Йомағужа районы

Википедия — ирекле энциклопедия мәғлүмәте
Перейти к навигации Перейти к поиску
Юмагузинский район
Йомағужа районы
Ил

Совет Социалистик Республикалар Союзы СССР

Статус

муниципаль район

Урынлашҡан урыны

БАССР

Берләштерә

9 ауыл биләмәһе

Административ үҙәк

Йомағужа ауылы

Барлыҡҡа килеүе

1935

Тарҡалыуы

1963

Рәсми телдәр

башҡорт, урыҫ

Ваҡыт бүлкәте

MSK+2 (UTC+6)

Йомағужа районы (урыҫ. Юмагузинский район) БАССР-ҙың көньяғында урынлашҡан, төньяҡтан Мәләүез районы, төньяҡ-көнсығыштан — Бөрйән, көньяҡ-көнсығыштан — Күгәрсен, көньяҡ-көнбайыштан — Ырымбур өлкәһе, көнбайыштан — Көйөргәҙе районы менән сиктәш. 1935 йылдың 3 февралендә БАССР-ҙың Мәләүез һәм Мораҡ райондарын бүлеү һөҙөмтәһендә ойошторолған. 1963 йылдың 1 февралендә бөтөрөлгән, биләмәһе Мәләүез районы, 1965 йылда — Күгәрсен районы составына инә. Майҙаны — 1935 квадрат километр. Район үҙәге — Йомағужа. Районда 9 ауыл советы, 91 ауыл тораҡ пункты була.

Халҡы — 21,4 мең кеше (1959), күбеһенсә башҡорттар һәм урыҫтар. Иҡтисадтың нигеҙен ауыл хужалығы тәшкил итә, ауыл хужалығы ит-һөт йүнәлешендәге эре мөгөҙлө мал үрсетеү, иген культуралары үҫтереү буйынса махсуслашҡан. 24 колхоз, 66 дөйөм белем биреү мәктәбе (шул иҫәптән 3 урта), үҙәк район дауаханаһы, мәҙәниәт йорто, 7 клуб учреждениеһы, китапхана булған. «Ударсы» район гәзите сыға.

1938 йылда, беренсе саҡырылыш БАССР Юғары Советына һайлауҙар үткән ваҡытта, Йомағужа районынан Ғимаев Шәих Ғимаевич, «Ҡыҙыл Башҡортостан» гәзитенең мөхәррире һайлана.

Һылтанмалар[үҙгәртергә | вики-тексты үҙгәртергә]