Сербия милли китапханаһы

Википедия — ирекле энциклопедия мәғлүмәте
Перейти к навигации Перейти к поиску
Сербия милли китапханаһы
сер. Народна библиотека Србије
Сербия милли китапханаһы сер. Народна библиотека Србије
Адресы

Флаг Сербии Сербия, Белград

Нигеҙ һалыу датаһы

1832 йыл

Фонд
Фонд составы

китаптар, фәнни журналдар, гәзиттәр, журналдар, аудиояҙмалар, мәғлүмәт базалары, карталар, эстамптар, һүрәттәр һәм ҡулъяҙмалар

Фонд күләме

яҡынса 6 млн берәмек

Веб-сайт

www.nb.rs (серб.)

Сербия милли китапханаһы (сер. Народна библиотека Србије) — Сербияла иң ҙур китапхана. Илдең баш ҡалаһы Белградта, Врачар общинаһында урынлашҡан.

Тарихы[үҙгәртергә | вики-тексты үҙгәртергә]

Китапхананың барлыҡҡа килеүе 1832 йылдың февралендә булған тарихи ваҡиғаға бәйле, ошо ваҡытта тәүге серб гәзитен баҫтырыусы Димитрие Давидович кенәз Милош Обреновичҡа хат менән мөрәжәғәт яһай. Шул уҡ йылдың ноябрендә кенәз мотлаҡ даналарҙы Милли китапханаға ебәрергә бойора[1].

Беренсе донъя һуғышы осоронда китапхана бинаһы һәм уның фонды бомбардировкалау һөҙөмтәһендә зыян күрә, фондтың иҫән ҡалған өлөшөн һаҡлау өсөн Ниш һәм Крагуевац ҡалаларына күсерәләр. Һуғыш тамамланғандан һуң, 1919 йылғы Милли китапхана тураһындағы акт һәм Матбуғат тураһындағы законға ярашлы китапханаға үҙәк дәүләт статусы бирелә һәм ул бөтә Югославия короллегендә нәшер ителгән китаптарҙың мотлаҡ даналарын алыу хоҡуғына эйә була.

1941 йылдың апрелендә фашистик илдәр Югославияға һөжүм иткән осорҙа, Белградты бомбардировкалау һөҙөмтәһендә китапхана бинаһы тулыһынса юҡ ителә. Уның бинаһы менән бергә 500 000 дана китаптар, 1424 кириллик ҡулъяҙмалары һәм уставтар, 1500 берәмек боронғо карталар һәм гравюралар, 4000 журнал, 1800 гәзит башлыҡтары, ғосман (төрөк) документтарының архивы һ.б. юҡ ителә.

1944 йылда Белград азат ителгәс, китапхана тергеҙелә.

Иҫкәрмәләр[үҙгәртергә | вики-тексты үҙгәртергә]

  1. Tri veka burne istorije Narodne biblioteke Srbije  (серб.). 22 апрель 2014 тикшерелгән.

Һылтанмалар[үҙгәртергә | вики-тексты үҙгәртергә]