Пискарёв мемориаль зыяраты

Википедия — ирекле энциклопедия мәғлүмәте
Перейти к навигации Перейти к поиску
Пискарёв мемориаль зыяраты
Рәсем
Дәүләт Flag of Russia.svg Рәсәй
Административ-территориаль берәмек Санкт-Петербург
Число захоронений 186
Мираҫ статусы объект культурного наследия России федерального значения[d]
Рәсми сайт museum.ru/M173
Бында ерләнгән кешеләр категорияһы Категория:Похороненные на Пискарёвском кладбище[d]
Commons-logo.svg Пискарёв мемориаль зыяраты Викимилектә

Пискарев мемориаль зыяраты — Ленинград блокадаһы ҡорбандары һәм Ленинград фронты яугирҙары күпләп ерләнгән урын, Санкт-Петербургтың төньяҡ-көнсығышында урынлашҡан. Зыяратта ҡорбандарға мемориал ҡуйылған.

Тарихы[үҙгәртергә | вики-тексты үҙгәртергә]

Пискарев зыяраты 1939 йыл[1] Ленинградтың төньяҡ ситендә барлыҡҡа килә һәм эргәләге Пискаревка ауылы исеме менән атала. 19411944 йылдарҙа күпләп ерләү урыны була. Туғандар ҡәберендә Ленинград фронты яугирҙары һәм Ленинград блокадаһы ҡорбандары ерләнә (барлығы яҡынса 470 мең самаһы кеше[2]; башҡа мәғлүмәттәр буйынса, 520 мең кеше — 470 мең хәрби хеҙмәткәр һәм 50 мең блокадасы[3]). Иң күп юғалтыу 1941—1942 йылдарҙың ҡышына тура килә (мәҫәлән, 1942 йылдың 15 февралендә зыяратҡа 8452 кеше килтерелә, 19 февралдә — 5569, 20 февралдә — 10043).

1945 йылдың февралендә блокада ваҡытында һәләк булған ленинградлыларға мемориал проектына конкурс үткәрелә. 1956 йылда 26 гектарҙан ашыу майҙанда архитекторҙар А. В. Васильев һәм А. Е. Левинсон проекты буйынса мемориаль комплекс төҙөлә башлай. Мемориал 1960 йылдың 9 майында, совет халҡының Бөйөк Ватан һуғышында еңеүенең 15 йыллығында асыла. Мәңгелек ут Марс яланындағы уттан тоҡандырыла.

Архитектура-скульптура ансамбле үҙәгендә алты метрлыҡ «Әсәй-Ватан» бронза скульптура — көрәшкән Ленинградтың тормош һәм алыш эпизодтарын тергеҙгән горельефлы иатәм стелаһы тора. Ансамбль авторҙары — архитектор А. В. Васильев, Е. А. Левинсон, скульпторҙар В. В. Исаева һәм Р. К. Таурит («Әсәй-Ватан» һәм ҡабырғалағы рельефтар), М. А. Вайнман, Б. Е. Каплянский, А. Л. Малахин, М. М. Харламов (үҙәк стела горельефтары).

Пискарев мемориаль зыяратына ингән саҡта иҫтәлекле мәрмәр таҡтаға түбәндәгеләр яҙылған:

« С 8 сентября 1941 года по 22 января 1944 года на город было сброшено 107158 авиабомб, выпущено 148478 снарядов, убито 16744 человек, ранено 33782, умерло от голода 641803 человек. »

Пропилеяларҙағы яҙыу авторы — шағир-фронтовик Михаил Дудин.

Пискарев зыяратына ингәндә ике павильонда ҡаланы һаҡлаусылдар һәм халыҡ ҡаһарманлығына бағышланған музей бар: унда 1941—1942 йылдарҙың ҡот осҡос ҡышында кисергән Ленинград уҡыусыһы Таня Савичеваның көндәлеге күрһәтелә.

Монументтағы яҙыу: «Память о бойцах, командирах и политработниках героически погибших в боях с белофиннами за безопасность северо-западных границ Советского Союза и города Ленина, вечно будет жить в наших сердцах»

Мәңгелек утҡа алып барыусы гранит баҫҡыстар буйлап 480 метр оҙонлоғондағы төп аллеяға барып сығаһың. Ул мөһабәт «Әсәй-Ватан» монументына алып бара. Монументтың артындағы гранит стенаға Ольга Берггольцтың түбәндәге юлдары соҡоп яҙылған:

« Здесь лежат ленинградцы.

Здесь горожане — мужчины, женщины, дети.
Рядом с ними солдаты-красноармейцы.
Всею жизнью своею
Они защищали тебя, Ленинград,
Колыбель революции.
Их имён благородных мы здесь перечислить не сможем,
Так их много под вечной охраной гранита.
Но знай, внимающий этим камням:
Никто не забыт и ничто не забыто.

»

Зыяраттың көнбайыш өлөшөндә шәхси граждандарҙың, шулай уҡ 1939—1940 йылдарҙағы совет-фин һуғышында һәләк булған яугирҙар ҡәберҙәре бар.

Зыяраттың көнсығыш сиге буйлап Хәтер аллеяһы урынлашҡан. Ленинградты һаҡлаусылар иҫтәлегенә унда Рәсәй төбәктәренән, БДБ илдәренән һәм сит илдәрҙән, шулай уҡ блокадалы Ленинградта эшләгән ойошмаларҙан иҫтәлекле таҡтаташтар ҡуйылған.

2002 йылдың 9 майында зыярат эргәһендәге ағас ғибәҙәтхана изгеләндерелә. Ҡорам төҙөү планлаштырыла. Хәҙер буласаҡ ҡорам урынында тәре билдәһе тора[4].

Галерея[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

  1. Пискарёвское мемориальное кладбище
  2. Великая Отечественная война 1941—1945: энциклопедия. / Гл. ред. М. М. Козлов. — М.: Советская энциклопедия, 1985. — 832 с.
  3. Пискарёвское мемориальное кладбище. Энциклопедия Санкт-Петербурга
  4. Невское время. — СПб, 9 августа 2002. — с.3

Әҙәбиәт[үҙгәртергә | вики-тексты үҙгәртергә]

  • И. А. Бродский. Памятник героическим защитникам Ленинграда. Пискарёвское мемориальное кладбище-музей. Изд. Художник РСФСР, 68 стр.
  • Валерий Лозовский. Пискарёвское мемориальное кладбище. Изд. Дитон, 230 стр., тираж 1000 экз.
  • Гусаров А.Ю. Памятники воинской славы Петербурга — СПб: Паритет, 2010. — 400 б. — ISBN 978-5-93437-363-5.
  • И. А. Бродский. Памятник героическим защитникам Ленинграда. Пискарёвское мемориальное кладбище-музей. Альбом. Изд. Художник РСФСР, 68 стр., тираж 5000 экз.
  • Г. Ф. Петров Пискарёвское кладбище. Лениздат, 45 стр., (Туристу о Ленинграде)
  • Г. Петров. Пискарёвское Кладбище. Лениздат, 54 стр., (Пискарёвское мемориальное кладбище (Ленинград, Р. С. Ф. С.Р)) (Туристу о Ленинграде)
  • М. А. Дудин Пискарёвское мемориальное кладбище. Изд. Аурора.

Һылтанмалар[үҙгәртергә | вики-тексты үҙгәртергә]