Смаҡова Асия Вәфир ҡыҙы

Асия Смаҡова
Тулы исеме	Смаҡова Асия Вәфир ҡыҙы
Тыуған	28 август 1947({{padleft:1947|4|0}}-{{padleft:8|2|0}}-{{padleft:28|2|0}}) (77 йәш)
Тыуған урыны	Башҡорт АССР-ы Стәрлетамаҡ районы Латип ауылы
Ил	СССР → Рәсәй Федерацияһы
Һөнәрҙәре	йырсы
Наградалар	Башҡортостан Республикаһының атҡаҙанған артисы Башҡортостандың халыҡ артисы

Смаҡова Асия Вәфир ҡыҙы (28 август 1947 йыл) — йырсы, Башҡортостан Республикаһының халыҡ артисы (2010).

Биографияһы

Асия Вәфир ҡыҙы Смаҡова (ҡыҙ фамилияһы Ғәббәсова) 1947 йылдың 28 авгусында Башҡорт АССР-ының Стәрлетамаҡ районы Латип ауылында тыуған. Ишембай ҡалаһында 1-се һигеҙ йыллыҡ интернат-мәктәбенән һуң 2-се интернат-мәктәбендә уҡый. Музыка уҡытыусыһы Ғәлиә Дауыт ҡыҙы Рәшитова (Таңһылыу Рәшитованың һеңлеһе) ҡыҙҙың йыр-моңға һәләтен күреп, уға айырым иғтибар бүлә. Асия Вәфир ҡыҙы мәктәп хорында һәм йыр анамблендә солист була.

1966—1970 йылдарҙа Өфө музыка училищеһында уҡый, ошо осорҙа буласаҡ тормош иптәше билдәле эстрада йырсыһы Илфаҡ Смаҡов менән таныша.

1975 йылда Өфө дәүләт сәнғәт институтын тамамлай.

Ижады

1969 йылдан Башҡортостан хор капеллаһы солисы, Башҡорт дәүләт филармонияһы педагог-репетиторы, 1980-се йылдарҙа тормош иптәше Илфаҡ Смаҡов менән бергә сығыш яһай башлайҙар. Был үҙенсәлекле дуэт тыңлаусылар, тамашасылар күңелендә йылы хәтирәләр ҡалдыра. Йырсылар моңло тауыштары, матур ҡиәфәттәре, сәхәнәлә үҙ-үҙен тотоштары менән айырылып тора. Улар репертуар һайлауға ла бик етди ҡарай.

1998—2010 йылдарҙа — Айҙар Ғәлимовтың «Айҙар» театр-студияһы йырсы-солисы.

Асия Смаҡованың матур тембрлы тауышын тамашасылар һәр саҡ көтөп ала. Репертуарында башҡорт һәм татар халыҡ йырҙары, композиторҙар ижад иткән әҫәрҙәр.

Маҡтаулы исемдәре һәм башҡа бүләктәре

• Башҡортостан Республикаһының халыҡ артисы (2010).
• Башҡортостан Республикаһының атҡаҙанған артисы (1995).

Ғаиләһе

Тормош иптәше — Илфаҡ Смаҡов (1940—1993), РСФСР-ҙың атҡаҙанған артисы, Башҡорт АССР-ының халыҡ артисы. Ҡыҙҙары — Айһылыу.

Йырсы ваҡытлы матбуғатта

• Гөлфиә Юнысова. “Ғүмеремде ҡабат башлап булһа, ҡайтыр инем үҫмер сағыма...” «Башҡортостан» гәзите, 2017, 3 октябрь.

Һылтанмалар

• Смаҡова Асия Вәфир ҡыҙы — Башҡорт энциклопедияһы 2016 йыл 21 апрель архивланған. (Тикшерелеү көнө: 3 октябрь 2017)
• Энциклопедия Башкирии: Смаков Ильфак Музипович
• Ильфак Смаков 2014 йыл 29 сентябрь архивланған. на сайте Башкирской государственной филармонии имени Хусаина Ахметова
• Певцы, музыканты, педагоги по вокалу и музыке — Башкирская …

башкирская-энциклопедия.рф/index.php/component/…/18335-pevtsy-i-muzykanty

• Беҙҙең кумирҙар «Йәшлек» гәзите. www.ye02.ru › Новости › Мәҙәниәт