Потапова Ольга Яковлевна

Потапова Ольга Яковлевна
Зат	ҡатын-ҡыҙ
Гражданлыҡ	СССР
Тыуған көнө	1914
Тыуған урыны	Украина
Вафат булған көнө	15 апрель 1965({{padleft:1965|4|0}}-{{padleft:4|2|0}}-{{padleft:15|2|0}})
Вафат булған урыны	Ангарск, Иркутск өлкәһе, РСФСР, СССР
Һөнәр төрө	бригадир
Маҡтаулы исемдәре һәм башҡа бүләктәре

Биографияһы

Ольга Яковлевна Потапова Украинаның Хмельницкий өлкәһе хәҙерге Славуцкий районы Полянь ауылында 1914 йылда тыуған. 1931 йылда леспромхоздың Ирбейский заводында хеҙмәт юлын башлай.

1948 йылда Иркутск өлкәһенең Ангарск ҡалаһына күсә. 1953 йылда алып ҡаланың төрлө төҙөлөш объекттарнда малярҙар бригадиры булып эшләй. Беренсе комплекслы бригада бригадиры итеп тәғәйенләйҙәр ангарский 1955 йылда 16-сы Ангарск төҙөлөш идаралығының беренсе комплекслы отделочниктар бригадаһының бригадиры итеп тәғәйенләнә. Ул 70 хеҙмәт кешеһенән торған бригадала менән етәкселек итә. 1959 йылда был коллективҡа «Коммунистик хеҙмәт бригадаһы» тигән маҡтаулы исем бирелә.

1960 йылдың 7 мартында СССР Юғары Советы Президиумы Указы менән «Халыҡ-ара ҡатын-ҡыҙҙар көнөнөң 50 йыллығы айҡанлы хеҙмәттәге һәм йәмәғәт эшмәкәрлегендәге айырыуса ҙур ҡаҙаныштары өсөн» Потапова Ольга Яковлевнаға Социалистик Хеҙмәт Геройы исеме бирелә һәм уға Ленин ордены менән «Ураҡ һәм Сүкеш» алтын миҙалы тапшырыла.

О. Я. Потапова ғүмеренең аҙағына тиклем артабан да төҙөлөштә эшләй.

КПСС-тың XXII съезына төҙөлөш тармағынан һәм Ангарск ҡала советынан делегат булып бара. Ангарск ҡала советының депутаты, КПСС-тың Иркутск өлкә комитеты һәм КПСС-тың Ангарск ҡала комитеты ағзаһы була.

О. Я. Потапова Ангарск ҡалаһында йәшәй. 1965 йылдың 15 апрелендә вафат була.

Наградалары

Хеҙмәт уңыштары өсөн лайыҡ булған:

• «Ураҡ һәм Сүкеш» алтын йондоҙ миҙалы (07.03.1960)
• Ленин ордены (07.03.1960)
• "Хеҙмәт батырлығы өсөн" миҙалы (09.08.1958)
• башҡа миҙалдар.

Хәтер

• 1982 йылда Социалистик Хеҙмәт Геройы О. Я. Потапова исеме менән Ангарск ҡала урамдарының береһе атала.
• Был урамдағы йорттарҙың береһенә мемориаль таҡтаташ ҡуйылған.

Әҙәбиәт

• Ю. М. Бархатов Иркутяндар - Социалистик Хеҙмәт Геройҙары. - Иркутск, 2013.
• Атом проекты геройҙары. - Саров, 2005.

Һылтанмалар

• Потапова Ольга Яковлевна  (билдәһеҙ). «Герои страны» сайты.