан ҡойолған һәм бейек булмаған гранит постаментта ҡуйылған. Иван Бунин ҡулына плащ тотҡан һәм ҡараштарын алыҫҡа төбәгән килеш тыныс аристократ позаһында баҫып тора. Һәйкәлдең ҡуйыу урыны — Ашнаҡсы урамы, 26-сы йорт эргәһен һайлау осраҡлы түгел, тап бында Мәскәүҙә Бунин Рәсәйҙән мәңгелеккә Францияға эмиграцияға китерҙән алда йәшәгән[2]. Йорттоң фасадында 1993 йылдың 11 декабрендә иҫтәлекле табличка ҡуйылған.

Һәйкәл классик һәм хәҙерге заман сәнғәте музейы «Бурганов-үҙәге» тарафынан Мәскәүгә бүләк итеп тапшырыла. Һәйкәлде асыу тантанаһы 2007 йылдың 22 октябрендә яҙыусының тыуыуының 137 йыллығы уңайына тура килә[3].

Иҫкәрмәләр[үҙгәртергә | вики-тексты үҙгәртергә]

  1. В центре столицы установят памятник Ивану Бунину  (рус.). Newsru.com (2007-07-24). 1 сентябрь 2013 тикшерелгән.
  2. В Москве открыт памятник Ивану Бунину  (рус.). Lenta.ru (2007-10-22). 1 сентябрь 2013 тикшерелгән.
  3. Открытие памятника И.А.Бунину в Москве  (рус.). Музеи России. 1 сентябрь 2013 тикшерелгән.

Һылтанмалар[үҙгәртергә | вики-тексты үҙгәртергә]