Солтанов Исмәғил Хөсәйен улы

Википедия — ирекле энциклопедия мәғлүмәте
Перейти к навигации Перейти к поиску
Исмәғил Хөсәйен улы Солтанов
Флаг
Башҡорт АССР-ы Халыҡ комиссарҙары Советы рәйесе урынбаҫары
1925 — 1927
Флаг
Башҡорт АССР-ы Эске эштәр халыҡ комиссары.
1925 — 1927
 
Тыуған: 14 ноябрь 1890({{padleft:1890|4|0}}-{{padleft:11|2|0}}-{{padleft:14|2|0}})
Ырымбур губернаһы Верхнеуральск өйәҙе ауылы[1]
Үлгән: 31 май 1927({{padleft:1927|4|0}}-{{padleft:5|2|0}}-{{padleft:31|2|0}}) (36 йәш)
Кисловодск
Ерләнгән: Өфө ҡалаһы
Партия: КПСС

Исмәғил Хөсәйен улы Солтанов (14 ноябрь 1890 — 31 май 1927) — Башҡортостандың партия һәм дәүләт эшмәкәре йәмәғәт эшмәкәре, 1920 йылдан РКП(б) ағзаһы, 1925—1927 йылдарҙа Башҡорт АССР-ы халыҡ комиссарҙары Советы рәйесе урынбаҫары, эске эштәр халыҡ комиссары.

Биографияһы[үҙгәртергә | вики-тексты үҙгәртергә]

Исмәғил Хөсәйен улы Солтанов 1890 йылда Ырымбур губернаһы Верхнеуральск өйәҙе (хәҙерге Башҡортостан Республикаһының Учалы районы Ҡотой ауылында тыуған. Башланғыс белемде Яңы Байрамғол ауылы мәҙрәсәһендә ала.

1920 йылдан РКП (б) ағзаһы. 1920—1923 йылдарҙа Тамъян-Ҡатай кантонында (хәҙерге Белорет, Әбйәлил, Учалы райондары биләмәләрендә) Коммунистар партияһының кантон комитетында бүлек мөдире, секретарь булып эшләй.

1924—1925 йылдарҙа Йылайыр кантоны башҡарма комитеты рәйесе, 1925—1927 йылдарҙа Башҡорт АССР-ы Халыҡ комиссарҙары Советы рәйесе урынбаҫары, Эске эштәр халыҡ комиссары. VI, VIII һәм IX партия конференцияларында Башҡортостандан делегат булып ҡатнаша.

Яуаплы вазифаларҙа ҙур көсөргәнешлек менән хеҙмәт һалыу Исмәғил Солтановтың һаулығын ныҡ ҡаҡшата. Табиптәр тәҡдиме менән 1927 йылдың яҙында ул Кисловодск ҡалаһына дауаланырға ебәрелә. Сәләмәтлеге ваҡытлыса ғына яҡшыра. 31 майҙа ул йөрәк фалижынан (параличынан) вафат була.

ВКП(б) Башҡортостан өлкә комитетының 1927 йылдың 6 июлендә үткән пленумында сығыш яһап, өлкә комитет секретары Э. И. Юрьевич шулай ти:

« Солтанов иптәштең вафат булыуы — беҙҙең өсөн ҙур юғалтыу... Күренекле партия һәм совет эшмәкәре Солтанов иптәш Совет Башҡортостанын төҙөү өсөн күп көс һалды. Уның иҫтәлеге ул ҡатнашҡан бөтә ижади эштәрҙә йәшәйәсәк. »

Хәтер[үҙгәртергә | вики-тексты үҙгәртергә]

  • Учалы районы Ҡотой ауылының тулы булмаған урта мәктәбе Исмәғил Солтановтың исемен йөрөтә, мәктә алдында уның бюсы ҡуйылған[2].
  • Өфө ҡалаһының бер урамына Исмәғил Солтанов исеме бирелгән[2].

Уның тураһында[үҙгәртергә | вики-тексты үҙгәртергә]

  • Романов В. Исмагил Султанов — один из первых наркомов автономной Башкирии (К 125-летию со дня рождения). «Башинформ» мәғлүмәт агентлығы, 2015, 14 ноябрь.[2]

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]