Ситдиҡов Шәмсетдин Мөхәмәтдин улы

Википедия — ирекле энциклопедия мәғлүмәте
Перейти к навигации Перейти к поиску
Викидатала элемент тултырылмаған

Ситдиҡов Шәмсетдин Мөхәмәтдин улы (17 июнь, 1924, БАССР, хәҙерге Салауат районы, Лағыр ауылы — 7 декабрь, 2002 йыл, Лағыр ауылы) — педагог, разведчик. Өс тапҡыр Ҡыҙыл Йондоҙ ордены менән наградланған.

Биографияһы[үҙгәртергә | вики-тексты үҙгәртергә]

Ситдиҡов Шәмсетдин Мөхәмәтдин улы 1924 йылдың 17 июнендә Салауат районының Лағыр ауылында крәҫтиән ғаиләһендә тыуа. 7-се кластан һуң тамамлағас, ауыл советында һалым агенты булып эшләй. 1942 йыл — фронтҡа алына, кесе командирҙар составы мәктәбендә уҡый, уны лейтенант дәрәжәһендә тамамлай. Бөйөк Ватан һуғышында полк разведкаһында разведчиктар взводы командиры була. Һуғыштан һуң Педагогия институтын тамамлай. Колхозда партком рәйесе булып эшләй. 1953 — 1973 йылдарҙа Лағыр урта мәктәбе директоры. Уның етәкселегендә яңы мәктәп, интернат, уҡытыусылар өсөн ике фатирлы йорт һалына. Бер нисә саҡырылыш ауыл соыеты һәм район советы депутаты итеп һайлана. 2002 йылдың 7 декабрендә вафат була. Лағыр ауылында ерләнгән.

Ғаиләһе[үҙгәртергә | вики-тексты үҙгәртергә]

Хәләле Рабиға Шәрәфетдин ҡыҙы менән алты бала тәрбиәләр үҫтерәләр, барыһына ла юғары белем бирәләр.


Наградалары[үҙгәртергә | вики-тексты үҙгәртергә]

  • Өс Ҡыҙыл Йондоҙ ордены (26.09.1944, 13.02.1945, 29.03.1945) [1].
  • 2-се дәрәжә Ватан һуғышы ордены (15.06.1945)[1].
  • «Германияны еңгән өсөн» миҙалы.
  • «Кенигсбергты алған өсөн» миҙалы.
  • БАССР Юғары Советының Маҡтау ҡағыҙы[2].

Иҫкәрмәләр[үҙгәртергә | вики-тексты үҙгәртергә]

Сығанаҡтар[үҙгәртергә | вики-тексты үҙгәртергә]

  • Заемля Салаватская. Земля батыра. Уфа, «Гилем», 2010.