Кашапов Солтан Ғилметдин улы

Кашапов Солтан Ғилметдин улы
	Кашапов Солтан Ғилметдин улы
Зат	ир-ат
Тыуған көнө	12 июль 1912
Тыуған урыны	Бәләбәй өйәҙе, Өфө губернаһы, Рәсәй империяһы
Вафат булған көнө	18 июль 2001 (89 йәш)
Сәйәси фирҡә ағзаһы	Советтар Союзы Коммунистар партияһы
Маҡтаулы исемдәре һәм башҡа бүләктәре

Википедияла Кашапов фамилиялы башҡа кешеләр тураһында мәҡәләләр бар.

Кашапов Солтан Ғилметдин улы (12 июль 1912 йыл — 18 июль 2001 йыл) — СССР-ҙың хужалыҡ һәм йәмәғәт эшмәкәре. СССР-ҙың нефть сәнәғәте отличнигы (1952) һәм почётлы нефтсеһе (1972), Бәләбәй ҡалаһының почётлы гражданы (1967). Өс Хеҙмәт Ҡыҙыл Байраҡ ордены кавалеры (1948, 1952, 1959).

Биографияһы

Рәсәй империяһы, Өфө губернаһы Бәләбәй өйәҙе (хәҙер Башҡортостан Республикаһының Бәләбәй районы) Балталы ауылында 1912 йылда тыуған. ВКБ(б) ағзаһы.

1932 йылдан — хужалыҡ эштәрендә, бер үк ваҡытта йәмәғәт эшмәкәрлеге менән дә шөғөлләнә. Сәнәғәт академияһын тамамлаған (Баҡы ҡалаһы, 1941).

1932—1968 йылдар —"Ишембайнефть" тресы иретеп йәбештереүсеһе, төҙөлөш-монтаж контораһы начальнигы, профсоюз комитеты рәйесе, цех начальнигы, коммуналь контора начальнигы, управляющий урынбаҫары, «Туймазынефть» тресы нефть промыслаһы директоры, «Ишембайнефть» тресы идаралығы начальнигы, «Аксаковнефть» НГДУ-һының нефть промыслаһы мөдире.

СССР-ҙың нефть сәнәғәте отличнигы, СССР-ҙың почетлы нефтсеһе.

Нефть сәнәғәтендә оҙаҡ йылдар эшләгәне, Шкапов нефть ятҡылығын үҙләштерегә индергән тос өлөшө өсөн 1968 йылда «Бәләбәй ҡалаһының почётлы гражданы» исеме бирелә^[1]

РСФСР-ҙың 1-се саҡырылыш Юғары Советы депутаты итеп һайлана (1938).

Уның ҡатнашлығында яңы техника индереү, нефть сығарыу технологияһы камиллаштырыла, Башҡортостанда яңы ятҡылыҡтар үҙләштерелә. Нефть ятҡылыҡтарын үҙләштергәндә производство процестарын автоматлаштырыуҙа, диспетчерлаштырыуҙа әүҙем ҡатнаша^[2]

Бәләбәй районының Приют ҡасабаһында 2001 йылда вафат була.

Иҫкәрмәләр

↑ Решение исполкома горсовета г. Белебея от 06.11.1968 г. о присвоении звания «Почётный гражданин» г. Белебея
↑ Кашапов Султан Гильмутдинович[1](недоступная ссылка)

Һылтанмалар

Кашапов 2018 йыл 8 декабрь архивланған.
Почётные граждане города Белебей[2](недоступная ссылка)

[1] Решение исполкома горсовета г. Белебея от 06.11.1968 г. о присвоении звания «Почётный гражданин» г. Белебея

[2] Кашапов Султан Гильмутдинович[1](недоступная ссылка)

[1]

[2]