Күмертау авиация етештереү предприятиеһы
| Күмертау авиация етештереү предприятиеһы | |
| Нигеҙләү датаһы | 1962 |
|---|---|
 | |
| Ойоштороу-хоҡуҡ формаһы | Асыҡ акционерҙар йәмғиәте[d] |
| Штаб-фатирҙың урынлашыуы | Күмертау, Башҡортостан Республикаhы, Рәсәй |
| Рәсми сайт | russianhelicopters.aero/… |
Күмертау авиация етештереү предприятиеһы — СССР һәм Рәсәй авиация предприятиеһы, Башҡортостан Республикаһының Күмертау ҡалаһында урынлашҡан. Завод «Ка-226», «Ка-27», «Ка-31» вертолеттары эшләп сығара.
Тарихы
[үҙгәртергә | сығанаҡты үҙгәртеү]
1962 йыл төҙәтеү-механика заводы базаһында авиация заводы нигеҙләнә. 1968 йыл завод тәүге «Ка-26» вертолёттарын сығара. 1972 йыл предприятие яңы исем ала, ул — Кумертау вертолет заводы тип атала башлай; 1977 йылдан Күмертау авиация етештереү берекмәһе составында баш предприятие[1].
- 1973—1989 БПЛА күпләп етештереү.
- 1974—1978 М-17 самолёты «Геофизика» етештереү.
- 1974—1980 завод Ту-154 самолеты өсөн ҡанатының берөлөшөн сығара.
- 1982—1985 завод «Буран» МТКК төҙөү программаһында ҡатнаша.
- 1992 — предприятие «Күмертау авиация етештереү берекмәһе» итеп үҙгәртеп ҡорола.
- 1994 — Заводта Ил-112 самолёты етештереү планлаштырыла, әммә ул үтәлмәй.
- 2006 — Заводта 1286 млн һумлык продукция етештерелә.
- 2008 — Милек формаһы ФДУП булған «КумАПП» «асыҡ акционерҙар йәмғиәте»нә үҙгәртелә. 2301 млн һумлыҡ тауар етештерелә. (15 вертолёт).
Етештергән продукцияһы
[үҙгәртергә | сығанаҡты үҙгәртеү]Һуңғы йылдарҙа предприятие түбәндәге төр вертолеттар эшләп сығара:
- Ка-27 ПС (эҙләү-ҡотҡарыу);
- Ка-28, Ка-29 (хәрби транспорт);
- Ка-31 (радиолокацион);
- Ка-32А (урта синыфтағы күп маҡсатлы);
- Ка-32А11ВС (күп маҡсатлы);
- Ка-226 (еңел, күп маҡсатлы).
Бөгөнгө хәле
[үҙгәртергә | сығанаҡты үҙгәртеү]2015 йылға предприятиеның бурыстары яҡынса 14-15 миллиард һум тәшкил итә. Бынан сығып, Ҡазан вертолет заводы менән Күмертауҙың бергә эшләү варианты тәҡдим ителде, уның акциялары Ҡазан вертолет заводы идаралығына тапшырыла. КумАПП-тың юридик берәмек һәм технологик майҙансыҡ булараҡ үҙаллылығын һаҡлап ҡаласағы тураһында килешелгән. Бында сығарылған «Камов» вертолеттары популяр һаналмай, уларҙы ҡулланыу даирәһе сикле: улар тик янғындарға һәм төрлө стихиялы бәлә-ҡазаларға ҡаршы сараларҙа файҙаланыла. Бөгөнгә был вертолеттарҙы һатып алыусылар күп түгел[2].
Билдәле хеҙмәткәрҙәре
[үҙгәртергә | сығанаҡты үҙгәртеү]- Маляренко Михаил Константинович (30.07.1949—25.07.2016), инженер-механик, хужалыҡ һәм йәмәғәт эшмәкәре. 2007–2009 йылдарҙа предприятиеның генераль директоры. Башҡортостан Республикаһының 4-се саҡырылыш Дәүләт Йыйылышы — Ҡоролтай депутаты. Башҡортостан Республикаһының атҡаҙанған машина эшләүсеһе (2009). Сығышы менән хәҙерге Ставрополь крайының Кисловодск ҡалаһынан[3].
Иҫкәрмәләр
[үҙгәртергә | сығанаҡты үҙгәртеү]- ↑ ОАО «КумАПП» — Кумертауское авиационное производственное предприятие 2009 йыл 2 март архивланған.
- ↑ «Башинформ» мәғлүмәт агентлығы, 2015, 13 ноябрь
- ↑ Проект «Годы и люди» Уфимского авиационного государственного технического университета: Маляренко Михаил Константинович(недоступная ссылка) (Тикшерелеү көнө: 27 июль 2019)
Һылтанмалар
[үҙгәртергә | сығанаҡты үҙгәртеү]- Күмертау авиация етештереү предприятиеһы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 27 июль 2019)
- Официальный сайт предприятия 2009 йыл 2 март архивланған.
- ФГУП «КумАПП» ИА «Башинформ» 2009 йыл 23 июнь архивланған.
- ФГУП «КумАПП» на сайте «narod.ru»
- «Башинформ» мәғлүмәт агентлығы, 2015, 13 ноябрь