Зәйнәғәбдинов Сәлих Насретдин улы

Сәлих Насретдин улы Зәйнәғәбдинов
Тыуған көнө	15 август 1931({{padleft:1931|4|0}}-{{padleft:8|2|0}}-{{padleft:15|2|0}})
Тыуған урыны	Башҡорт АССР-ы Мәләүез районы Әлмәкәй утары
Вафат булған көнө	23 октябрь 2020({{padleft:2020|4|0}}-{{padleft:10|2|0}}-{{padleft:23|2|0}}) (89 йәш)
Гражданлығы	СССР Рәсәй Федерацияһы
Эшмәкәрлеге	хужалыҡ эшмәкәре
Тормош иптәше	Маһира Талип ҡыҙы
Наградалары һәм премиялары

Зәйнәғәбдинов Сәлих Насретдин улы (15 август 1931 йыл — 23 октябрь 2020 йыл) — ауыл хужалығы эшмәкәре. 1959—1985 йылдарҙа Мәләүез районының В. И. Ленин исемендәге колхоз рәйесе. Социалистик Хеҙмәт Геройы (1971), Башҡортостан Республикаһының атҡаҙанған ауыл хужалығы хеҙмәткәре (1997).

Биографияһы

• Сәлих Насретдин улы Зәйнәғәбдинов 1931 йылдың 15 авгусында БАССР-ҙың Мәләүез районы Әлмәкәй утарында тыуған.
• 1970 йылда Башҡортостан ауыл хужалығы институтытын тамамлай.
• 1957 йылдан алып Мәләүез районының В. И. Ленин исемендәге колхозында эшләй.
• 1959 йылдан башлап шул уҡ хужалыҡта рәйес.
• 1985—1998 йылдарҙа Мәләүез районы әҙерләүҙәр һәм ауыл хужалығы продукцияһы сифаты буйынса дәүләт инспекцияһы начальнигы.

С. Н. Зәйнәғәбдинов етәкселегендә В. И. Ленин исемендәге колхоз етештереүҙә юғары күрһәткестәргә өлгәшә: иген культураларының уңдырышлылығы — гектарынан 20 центнер, көнбағыштыҡы (орлоғо) — гектарынан 14 центнер; бер һыйырҙан ураса йыллыҡ һауым — 2780 кг; дәүләткә иген һатыу — 3760 тонна; ит 260 тонна тәшкил итә.

Хеҙмәт ветераны 2020 йылдың 23 октябрендә вафат була.

Маҡтаулы исемдәре һәм башҡа бүләктәре

• Социалистик Хеҙмәт Геройы (1971)
• Хеҙмәт Ҡыҙыл Байраҡ ордены (1965)
• Ленин ордены (1971)
• Хеҙмәт Ҡыҙыл Байраҡ ордены (1976)
• Халыҡтар Дуҫлығы ордены (1981)

Сығанаҡтар

• Зәйнәғәбдинов Сәлих Насретдин улы  (билдәһеҙ). «Герои страны» сайты.

Әҙәбиәт

• М. А. Агафонов. Аромат хлеба // Герои труда Башкирии: очерки о Героях Социалистического Труда. — Уфа, 1973;
• Герои труда. — Уфа, 2011.

Һылтанмалар

• Зәйнәғәбдинов Сәлих Насретдин улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 12 август 2021)